Referee-te ka tan!

Estimated read time 4 min read

Mizoram Premier League (MPL) khel thei tur zawnna Playoff kan tan chauh a, boruak a lian ta hle mai. MPL khelh tak tak hunah phei chuan hei ai hian boruak a lian ngei turah ngai ila, a nghahhlelhawm takzet a ni. An sawi fo thin tualchhung football thi tawh chu a nung thar leh mek ti ila kan sawi sual kher awm lo e. Chutih rual chuan playoff chauh a la ni a, a tak tak thlen hunah eng nge boruak tur chu sawi lawk theih a ni lo. Tun ang zela kan kal a nih chuan hei ai hian boruak a sang ngei tura rin a ni.
Lammualah hian inkhel en tur hrim hrima ka kal lohna a rei ta viau mai. Red Ribbon leh YMA Tournament hnuhnung berah khan TV lamah live mixing tiin ka duty a, chu chu a ni deuh mai. Lammual chhunga awm e ti lo chuan monitor te tak te te-ah chauh khan ka hmu a, tih sual hlau reng renga awm a ngai bawk sia, inkhel a hmuhnawm leh nawm loh pawh hriat a har khawp mai.

MPL Playoff zet chu a dan a dang ta. Club football hi ka en tam lo a, ka en ve leh zeuh thin chauh a ni. Tun tum chu inkhel en chakin ka za zek zek mai a, ka en ta nual bawk. Keimah ang hi mi tam tak an awm ve nualin ka ring – inkhel entu an tam thei em mai. Hei hian MPL boruak sanzia a tilang chiangin ka hria a, MPL tak tak khelh hun a nghahhlelhawm zual hle.

Referee-te ka tan tlat !
Ka sawi tum takah ka’n lut tawh ang e. Referee-te sawiselna leh demna thawm a ring ta hle mai. Hei hi a dikna chen pawh a awm, tihsual langsar tak an nei miau a. Thahnemngaihna au aw hriat tur a tam a, thenkhat phei chu na tak tak pawh a awm. Heng zawng zawng lo chhuahna chu pawisa kan seng a, kan tih tak tak vang a ni – a dik chiah mai. Mahse, heti zawng hian ngaihtuah ve teh u. Kan football boruak a sang thut ang hian kan referee te hi an tha thar thut lo. Mizorama kan neih that ber berte an ni chung hian duhthu an sam lo tih chu anmahni pawh hian an inhria a, chuvang chuan theihtawp an chhuah a ni tih hi i hriatpui ve teh ang u.

European football bak en ngai lo te’n tualchhung football kan tuipui thar thut a, chuta an referee te ang tura kan ngai a nih chuan kan ngai sual chiang khawp ang. Khawvela referee tha ber berte pawhin an tihsual theih chuan India ram kilkhawrah hian lo tisual ve pawh ni se an demawm ka ti lo, mihring an ni miau a. Tan zawng neiin inkhel kan en a, referee decision siama kan lung a awi lohin field sir atangin kan au luai luai a, tawngkam na tak takin kan au bawk. Hei hian anmahniah pressure nasa takin a pe a, mahni inrintawkna pawh a hloh tir thei hial ang. Chu chuan eng nge a hrin chhuah kan tih chuan ‘tihsual’ a ni. An tihsualin kan sel leh luai luai mai bawk si. ‘Referee tha kan mamawh, lehkhathiam referee kan mamawh’ tiin kan au chhuak a, a titu ngei pawh kan pen chhuak leh peih si lo.

Tan zawk nei ang hial ten kan chhuah a. Kei chu tan zawk an nei a nih pawhin an tilang ngamin ka ring lo – tunge mahni lawnna thing kit duh ang? Tihsual erawh a awm thei teh meuh mai. MPL kan la tan tak tak lo a, playoff chauh a la ni a, insiam thatna hun a la awm turah ngai ila. MFA leh referee lam pawhin tan an la ang tih ring ang u.

