Pre Quaterfinal: 1st March 2010

Ramthar Veng 2-2 Lunglei Ramthar (4-5 on penalties)
Inkhel hmuhnawm tak a ni a, chhun pachang ah khel mahse entu mipui pawh an tam ngei mai. Lunglei Ramthar hian chak phu deuh zawk mahse an chak hi an vannei a tih theih. Ramthar Veng hian 2-1 in hma an hruai reng a, chance tha an hlauh nual bawk. Amaherawhchu hun tawp dawn lamah an fimkhur tawk lova, Lunglei tlangval ten chance tha tak an thel hnu in, chiang takin an head goal a. Goal dang a luh loh avangin penalty pet a ngai a, Lunglei Ramthar hi an vannei ta zawk a ni.

Armed Veng South 3-0 Mission VT
A score en mai chuan in sawp viau angin lang mahse game ah chuan an inhnehtawk hle. Armed Veng lam hian first half ah goal an thun avangin an game pawh a that phah hle a. Chutihrualin Mission VT lam pawh an zam chuang lo. Chance tha tak tak an hlauh a, goal ah chantir se chuan result a dang tur. Mahse goal ah an chantir miau loh avangin hun tawp dawn Armed Veng South hian goal hnih rawn thun lehin 3-0 in an chak ta a ni.

Hnahthial 0-4 Durtlang

Durtlang team in an that zia lantir a, Hnathial 4-0 in an hneh a. Game ah pawh an chungnung zawk hle. Hnahthial tan khual khua a khel chu a lo harsa deuh a ni.

Nimin Inkhel Result: Fourth Round
Ramhlun Sports Complex
Kolasib Vengthar 1-0 Mission Veng
Salem Veng 6-0 Khawruhlian
Kanan 1-1 Darlawn (7-6 on penalties)
ITI 4-0 Serchhip Vengchung