Chanmari 5-0 Chaltlang
(Rochhingpuia(j8) 40′, Lallawmsanga(j23) 53′, C.MS Dawngliana (j10) 66′, Laldanmawia (j17) 72′, Racy K.Lalremmawia 80′)
ZoFooty & RC Shirt House Man Of The Match : Lallawmsanga (Chanmari)

Group C hi Group of Death anga ngaih an ni a, team pahnih hi an tha ve ve a. Veng pawn lam atangin players an la lut ve ve a. Police meet vangin Chanmari lamin an defender tha Etana (1st Bn MAP) an chhawr thei lova, Chaltlang lamin Nunga leh Davida (3rd Bn MAP) te an chhawr thei lo thung. Mahse Chaltlang hian Mohun Bagan Academy lama chhuk tawh leh goal 5 thun tawh Ricky-a an la chhuak a, mahse awmzia a awm phah ta chuang lo a ni.

Inkhelh tan atangin Chanmari hi an chungnawng zawk a, Mizoram tana khelh tha em em Lallawmsanga’n a thiam a theihngilh lova. Chanmari tan pawh hian a langsar em em bawk. Chaltlang defender te Johny leh Lawma hovin tang ve tlat mahse minute first half tawp dawn tepah tackle sual vangin penalty an chawi a. Chu penalty chu Chanmari tan an veng pa leh Captain ni bawk Rochhingpuia’n goal-ah a chantir a. Chanmari fans ho an bengchheng ngei mai. First Half ah goal dang a luh belh lo.

Chanmari hi first half-ah vawi khat khelna Zico vangin an game a fuh zan lova, mahse second half ah erawh game a dik chho tan a. Chaltlang chance neih chhun ang te Chanmari keeper Ms-a’n tha tak takin a save ve zel bawk si. Chutah Chanmari lamin substitute atangin Mizoram Player Danmawia leh Shillong Lajong Player Racy te an la luhtir thei a. Danmawia hian game pangaiah goal a thun bakah Racy pawh hian penalty atangin goal a thun bawk. Penalty chawi tu Chaltlang keeper Lalnunkima Sailo in Red Card a hmu a, hei hi inkhelh leh thei turah a pawi ngei a rinawm.

Video: Chanmari Captain Rochhingpuia’n goal hmahruai penalty atangin a thun

Ramthar 3-1 Hnahthial
(Lalrintluanga (j7) 3′, Lalnunsanga (j6) 7′, Joseph Lalrammuana (j10) 48′)- (Lalnuntluanga (j11) 75′)
ZoFooty & RC Shirt House Man Of The Match : Lalrintluanga (Ramthar)

Ramthar Veng hi naupang rual an ni bawk a, an tha tlang kher mai. Inkhel tan atanga minute 10 pawh ral hmain goal hnih an thun a, hei hi an vanneih pui ta a ni. First half he goal hnih lo chu goal dang a luh belh lova. Second Half ah tan atanga reiloteah Joseph Lalrammuana’n Ramthar tan goal nalh lutuk a thun a, mahse hemi hnu hian ho takin a thelh lawi si. Hnahthial lamin chance tha tak tak an thelh a, open play atangin thun theilo mahse minute 75 naah penalty atanga an thun avangin semifinal lamah beisena an neih leh phah a. Chanmari leh Ramthar Veng te hi next match ah an inkhel dawn a. Heng team pahnih te hi an indraw hlauh a, Chaltlang an hneh leh bawk chuan beiseina an nei leh ang. Mahse tunah chuan Jeje-a te khua Hnahthial tan team dang result ngah bak a tih theih a awm tawh lo a ni.

Video: Lalnuntluanga, Hnahthial in Ramthar lamah Penalty atangin a ti goal.

Luangmual 0-0 Aizawl Venglai
ZoFooty & RC Shirt House Man Of The Match : Benjamin Lalbiakhlua (Aizawl Venglai)

PreQuarterfinal-a game hmuhnawm ber tura mi tam takin an ngaih a ni a, goal a luh loh avangin inkhel duhthusam chu a ni lo. Mahse inkhel hmuhnawm tak chu a ni e. Team pahnih ten player an nei tha ve ve a, mahse ball chang tam zawk leh chance ngah zawk chu rinkai Luangmual an ni. Denghmingthanga day chu ni se goal 2 tal chu a thun thei ngei ang, mahse a thun thei tlat si lo. Aizawl Venglai in fans (au thei) an nei nual avangin an player te game pawh a that phah a. Tunah chuan team dang pahnih in sawp siak bak tih theih an nei tawh lo. Mahse hei hi chu a awlsam lo tawp ang le.

Pic: Benjamin Lalbiakhlua (Aizawl Venglai)

Bethlehem Vengthlang 2-1 Sihphir
(Lalrindika 72′, Lalruatfela (OG) 90+3′) – (J.Lalhriatpuia 29′)
ZoFooty & RC Shirt House Man Of The Match : David K Hmingthanmawia (Bethlehem Vengthlang)

Bethlehem Vengthlang hi team tha thin an ni a, tunah an chhia tihna ni lovin an player tha Mamtea (Ramthar Defender pawimawh), Papuia leh Rammawia (Aizawl F.C.) ah an zin daih avangin an nih tur ang an ni thei lo. Mahse vawiin lamah chuan hun tawp lama Sihphir player in tihsual liau liau vang a, chiang zeta a petgoal sak avangin an chak a. Chutihrualin Sihphir an vanduai a, draw thei annih laia an draw loh avangin an tan luh ngaihna a awm tawhlo tluk a. Football ropui nana Luangmual leh Aizawl Venglai lo barakhaih bak tih theih an nei ta lo. Mahse Bethlehem Vengthlang erawh an la tlang thei tlat. He team balance tak Luangmual in an tum hmasa hi a vanduai a, mahse a ni tawp berah an khelh hnuhnung zawk dawn avangin an vannei zawk a tih theih awm e.