You May Also Like

More From Author

28Comments

Add yours
  1. 4
    victor vankal

    thlirna dang…..referee te kn tran tur a ni ..kn players te poh officials te zahturin kn fuih tur a ni….amarawh chu referee thiamloh vang leh a thiltih dikloh tihluih a maw luih lo emaw avanga Coach in a hna kha a hloh thei tlats……..referee kha chuan a ham diklo tih a inhriat hnu ah ‘sorry’ a ti leh mai a …mahse result avang khan Coach khan a hna a hloh thei daih bok si…..chuvang chuan engemaw ti zawng tak a hrem ve chu an phu thin ve tho referee ho hian……

  2. 6
    Zampuia

    Ka soi non leh dawn….Kan players leh fans level tawk vel zelin kan refree te hi an ni e…. International / Europe refree te nen chuan tehkhin lul suh u.. In tehkhin dawn a nih chuan kan players te leh kan player te tehkhin ula, an quality a inkual hleih pah pah em mai..! Tin, Lalruatsaka ham-ah ka inkhel lo hi ka lawm…hehehe!

  3. 7
    ruatsaka

    hmanah MFA Hon. Secretary Tetea hian referee lama kal tur hian min ti tawh. ka hman loh chu thuhran, ka peih chiah lo! An thil tawn zawng zawng ka ngaihtuahin ka ngam chiah lo bawk. A ka kaw nazawngin field kotlang atangin kan au luai luai a, kut kan la thlak zui. Entu lam hian sim ngai kan neih sim ila, referee-te pawhin hmasawn turin inzir se, theihtawp chhuah rawh se. Hma an sawn a, an hna an thawh that phawt chuan hmun dang aiin an hlawh tam mah se, a pun belh ngei ngeiin ka ring tlat

  4. 8
    Ronaldawnga

    Tunah ka ngaihdan 1 dang – India ramah Mizoram aia referee nei thra in hmu toh em???! Hmel lam ni lovin an refereeing quality lam a nia ka tih. Referee cu kan nei thra , players zok hian Vai playrs an tluk lo thirn, vai referee ai cuan an thra tlangpui aaaaaale

  5. 9
    Ronaldawnga

    Tunah ka hriat ve chin – North east state zong2 ah Mizoram referee an hlawh tha ber… Shillong ah khuan players thla 1- NUAI 1 hlawh an awm ve fur toh, referee hlawh chu Mizorm aiin a hniam jokssss. Referee hlawh san hian an thra thut don lo, Red Ribbon lai pohin MFA mangangin referee tih luihna in an zon top toh khaaaa referee hi cu hobby/part time job a niaaaa eizonna a ni lo – ka hriat ve chin 🙂

  6. 10
    Ramenga

    Ngaihnawm khawp mai a. Dikna chen a awm a, cutihrualin, tihsual palh hi cu mipui nawlpui poh in kn hrethm khop. Tihpalh ni lo deuh a lang a awm leh zauh thrin hian dem an hlawh lehzual hle a ni a tih theih awm e..

  7. 11
    victor vankal

    referee te hi kn ching leh hrep zel a…players pawn goal ngei2 tur a ngaih,penalty hial poh an miss deuh fo a …chumi vang chuan kn hrem mai dawn m ni……ho ltk a goal an miss avang te hian kn hrem ve mai dawn m ni………chu lo ah tunlai handball hi referee tan ham buaithlak toh deuh mai a nia…’hand to ball’ nge ‘ball to hand’ …intentionally in a khoih em? tih angreng vel hian handball ham hi a tibuaithlak toh khop mai….handball leh off-side offence an siamdanglam hian a ti buaithlak/complicated toh ltk…….ahma ang khan hmang leh maise a thaberin ka hria..

