Manchester United players zinga upa ber leh experience nei tha bera sawi ngam Ryan Giggs chuan kum khat contract a ziah belh leh a, Manchester United fans tan chuan thu lawmawm tak a ni ngei ang le. Tun season-ah United players te an inhliam nasa em em a, Sir Alex-a pawh a mangang a, football chawlhsan tawh Paul Scholes a ko let leh hial anih kha. Hei vang hian players inhliam ngah tak United tan chuan Giggs-a contract ziah belh hi a lawmawm leh zual a ni. A vanglaia winger tha bera sawi thin Giggs hi Sir Alex chuan attacking midfielder angin a chhawr thlangpui tawh a. November thla hian kum 39 a tling tawh dawn a, mahse match pawimawhah chuan first eleven-ah a la tel thei ziah thung. Manchester United-a a season 22-na tur atan contract hi a ziahbelh a ni.
Giggs hian Manchester United tana a match hmasa ber chu March ni 2, 1991 khan a khel a. Everton nen inkhelin full back Denis Irwin a rawn thlak a ni. Giggs hian Premier League title-12, Champions League-2, FA Cup-4, League Cup-3, Super Cup-1, International Cup-1 & FIFA Club World Cup-1 bakah chawimawina a lak theih ang chu a la ve nual tawh bawk a ni.
Tun season-ah hian vawi 22 a khel tawh a. Premier League-ah bik hian vawi 16 khelin goal thum a thun tawh a, a thiante tan a assist nual tawh bawk a ni. Tunhnaia a assist-ah chuan Arsenal an hneh tuma Valencia a assist leh Chelsea an draw tuma Hernandez a assist kha a pawimawh zual te chu an ni awm e. Manchester United tan hian match 898 zet khel tawhin goal 162 a thun tawh bawk a ni.
Sir Alex chuan “ Ryan hi player tha leh taima tak a ni a, eng game-ah pawh a in adapt zung zung thei a. Player tum ruh leh chak duh tlat a ni a. Training leh match khelh dawn apiangin ani hi chu midang te tana entawntlak leh zah a ni. Player naupang tak tak te hian a hnen atang hian zir tur tam tak an nei a, midang tana break har tur khawpin record a siam chhunzawm zel bawk dawn a ni” a ti .
Giggs chuan “ Contract ka ziah tirh khan United tan hian kum 22 chung zet ka khelh ka ring ngai lova, mahse tunah chuan nuam ka ti a, club tan hian ka theihtawp ka chhuah chhunzawm zel dawn a ni. Premier League title sawm 19-na la thei a ka awm kha nuam ka ti bawk a ni “ a ti.
cialis professional
cialis 20mg price
Best price for viagra
Best viagra price
Man Utd ka fakna thu tlem kan rawn sawi lok teh ang:
United hi an rilru a tluang kati. Real madrid tana ropui taka lo khel thin Raul te, etc2 te chu anlo upat deuh a an chhuahtir mai zel, (hlawh pek reng kha hautak anti) tin, team dang2 te poh anni. Mhs, United chuan an History siamtute hi an zah ngawih2 thin kati mai. Gary Neville te pawh khel mang tohlo mhs a chawlh hma chu a duh phot chuan contract ziahpui an in huam reng. Heihi club ti nghettu niin ka hria. Ryan Giggs pawh hian kum 2 pawh ziah duh se an accept thovin ka ring. September ah duhthawh taka mahni club kawr fawp thin khan January ah duhthawk tak in an hmelma thin kawr an fawp leh hi chu a bangladesh film mah2 in ka hria. Football is not only a business, its also a passion..!!
khawvel a ka players duhte zing a mi a ni a. A lawmawm hle mai hetiang chen2 Man United tan a a khel thei hi! Pakhatah chuan international duty a neih tamloh vang hian a daih rei niin ka hria. Mahse a hunlaia world cup an ramin an khello hi chu ka uipui khawp mai…
A va poilo ve le.. A tar thei meuhlo ni e 🙂
He pa hi mak ngawt mai…a ngaihsanawm riau….mahse lehlamah mithar tan hmun kian v tawh se…te ka tia…:)
@ ben : nia, ani pawh hian naute ho hi a ho thiam a, chu2 a pawimawhna a thiam piah lamah hian..
Post chung chiaha Henry chungchang ka sawi ang hi a role a ni a. Chutih rual chuan Big Match a pu berin a la chhawr ngamna hian a chhiatzia chu a pho lang awm e..haha..
@ ben : tar fit-a !!! ka duh lutuk. haha Nia, kum 39 a tling tawh dawn a, ala tha khawp mai. Tin,match pawimawh deuha Sir Alex-a’n a la hman danah hian a tha tih chu a chiang mai..
Tar fit-a tiin ka ko mai zel. Footballer te dinhmun leh an hahzia ngaihtuah chuan a kum hian ‘tar’ nihna lai a neih tir tlat. Good Post..
Giggs hian egzatge a hlwh vele,swi a khat ve khwp mai..cuan nicky butt khan a chwlsan twh em,ge ala khel ve zel w..
United chu gigs ate anla chhawr anla chhawr maia…naupang deuh amah thlak tu tur pawh an siam hlei theilo nih hi.
Van lawm awm tak em…..
Post tha tak a ni e…
Giggs putara(?!)hi a tar chatuan dwn lo nia ge!!hetiag finishig ny tha ltk hi cu an vag ania…
Hepa tak hi chu football chawlhsan vat se ka ti ngawt mai, chelsea defender ho hian an veng hneh lo lutuk a, a ball cross that avanga kan lama goal lut hi a tam tawh mah mah a ni.
united fan nilo mah ila, Giggs hi chu ka player ngaihsan ber pawl..ka lawmpui e united fans te..
Nia, Ryan Giggs ni miau a…
KZP. Man Utd fans tan chuan va lawmawm rem2 ve le. a upa tawh a, a speed chu duhthu a sam lo. mahse a dribbling a la tha khop, a duhthusam a a tin vang2 toh a a cross hi chuan a class ve thei khop mai.
Giggs hi contract kum khat te te ziakin United ah hian kum 45 a nih vel thleng chu a ka ring he.he…