BBC in an ziak tawh a, a rintlakah ngaih theih a ni. Tottenham Hotspur manager Harry Redknapp chuan a hna a bansan ta.
Kum 4 dawn Spurs enkawl a, Spurs manager hlawhtling ber pawl zinga mi, kum 65 a upa Redknapp hian kum khat daih contract a la neih chu Spurs a enkawl zui zel dawn a nih chuan kum thum dang daih contract ziah belha pawhsei a duh a. Mahse Spurs chairman David Levy chuan kum khat dang daih bak contract pawhseipui a duh si lova, a bang ta a ni.
Redknapp chuan, “Spurs-a ka hun hman chhung hi nuam ka tiin, ka thil tawnah inchhuanna tur tam tak ka nei a ni,” a ti a. “Kum 4 chhung Spurs-a ka awm chhung hian nuam ka ti em em a. Ka chhuahsan tur hi ka lungngai a ni. Player leh staff-te chungah lawmthu ka sawi takmeuh a ni,” a ti bawk.
Levy pawhin, “He thutlukna hi kei leh Board member te chuan harsa ti takin kan titlu a ni. Harry hi he club-in a mamawh em em lai takin a lo lut a. Min kalsan dawn tak avang hian kan hnena a awm chhunga a thiltihte kan theihnghilhin a chungah kan lawm lo tihna a ni lo. Kan hnena a awm chhunga a thiltih avangin a chungah lawmthu kan sawi mawlh mawlh a ni,” a ti ve bawk.
Redknapp hian 2008 khan Portsmouth chhuahsanin Spurs hi a zawm a. 2010 ah an chanchina a vawikhat nan Spurs chu Champions League a khelhpui a. Season liamta khan 4-na nihpui lehin, Champions League khel phak tur an ni a, mahse vanduaithlak takin 6-na Chelsea chu Champions League-ah an champion avangin an Champions League khelh theihna a bo a nih kha. Kum 2009 ah League Cup final a thlenpui bawk a, vanduaithlak takin penalty shootout ah Manchester United an hneh lo hlauh bawk.
Fabio Capello-a’n Egland national team manager nihna a bansan hnu khan a aiawh turin a hming a ri ring hle a, mahse FA chuan Roy Hodgson an thlang ta a nih kha.
Redknapp hian season tharah hian Spurs a enkawl leh dawn a nih chuan contract thar, kum thum daih a duh thu hi a lo sawi daih tawh a. Chairman Levy nen an inbe na a, an inrem thei lova. Redknapp hian contract, hun rei tak daih nei lova club enkawl chu player-te pawhin manager lakah rinna an nghat lo fo niin a sawi zui a. An inrem hleih theih loh avangin a bang ta a ni. Tottenham manager ni rei ber a ni tawh reng reng!
Spurs manager thar tur hian Everton manager David Moyes hming a langsar hle a. Langsar dang zingah
Wigan manager Roberto Martinez, United States coach Jurgen Klinsmann, Chelsea boss hlui Andre Villas-Boas leh Liverpool manager hlui Rafael Benitez te hming pawh a tel.
cialis 20 mg
prices of cialis
cialis generic name
generic cialis online
Levitra vs cialis
Cialis on sale
AVB a lut alawm, an tuar lutuk lovang.
A uihawm dawn hle mai. SPurs kha relegation zawn atanga a hruaichhuak a . UCL te a khelhpui kha ani si a. tu tak la ang maw ??
An ti fuh mwlh lo ag.hary te cu tha sin le
Ne han sign ve mai selah,aphu tehreg nen,aman apeih chhung cu duh jwk wm tak,Chelsea in RDM anlo be fel hman sia,an ui dwn anih hi…te katia
Khai a, han sign pui ve mai mai tur hi aniah. An khelh ṭhat tak tak chuan Tottenham tluka attacking football hmuhnawm khel thei hi an tam bik lo ania aw. Mahse season tawplama an zuih thei em em mai hi Redknapp vang ti te pawh an awm ve tho a. Enge an an dawn lo en teh ang.
poi hle mai, poi an la ti viau mythy ni………
an tuar ve viau ag cu,han xyhpui my2 se tha tur,