Dutch winger ‘ṭha mi’ Arjen Robben chu zai a ni a, ni 10 chhung vel chu training a zawm thei lo ang. Robben hi tunhnaiah a kap hliam vangin a buai deuh reng a ni.

Bayern Munich player hian tun season-ah pawh football a la khel mang lo a. Tunhnaiah a rawn let leh dawn emaw tih laiin a kap (groin) a tina leh a, Netherlands Euro qualifiers pawh a khelh theih loh phah dawn a ni.

Robben hian inzai hi a hreh ve hle a, Ningani khan Bayern medical staff te nen rei tak an sawiho hnuah a remti chauh a ni. Match tamtak a khelh theih loh phah tawh a, dam hlen law law tura inzai mai hi a finthlak ber niin a lang.

Chelsea-a a khelh laia a inhliam theih em avangin ‘The Glass Man’ hminglem a neih phah a. Khawvela player hlauhawm ber pawl ni mahse a inhliam vangin a ropui tur angin a la ropui lo a tih ngam awm e.  Robben hian tuna a inhliamna chu hrehawm a tih thu a sawichhuak nghe nghe a ni.

A tel lovin Bayern Munich an che ropui a, an hmaa lo chhuak apiang an hneh zel emaw tih tur a ni. Tunah kar 2 vel chu training pawh a zawm thei dawn lo a, a khelh theih loh chhungin Kroos, Muller leh Ribery te an khelṭha thei hle. A thiamzia chu sawinawn ngai lovin kan hria, mahse khawvela ‘inverted winger’ ṭha ber te zinga mi hi Bayern Munich-ah hian ‘lut chiang sa’ a la ni reng angem?