“Khua a chhiat tehreng nen inkhel entu kan thahnem hle mai” tih hi mi nawlpui tawngkam a ni ngei ang. Zingkar atangin ruah a sur a, mahse fans te erawh a dang zo lo. Lammual khat mawi tawk mipui an pungkhawm a ni ngawt lova, Lammual in a dawh zawh aia tam an pung khawm niin a ngaih theih. Hei baka lawmawm hi football tuimi tan chuan a awm lo. Chutihrualin hlawhtling tak leh felfai taka buatsaihtu Mizoram Football Association (MFA) kan fak lo thei lo. MFA hruaitu thar te chungah an hnathawh avangin lawmthu kan sawi e.
Zofooty.com in live a kan update tawh avangin inkhel chungchang kimchang taka ziak lovin a thlalak ang zawngin kan review dawn a ni. He inkhel ah hian The Rest XI tan Rozama an a thun hnuin Santosh Trophy Team Captain Samson-a’n mawi zeta shot Goal in a sut a. Chutah Santosh Trophy Team Stiker Beikhokhei in chakna goal ni mai tura ngaih freekick atangin a head goal leh a. Mahse substitute atanga rawn lut Tuaitea’n The Rest XI tan extra time ah a sut lehin 2-2 in an in draw ta a ni. Competitive match chu nise hei ai hian a hmuhnawm thei ngei ang. Mahse Friendly match ah chuan hetiang bawk hi a awm chuanglo a tih theih.
Mipui heti zat nihliap nena an pungkhawm chhan hi eng dang vang ni lovin football vang chauh a ni. I-League kan khelh ve hunah phei chuan entu engzat tak awm ang maw?
AFC Youth Festival Yazd, Iran a neih zawh taka Mizoram mai nilo India ti hmingtha tu Mizo Naupangte te chawimawi anni.
Artificial Turf min tiamtu leh a tiam anga ti hlawhtling tu kan Chief Minister Pu Lalthanhawla chu Khuallian a ni.
Santosh Trophy Team leh The Rest XI te chu hruaitu te hmaah an inlan e.
Khuallian, MFA Hruaitu leh players ten thlalakna hun an nei e.
The Rest XI
Mizoram Santosh Trophy Team
Players ten Warm Up a huhova neih pahin mipui chibai an buk e.
India Olympic Team atana an koh Rozama’n The Rest XI first goal a thun.
Lajong F.C leh Santosh Trophy Team Captain Samson-a
Ruahsur hnuaiah mipui an ding thlawn lo, an duh ang chu players ten an lantir e.
India National Team Sriker Jeje-a’n goal thun lo mahse stiker tha annih zia a lantir.
Boruak ah pawh players ten ball an inchuh na hle.
Ramluaha’n yellow card a hmuh dan atang hian an inkhel mai mai lo tih a chiang awm e.
Heti zat entu ang hi engtikah nge kan pungkhawm leh ang?
Phai lama kan players tha te en chakin mipui kan pungkhawm a, kan en chak ang ngeiin kan players te an lo thiam ngei e. Engtikah emaw chuan Lammual ah ngei hian Competitive match an la khel ang tih hi kan ring tlat a ni.
+ There are no comments
Add yours