Tuna Red Ribbon khelh mek hi Mizoram Football Association (MFA) leh Mizoram State Aids Control Society (MSACS) te bultum a ni tih chu kan hre theuh ang a. MFA in media lama a thawhpui hi ZoFooty website a ni tih kan lo la hre chiahlo anih pawhin, Round of 16 atanga Final thleng kan en chuan kan hrechiang hneh khawp dawn niin a lang. A chhan chu Round of 16 atanga Final thleng hian ZoFooty leh a thawhpui RC Shirt House (The House Of Quality) chuan player khelṭha bik te hnenah inkhelh zawh apiang in ‘Man Of The Match’ lawmman a hlan dawn a. RC Shirt House ah ngei Round of 16 a ‘Man Of The Match’ chuan a kawr duhzawng a thlang thei dawn a ni. Hei mai hi a la ni lo. Semifinal, 1st leh 2nd Leg a khelh tur inkhel vawi li ah leh Final a ‘ZoFooty & RC Shirt House Man Of The Match’ hian sum tam tham tak a la dawng tel dawn a ni. Tun Red Ribbon a khelṭha fal deuh chuan tangka fai bakah kawr mawi tak a khelhthat ‘bik’ vang liau liau in a petchhuak thei dawn tihna a ni.

Red Ribbon semi-final hi Lammual ah i rawn en anih chuan, ZoFooty in ‘Half-Time Show’ a siam leh dawn a. Heta tan hian i lo inpuahchah ve dawn nia. Football khelh leh pet mai bakah ball sep thiam leh sep rei thei tak i nih phei chuan EVA Enterprise (Distributor in Sharp) leh Samsung Plaza te hian i tan lawmman tha tawk tak an hlan ang che. Heng lawmman hi i dawng duh anih chuan tun atangin i football neih kha i lo sep lauh lauh dawn nia. Mizoram a football a changkang rualin a kaihhnawih te pawh a changkang chho zel a. Heng ti puitlin tur hian ZoFooty chu a inpeih reng a. Amah maia thil tithei a ni lova, Mizoram a football chawisang a tih changkan chhoh zel duh mi RC Shirt House, EVA Enterprise (Sharp) leh Samsung Plaza te hian nasa taka puih an inhuam in theihtawp an chhuah tel ve takzet a ni.