ROYAL WAHINGDOH AN AWM TA LO !

Estimated read time 2 min read

2014-15 I-League season a tawp meuh chuan a vawikhat nan a I-League khel Royal Wahingdoh chuan pathumna an hauh va mai le. Santosh Kahyap a kaihhruaite hian India ram an barakhaih a, hetih hunlai hian Northeast team zingah anni aia thleng sang an la awm lo. Tunah erawh Royal Wahingdoh Football Club chu tih tawp a ni dawn ta.

Royal Wahingdoh hi kum 1946 a din Wahingdoh Sports Club kal zel kha a ni a, he club hi hun rei tak a hlawhtlin hnuah hniam lam a pan zel tak avangin kum 2007 khan Royal Football Club nen inthlunzawmin Royal Wahingdoh Football Club tiin a hming thlak a ni a, a lo enkawl hmasa tu khawtlang te (Wahingdoh Sports Club hi khawtlang/community ta a ni) hian Dominic Sutnga Tariang nen inremna siamin kum 10 chhung atan an club hi a duh anga hman an phalsak a ni.

Sutnga enkawlna hnuaiah hian hma an sawn chak hle a, 2nd Division I-League ah hneh loh nei lo a champion in I-League ah hian pathumna an ni zui a, Federation Cup ah pawh club lian zawk a ngaih Churchill Brothers leh Mohun Bagan hial an hneh. Amaherawhchu kum 2015-16 season tan dawn khan Indian football ah hmathlir tha tawk an hmuh loh avangin I-League atanga an inhnuhdawh thu an puang a, AIFF buatsaih age level tournament ah erawh an che tha chhunzawm zel.

An inremna anga kum 10 a liam tak avangin Jackichand Singh, Seityasen Singh, Sena Ralte, Reagan Singh leh Lalchawnkima te larchhuahna ‘Royal Wahingdoh Football Club’ chu tihtawp a lo tul ta a, a dintirha a hming put Wahingdoh Sports Club hian Shillong Premier League-a an hmun ruak (spot) an luah ang a, amaherawhchu club in thil hlu (assets) a neih te bakah player leh management staff zawng zawngte chu Dominic Sutnga club pakhat zawk Shillong United FC ah an lut vek dawn a ni.

“Shillong United FC hian Royal Wahingdoh hnungzuiin Shillong Sports Association in U-18 leh senior team tana tournament a siamah te kan player te hmakhaw ngaiin tel zel kan tum a ni,” tiin an club thuchhuah chuan a tarlang.

C Tlanthianghlima

Football tui ve tak

You May Also Like

More From Author

9Comments

Add yours
  1. 8
    Franoxymn

    Cialis Canadian Pharmacy Online Ist Viagra Verschreibungspflichtig Amoxicillin And Blood Pressure online cialis Amoxicillin Wiki Canada Meds Achat Cialis 20mg Original

+ Leave a Comment