SAFF Championship chu Jawaharlal Nehru Stadium, New Delhi ah khelh mek a ni a, Zirtawpni tlaia semi-final khelhah India leh Afghanistan chuan an khingpuite hneh ve vein final an lût
India 3 – 1 Maldives
India: Rahim Nabi 25′, Sunil Chhetri 68′, 91′
Maldives: Shamweel Qasim 59′
Champion lai leh champion tura rinkai ber India an khel ṭha tawlh tawlh a, semi final-ah he tournament-a che ṭha tak Maldives hnehin, ‘star striker’ Sunil Chhetri chuan goal 2 a khung.
India hian a tir aṭangin goal chance ṭha zet zet an nei a, jersey no. 10 Jeje Lalpekhlua chuan ṭum hnih ngawt pet goal theihn remchang a nei a, mahse vanduai vang leh keeper save ṭhat vangin a thun lo hlauh. Inkhel ṭan hnu lawka goal ruak a thun lo te, a head ṭha tak, Maldives keeper in ropui taka a lo dan te chu uihawm tak a ni.
India hian minute 25 ah Rahim Nabi hmangin an thun ta nge nge a, Nabi hian Miranda freekick aṭangin a pet goal a ni. First half-ah India an khel ṭha tluan a, tlarhmaa Chhetri leh Jeje-a te inkawp pawh an langsar leh khawp mai.
Second half-ah pawh India an khel ṭha a, mahse minute 59 ah Shamweel Qasim chuan kawh zetin a rawn thun a, India fans, a hmuna en ho pawh an hawi hau mai. Maldives an rawn phûr dawn chiah a, mahse minute 68 ah Chhetri chu penalty box chhungah an tihtluk avangin India in penalty an hmu a, hei hi Chhetri chuan a rawn thun a ni. india tân chuan he goal luh hun hi ‘timing’ tak a ni.
A tawplamah Maldives game a ṭha ve hret a, mahse India hian chance an nei ṭha zawk. India goal 3 na hi man of the match Chhetri thun a ni a, he goal thun tur hian defender a bum phei nual nghe nghe a ni. Chhetri hian tournament ṭantirh aṭangin game tinah a la pe goal vek a, goal 6 thun tawhin, Afghanistan sriker Balal Arezo nen top scorer an ni mek. Huntawp dawnah Maldives player 1 in red card a hmu bawk.
India in chak an phû zawk a, a zâwna game 4 chhung man of the match ni tawh Chhetri leh Jeje Lalpekhlua te inkawp hi Afghanistan defender ten an hmachhawn châk hauh lo ang le.
India: Karanjit Singh (GK); Syed Rahim Nabi, Mahesh Gawli, Gouramangi Singh, Nirmal Chettri; Clifford Miranda, Climax Lawrence (C) (Jewel Raja – 83rd), Rocus Lamare, Anthony Periera (Steven Dias – 69th); Sunil Chhetri, Jeje Lalpekhlua (Sushil Kumar –90+).
Afghanistan 1 – 0 Nepal
Tournament ṭan tirh aṭanga beisei aia khel ṭha Afghanistan an chak a, semi final-ah Nepal an hneh.
He inkhelah hian hun pangngaiah goal a lut thei lo a ni ber mai. Goal awmchhun hi minute 101 na-a Balal Arezo pet goal a ni. Arezo hian goal 6 a thun tawh a, final-ah India defender ten an ven uluk a ngai viau ang le. Nepal player Biraj Maharjan chuan minute 118 ah red card a hmu bawk.
SAFF Championship Final hi December ni 11, 2011 tlai dar 6 ah khelh tur niin, Ten Action Plus chuan live in a pechhuak leh dawn a ni.
Kanva champ mai hmel vele.. 🙂 congrats team India
Va han nuam ve…Champ hram se aw…Jeje-an thun ngei bo se….
Comentator in jeje a tih zawh a. Mizoram a ti kher thin kha a va nuam em. . . Chuan. . .jeje self F*** loh zia kha. . . A rawn haw hunah . . Idol aia pui in lo hmuak ang u.
Jeje k tan ber tho chhetri chu india tan a khelh na rei toh a jeje chu senior ah la khel tam lo a;chhetri khelh zah akhelh hunah chuan?baichung a khum ang k ring;sala
Kei pawn ka ti. Goal hlauhawm deuh bul tantu chu jeje a ni deuh zel, a chakin ball a thiam a, a ball chan a nghet bawk, chu chu commentator pawhin a hmuh hmaih lo; mahse chhetri-a finishing erawh chu a la tluk pha lo. 😎
Goal thumna in ziahdan hi ka khamkhawp lo tlat,Chhetri khalh luh nilovin Jeje an a lakluh,a khelhpui te anga a selfish ve loh avangin pet goal ngei2 turin ropui takin a assist ka ti ve tlat,Chhetri ringot kha midang khan an melh mah2 vangin Jeje-a langsar loh phah ka ti ka hmuh ve dan chuan…
Good post n Best of luck ‘TEAM INDIA’ for Final.