Pic: Mission Vengthlang Team

Pic: Salem Veng Team
Mission Vengthlang 4-0 Salem Veng
(Lalawmpuia (O.G) 2′, Zosangzuala 31,45+1,C Lalmalsawma 52′)
Zofooty & Rc Shirt House Man of the Match : Zosangzuala
Red Ribbon Sweet 16-ah hi chuan mi tam takin in sawp a awm tawh lovang anti mahse mipui tam boruak a awm tih match hmasa ber atangin a hriat theih nghal a. Tan atanga minute 2 lekah Mission Vengthlangin an thun nghal a. He goal hi Lalawmpuia own goal a ni (P.C. Ramdinmawia (J.No. 12) thun a ni em?
Mission VT an phur a, Captain Apuia a khel tha a, amah thlawp turin C. Lalmalsawma leh Zosangzuala te an khel tha bawk. Chutihrualin Salem Veng atangin Joseph-a (Nikum top Scorer) a rawn hlauawm zauh zauh a, mahse thlawp tu a neilo. Ball hmu tha turin Jerry Zoremmawia (Salem veng J No. 7) in a vanglai a pel tawh bawk si. Chubakah Mission VT defence-ah Malsawma te an khel tha bawk nen, Salem Veng in chance mumal an nei meuhlo. Misssion Vengthlangin first half ah goal 2 dang an thun belh a, second half ah goal khat chauh an thun belh a. 4-0 tehmeuhin chak mahse goal ngei tura ngaih an thelh nual avangin a chak team hian an ui viau ang le. Hei bakah hian goal li na thuntu C. Lalmalsawma’n lawm avanga a petgoal zawha jersey a phelh avanga yellow card a hmuh hi an la tuar thei bawk niin lang.

Pic: Durltang Team

Pic: Republic Veng Team
Republic Veng 1-6 Durtlang
(James Lalhmingsanga 86′)- (Lalhruaitluanga 23′, Zoramthara 28′, MC Malsawmzuala 65′,67′,Lalliantluanga 73′,Danny Lalawmpuia 83′)
Zofooty & Rc Shirt House Man of the Match : MC Malsawmzuala
Football anih tawh hi chuan result mak tak tak hi a thleng fo thin. Durtlang chak hi result mak a ni lova, heti tak maia Republic Veng an hneh erawh hi chu result mak a ni. Durtlang leh Republic Veng te hi a tir lamah inhnehtawk viau mahse Durtlang in goal an thun hmasak hnu chuan Republic Veng hi an che thei tawh meuh lova.

Durtlang tan Captain ball petna Ruata a khel tha a, a ball vawrh a hlauawm thei em em a, amah ang bawka leadership nei tha Hruaia’n a petgoal avangin Durtlang phurna a zual a. Zoramthara goal hi keeper tihsual ah a ngaih theih a. Mahse an phu ve reng a tih theih bawk. Second half ah Republic in bul an tan tha zawk a, Mizoram player Lalfakzuala penalty area ah tul lo taka tih tluk anih avangin penalty hmu mahse Faka hian goal-ah a chantir thei tlat lo. Hemi hnu hi chuan Republic Veng hi an tang thei tawhlo a tih theih awm e. Durtlang in goal 6 lek an thun hi an vanduai a, an vanduaina belhchhah turin penalty vawihnih an hmu nawn a, hei hi penalty tur niin a lang lo. Durtlang lawmna famkimlo mahse an result hrim hrimah erawh an lawm tho a rinawm. Champion lai hi an tlang thei mai angem?

Lunglei Ramthar 6-2 Bethlehem
(Jerry Lalruatpuia 21′, Lalmuankima 36′ ,67”,Tetea Tlau- 56′,F.Lalmuankima75′,88′) – (Zamlianenga 40′, Micky Lalhruaizela 53′)
Zofooty & Rc Shirt House Man of the Match : Lalmuankima
Bethlehem hian goal 6 meuh chhuah mahse Salem Veng leh Republic Veng ang lo takin an tang tlang thei a. Hei hi an fakawmna a ni, an fans tang tak te kha an va fakawm em. He inkhel goal luh tamna chhan ber chu team pahnih te hian Red Card pakhat ve ve an hmu a, 10 ve ve a khel ah chuan player quality zawk a hriat ta a ni.
Lunglei tan Tetea Tlau an a quality a ti lang a, Muankima Lajong Junior a awm mek leh T.Ao Champion team a tel a kheltha takzet a. A discipline a that chuan a hming hi kan la hriat fo a rinawm.

Pic: Tuidam Team

Pic: Armed Veng Team

Red Ribbon Official Kit Supplier: The Y2Goal Agencies (Anni hian Trophy leh medal an tum bawk)