MFA Referee Committee Chairman Pu C. Vanlalmawia kaihhruai, Course hawnna inkhawm tawiah hian Pu H. Thangchungnunga chuan infiamna chu kawng tinrenga hmasawnna thlentu a nih dan sawiin, Football Referee te chu midang innghahna tlak dikna kengkawng ngam turin a chah a. Mite zah tlak a nungchang tha nei tlat turin a chah bawk.
Pu Lalnghinglova Hmar, MFA Hony Secreatary pawhin thu sawiin tunhma lama hetiang course vawi 6 buatsaih tawhah beisei anga referee hmelthar hmuhchhuah an nih ngai loh thu te; Nl. F. Zohmingliani, National Referee chu mipate tan pawha entawntlak a nih thu te a sawi a. India rama football referee te hamthatna hrang hrang tarlangin, kalman leh thlenman tumsak an nih dante, nikhat hlawh a that zia leh rilru neia beitute tan chuan Asia leh Fifa thlenga hlawh tha tak hmuh theih a nih thu te a sawi.
AIFF Match Commissioner Pu Lalrawngbawla pawhin thu sawiin Football Referee leh official ti tha te tan international inkhel a hlawh tha tak nei a duty theihna kawng a hnaihzia a tarlang bawk.
Vawiina Course hawnni ah hian football referee nih tum – thalai 65 zet an inziaklut nghal a. AIFF Referee Department a mithiam pahnih S. Mohanty, Referee Assesor leh Bikramjit P, Referee Assesor te chuan MFA Referee Committee a mithiam te puihbawmnain ni 6 chhung an zirtir dawn a.
Course in a tum _(aims & objectives)_te, Football Dan hrang hrang te, a taka ham dan, khelmual sira tlan dan, flag vai dan, fourth official mawhphurhna leh a tih tur, thubuai hlabuai a awm thulha thutlukna siam dan tur, inkhel kaihhruai dan leh thil pawimawh tam tak an zirtir chipchiar dawn hle a ni.
Course ah hian fitness test te neih puiin, a tawpah Exam buatsaih a ni ang a, chuta pass chhuakte tan chuan kawng thui tak a inhawng nghal dawn a. Hlawhtlinna chang nghal lo te tan pawh MFA chuan an kal chhunzawm zelna tur a ngaihtuah pui zel dawn niin MFA Referee Committee hotute chuan an sawi.
Vawiin Course hawnnaah hian Aizawl a cheng te bakah, District dang, thingtlang hmun hla tak tak atang ten thalai engemawzat an rawn tel a, phur takin course an kal tan a ni.
Course a tel nula pakhat chuan pistol shooting ti thin a nih thu leh football refereeing experience neih a chak thu te, a fitness tih that lehzual nana phur taka a rawn tel thute a sawi a ni.
*Issued by Publicity Committee*
*Mizoram Football Association*
cialis 20mg
canadian cialis
Cialis canadian cost
Approved cialis pharmacy