AS Roma chuan Real Madrid leh Barcelona midfielder hlui Luis Enrique,Barcelona B team enkawl zo hlim chu manager turin an lalut tih kan hre awm e.Luis Enrique hian amah pui turin a khelhpui hlui Rome a club pakhat zawk Lazio pawha lo khel tawh Ivan De La Pena(lukawlh ngei kha) chu a staff te zingah a hruai tel ve.Spanish pahnih te chu an lut thar phawt!

Luis Enrique hian AS Roma chu formation thar a hmanpui ngei rin ani a.Player pawh a lakbelh rin ani.Player chu a lei belh ngei dawn in a lang ta!Khawvela rawlthar duhawm ber te zingami Barcelona forward Bojan Krkic chu AS Roma a player lei hmasakber ani dawn ta.He Serbian thlah,kum 20 mi hi khawvelin beiseina nena an thlir ani a.Kum 17 anih in first team squad ah a tel phak a.Pedro te ho in hmun an chang ngun takah hma a sawn tur angin a sawn lo niin mi tam takin an ngai.Tunah AS Roma lamah chona thar a hmachhawn dawn niin a lang.AS Roma hian Bojan manah hian 10 million euro vel an pe dawn ani awm e.An inremnaah hian nakinah Bojan hi Barca lamah a luh leh theihna (option to re-sign) a tel nia sawi a awm bawk.