Ribery-a’n Robben a hnek?? Bayern-ah Robben a nghet tawh lo em ni…??

Arjen Robben leh Franck Ribery te inkar boruak tha lo avang hian he Dutch International star  nakum a contract zo tur  hian a hmalam hun a ngaihtuah that leh phah mek niin Europe chanchinbu thenkhat chuan an tarlang a ni.

Robben leh Ribery te hian Real Madrid nena UEFA Champions League Semi-final first leg an khelh tum khan free-kick pet tur zawk chungchang dressing room lama an sawidunnaah an inhmuthiamlo a, kut an inthlak hial ta niin an sawi a ni. Sport Bild magazine chuan Ribery hian Robben hi a hmaiah a hnek a ni tiin an sawi a, tin, inkhelh zawh hnu thlalak tarlan ah Robben hi a mit dinglam hnuai a duk a ni.

Bayern Munich lam chuan hetih hunlai hian hemi chungchang thuah hian engmah thuchhuah an siam lo a, an Media Director Markus Horwick chuan,” Dressing room a thil thleng chuan dressing room chhung a pel tur a ni lo.” tiin a sawi a, tin, manager Jupp Heynckes chuan he thil thleng hi thudik nge diklo a nih tih pawh a sawichiang duhlo a ni.

Mahse a karleh Thawhtanni ah Robben hian Kicker magazine chu hrilhin,” Franck khan a thiltih kha a tihloh tur a ni tih a hria a ni. Heng thil thleng hi a mawilo a, a thalo bawk a ni, chuvang chuan thil zawng zawng hi uluk taka ka ngaihtuah chian a ngai a ni.” tiin a sawi a ni.

Ribery leh Robben te hi an inkar siamtha tura koh an nih hnuah Ribery hian ngaihdam dilin Euro 50,000 a club hian an chawi tir bawk a, an inkar boruak pawh a tha tawh nia sawi a ni.  Hemi thil a thlen hnu kartawp inkhelah Werder Bremen nen an inhmachhawnin Ribery hian goal a thun a, a thun zawh hian Robben bulah va tlanin a va chibai nghe nghe a ni.

Mahse hetia an inrem tawh hnuah pawh hian Bayern President Uli Hoeness chuan Robben-a contract thar tura an indawrna chu a tawp rih tih sawiin Allianz Arena a a hma hun tur a chiang ta lo tih a sawi a ni. Hoeness chuan,” Ka hriatchinah chuan a signature chiah a ngai tawh kha a ni a, mahse tunah chuan engkim hi hun danga la tihfel tura sawn hlat a ni.” a ti.

Netherlands International Robben hian tuna a contract ah hian kum khat chiah a nei tawh a, hemi anih chuan season thar tawpah hian man lo in a chhuak thei dawn a ni. Amah chuan hemi chungchangah hian tihian a sawi a,” Tunah chuan thil awmdan kan ngaihchan phawt a, engnge thleng zel kan enchhin phawt a ngai a ni – thil thleng tam tak a awm si a.” a ti. ” Duhthlan tur dang pawh a awm nual a, hei hi thil danglam a ni lo a, club lian ber te zinga mi tana khelh chuan mite hian kan theihna hi an hre tlat a ni.” a ti bawk a ni.

13 thoughts on “Ribery-a’n Robben a hnek?? Bayern-ah Robben a nghet tawh lo em ni…??

  1. Pingback: coupon for cialis

  2. Pingback: cialis generic

  3. Pingback: how to get cialis

  4. Pingback: viagra online

  5. Muana Cahill24

    Robben chu a chhuak anih chuan sum tamna lamah a kal ve leh maithei a ni.

  6. Cleverley VRT

    Ribery hi chu ka hmu peih lo ve ngawt mai, mahni pawl pui kut han thlak chu na takin club in hrem rawh se….

  7. Dustin Sampler14

    Ribery hi chu duh aiin a ‘iron’ mah2 a ni.. Robben hi United ‘arriving list’ ah meuh pawh a tel zuk2 lehnghal a nia,. a kum tlemin tam deuh toh mahse, club lian ten an la hmu tleirawl riau lehnghal a nia…. VGP

  8. laipuichhuanga

    Kn tuihnih leh hram,an club inrelbwl dan afel fai anti teh chwka,adik ag,star player 2 buaina an boruak that hnuah atlagthag choh a,Chelsea te ag cu nse…kn khel lh nasa twh khp ag

  9. Rca Hmar

    Ribery kuttum zial man chu Bayern in an tel dawn va ang ta ve…lol ….Post tha khawp mai. Bengvarthlak e….

  10. hmelthapiannalh

    Chelsea tan Champion-na kawng a inhawng zau leh deuh ni mai lawm. Pet goal tum ve ve inkarah boruak a awm chuan lehlam pawl tan chuan duhthusam a niin ka hria.

Leave a Reply

Ribery-a’n Robben a hnek?? Bayern-ah Robben a nghet tawh lo em ni…??

Arjen Robben leh Franck Ribery te inkar boruak tha lo avang hian he Dutch International star  nakum a contract zo tur  hian a hmalam hun a ngaihtuah that leh phah mek niin Europe chanchinbu thenkhat chuan an tarlang a ni. (more…)

Leave a Reply