  8. 12
    victor vankal

    referee te hi kn ching leh hrep zel a…players pawn goal ngei2 tur a ngaih,penalty hial poh an miss deuh fo a …chumi vang chuan kn hrem mai dawn m ni……ho ltk a goal an miss avang te hian kn hrem ve mai dawn m ni………chu lo ah tunlai handball hi referee tan ham buaithlak toh deuh mai a nia…’hand to ball’ nge ‘ball to hand’ …intentionally in a khoih em? tih angreng vel hian handball ham hi a tibuaithlak toh khop mai….handball leh off-side offence an siamdanglam hian a ti buaithlak/complicated toh ltk…….ahma ang khan hmang leh maise a thaberin ka hria……

  9. 15
    Jeremy Ngila

    Ruatsaka hi tarmit bun a nia, Synfo leh Zonet-a thawk khawp thei khawpa mi talent ngah, tunah local football a rawn luhchilh leh mek bawk. Ava han bawn tak e oooo…

  10. 16
    Steven

    Sum hi a ni ber lo ti thrin mah ila. Thlirna tlang dang atrang chuan sum hi tam ve viau se referee te pawhin hma an sawn khawpin ka ring ve tlat mai. Kei zawng mawl min ti leh dawn mah se he rinna hi a dik ve thovin ka ring kher asin.

    Entirna’n mai mai – Sikul i din a, i sikul chu i din ve mai. Sikul dina pawimawh chu zirtirtu hi an ni. Zirtirtu tha nei tur chuan mi thiam, lehkhathiam i mamawh a. Mi thiam, lehkhathiam chhawr tur i duh chuan hlawh tam zawk i sen hreh loh a ngai. Zirtirtu hlawh tam lohnaah zirtirtu an inthlak deuh chhen a, chu chuan zirlaite chungah harsatna nasa tak a siam. Zirtirtu tha chelh tur chuan hlawh tam i pek a ngai….

  11. 17
    lalhunliana royte

    Post tha tak a ni. Mizote hian sawisel chauh nilo, siamthat kan thiam hunah kan problem thenkhat hi chu a reh maiin ka ring. Entirna ka’n pe ang e. Referee tha kan nei lo, lehkhathiam referee pawh kan nei lo, mi ram chu Engineer te, Doctor te referee an nia kan ti a, kan lehkhathiamte zingah chutiang tum kan awm leh chuang silova. Football hmangaihtute zinga lehkhathiamte hian helam kawng te hi zawh ve ta ila hma kawng khatin kan sawn mai dawn asin. Tuna kan referee neih zingah hian Pastor pakhat chu a awm a, mahse pastor ber kher chu rawih theih a ni bawk si lova, buaithlak khawp mai. Kei pawh hi hetiang mi hi nilo ila chuan Referee hna hi ka exam na a rei tawh ang. Mahse Kanan chaktirtu kha chuan a tisual vakin ka hre lo, a ngam lo emaw a ngam lutuk emaw niin ka hria.

  12. 18
    zampuia

    Ruatsaka post tha khop mai… Ka ngaih ve dan sawi ange… Refreee te hi inthlahdah leh demawm hi chu an awm thin ngei e. A tam zawk erawh hi chu an ni lem lovin ka hria. European Futbol Refree thlengin kan sawi lang a, ka soi tum tak chu Messi, Ronaldo, Rooney te khel anga khel phak/thei bik si lo hian mawlmang takin an refree leh kan refree te kan khaikhin chiam zel a. Kan players leh fans level tawk vel zelin kan refree te hi an ni e tih hi ka pawm dan a ni.

  13. 19
    Steven

    Hehe Ricky chu, ka comment ron comment tur hrim hrima rawn log-in te pawh i an hi le. A tu pawh ni ila i sawi phak a awm leuh! Tin, ti hian lo intifing var deuh bika fb-ah te pawh mawl deuh tiin mi i lo thliar hrang zut zut hi i fin-mawl topna i ron pho chhuak mai mai a ni.

    Min ron counter lovin post chungchanga i ngaihdan sawi jok la, i ngaihdan mi ngaihdan a nih loh paw’n mi hi mawl ti ngawt zel tur khawpa mawl nih hi i in enletna tur a nih chu.

  14. 20
    vala

    Refree te tih sual hi anmahniah a in nghat nasa hle. Ti sual ve thei an ni tih tlat pawh a dik lo. hlawh nei inkhel leh pawisa hlawhchhuah tum inkhel, hlawh neiin an ham a, an pawimawh lutuk. Tan lam nei lo, ti sual lo thei ang ber a ham hi chu an tih makmawh a ni.Tih sual hi chu a awm ve thei na meuh mai. Mahse ti sual lo tur a an in buatsaih nasat a ngai dawn a ni.an dinhmun leh an decision siam hian nghawng a nei thui hle si a.

