Red Ribbon Football Tournament 2012 chu ni 26 March, 2012 hian Round of 16 khelh tan a ni dawn ta. Team 222 atangin team 16 chiah an awm tawh a, team la dam an tlem tial tial a, boruak erawh a sang tual tual thung. Entu mipui pawh an tam viau tura ngaih a ni a. Organiser lam pawn he Round of 16 hmachhawn tur hian an inpeih tawh hle a ni.
Round of 16 hi League a khelh tur niin Pool li ah then darh an ni a. Pool leader chauhin Semi Final an lut dawn a ni. Pool-ah hian point inang a awm anih chuan Head to Head en hmasa ber tur a ni anga, an la inang anih chuan Goal Difference en leh tur a ni a, an la inang cheu anih chuan Goal For en leh tur a ni. Chumi hnu pawh a an la in draw anih chuan thum vawr tur a ni ang.
Round of 16 team zingah chuan Tuidam hian mi mak tih an la hlawh ber a, mahse Tuidam an la dam tih kan hriat a tha!
Republic Veng, Mission Vengthlang leh Durtlang te hi Pool A-ah an awm vek a, tunge tlang ang tih chu sawi a har. Mahse Banner ah chuan Mission Vengthlang an sang ber tih kan sawi thei e.
Red Ribbon hi Football Tournament satliah a ni lo, Mizote zinga Aids natna a darh zel lohna tur leh Aids chungchang kan hretchhian zawkna atana siam a ni a. Mipuite pawh football boruak ah ral mai lovin he natna hlauawm tak Aids lakah hian kan fimkhur dawn nia.
Aw Nula, Keeper tha tak angin i GOAL venghim la.
Aw Tlangval, I pet GOAL dawn pawhin boot bun hram rawh…!
INKHEL EN MAN ENGZATNGE NI DAWN!
Round of 16 atana inkhel en man hi Rs 20/- a ni.
Pavillion-ah hian Official chauh an thu dawn lova. Entu mipuite pawh an thu thei dawn a, mahse en man hi Rs 200/- a ni anga, thutna tur hian chair dah a ni ang.
Fixtures a team inziak hmazawk hi A.R Cinema Hall lam leh tlangah hian thut tur a ni.
Fixtures a team inziak hnuhnung zawk hi Pavillion dinglam-ah hian thut tur a ni thung ang.
Inkhel nuam taka i en theih nan thutna tur lehkhachhia leh tui ken theihngilh suh la, enna fai tak kan neih theihnan kan thut chhan (lehkha chhia) leh kan thil eina bawlhhlawh te a paihna hmunah kan paih theuh dawn nia.
Red Ribbon Fixtures
cialis pills
viagra cialis
viagra now
Discount viagra without prescription
Lammual chu a changkang tawh hle mai, Organizer te’n supporter te kha thut hran tir se, a theih chuan police in vil thei se a tha khawp in ka ring.
Good post. A hmuhnawm hle mai
hetiang post hi a tha, chhiar ngawr2 ai chuan hmuh hian a chiang ber maiin ka hria..
“Aw Nula, Keeper tha tak angin i GOAL venghim la.
Aw Tlangval, I pet GOAL dawn pawhin boot bun hram rawh…!”
ka duh lutuk hei hi. hahaha
Pavillion a thut dawn chuan 220 a ngai dawn a ni maw?? 200 chu duhai chuan a to mah mah deuh a ni, 150 vel tal ni thei sela chuan…….
A va hmuhnawm em! A hmuna en ve thei lote tan a ve tha ve!
Thutna hmun tur siamfel khi a pawimawh khawp mai. post tha tak leh bengvarthlak tak ani. Inkhel en tur veng tan chuan hriat ngei ngei chi a ni