  15. 21
    Puia Riquelme

    Khawvela refree lar leh tha ber berte pawh goal leh goal loh chungchangah te,yellow card vawi 3 pek chungchangah te an lo mualpho fo tawh a…refree te hi mihring ve bawk an ni tih hi kan hriatnawn fo a ngai khawp mai….chutih rual chuan league boruak a sang a,.refree te decision siam sual vang mai2 a chakloh chu a na duh ngawt ang..chuvang chuan kan refree te pawhin improve tum ve deuh2 se a tha ngawt ang…

  16. 22
    Ahruaia Lil'Foe

    post tha tak a ni.. Sawiselna kar ah kan referee te hian hna an thawk hram hram zel a.. an tih dik tawkloh chu a awm ngei mai..Amaherawhchu an tih that tam tak hi hriatpui ve tho an ngai a nia..

  17. 23
    amah hriathlua pa

    Kan inkhel mite hi chuan phai lam pawh an thleng fova, kan refree te erawh hi chu hnamdang inkhel vawi 1 poh la ham lo tih te kha an nia, hriatthiam chin tawk kan neih chu a ngai khawpin ka hria. Mahse refree te pawhin inzirna hran neilo mahse European leh World class level inkhel an en ve ngeiin a rinawm a, hengte hi inzirna tha lutuk chu a nih ka ring inzir peih tan chuan.

  18. 25
    lalrikhupa

    Nia, Ruatsaka paws thiam hle mai..referee clinic te pawh an nei a..an theih ang chuan an in prepare ve nasa hle a..chutih laiin an thil tih sual hi a langsar hma thin bawk si a, a buaithlak a nih hi..Ka zu in chiah in hria a, ka bawnghnute in in hre leh si lo tih ang deuh a ni e. MPL tak tak a la ni lo deuh bawk a..a hunah chuan an in siam tha ngei turah ngai ila a..hmanni Kanan pet goal kha chu tih sual ai mahin tih luih kha a ang lek lek ka ti..chutih rualin referee Experience nei tha tak tan lo chuan a buaithlak duh fu mai thei bawk e..Local Football a thang chho zel tur hi a lawmawm hle mai..tualchhung football a than loh chuan hma kan sawn lovang

  19. 26
    Ricky

    Steven-a hi fb group lampang a mawl deuh deuh a comment thin Lampard Tea inti kha a ni hial lo maw..nghe nghe

  20. 28
    Steven

    Keichu ka tran lem lo. An dik lohnaah pawh tran tlat hi chu sim chi. Hetia an sawisel avangin an che vek an ti kher lo. mahse, an sawi tum ber erawh chu referee te hi an uniform leh an material an upgrade thrin ang bawkin an thluak leh an ngaihtuahna, anmahni hrim hrim te poh hi in UPGRADE ve thrin sela, tuna buaina kan toh poh hi kan pumpelh mai long maw le.

    Chak loh avanga referee mawhpuh hrim hrim eroh hi chu an awm ve. referee that loh avanga chak loh phei chu a na lehzual ang.

+ Leave a Comment

Referee-te ka tan!

Mizoram Premier League (MPL) khel thei tur zawnna Playoff kan tan chauh a, boruak a lian ta hle mai. MPL khelh tak tak hunah phei chuan hei ai hian boruak a lian ngei turah ngai ila, a nghahhlelhawm takzet a ni. An sawi fo thin tualchhung football thi tawh chu a nung thar leh mek ti ila kan sawi sual kher awm lo e. Chutih rual chuan playoff chauh a la ni a, a tak tak thlen hunah eng nge boruak tur chu sawi lawk theih a ni lo. Tun ang zela kan kal a nih chuan hei ai hian boruak a sang ngei tura rin a ni. Continue reading “Referee-te ka tan!”

You May Also Like

More From Author

+ There are no comments

Add yours