Sanchez, Henderson, Pastore….2011 Nipui transfer lian panga te.

Estimated read time 6 min read

Season thar a hnai tawh a, club hrang hrang ten an team tichak tur player an lakluh belh zel. Transfer season hi chu a tawp dawn lai vel hi a ‘hot’ tak tak lai a ni a, tun nipui bazar ah pawh transfer lian tham tak tak a la thleng dawn chauh niin a lang.  Tunah chuan transfer inhawm tirh, June 1 aṭanga July 31 chhunga transfer lian zual panga kan thlangchhuak phawt ang. (Transfer lian ka tih hi player leina man tam tihna a ni)

5. Jordan Henderson (Sunderland to Liverpool) – €22.5 million

Nipui bazar a inhawng a, Liverpool player lei hmasak ber chu English midfielder Jordan Henderson a ni. Manager Kenny Dalglish-a hnuaiah Liverpool an indin thar mek a, hmalam hun thlir chungin player ṭha, naupang bawk si a lei. Henderson hi kum 20 chauh a la ni a, heti chung hian season hmasa khan Sunderland player pawimawh a ni der tawh. England tan game 1 a khel tawh a, Lampard te ho chawlh hunah England midfielder rinawl ni tura mipuite hual lâwk a ni.

A man hi a phu réng em tih hi zawhna awm thei tak a ni. Field chhunga a hnuhma neih tawh aṭanga teh chuan a to deuh a ni maithei. Mahse a theihna (potential) leh a kum en ila, English Premier League-a English player te an hlut bik zia ngaihtuah chuan a phu ve réng a ni kan ti thei awm e. Gerrard, Adam, Meireless leh Lucas te awmna Liverpool ah hian a khel pha ziah angem?

4. Alexis Sanchez (Udinese to Barcelona) – €26 million

Barcelona in Alexis Sanchez an lei khan mi tam ber ngaihdan chu “An va lei tlawm zawk ve” tih hi a ni awm e. Lionel Messi ai pawha la ṭha thei tur an tih Sanchez hi Europe club lian ho chuan an team a khel turin an duh vek ang ti ila kan sawi sual lutuk lo ang. Season hmasa-ah Udinese a chet ṭhat pui hle a, kum 22 chauh a la ni chungin khawvela player ṭha pawl a ni tawh. A man hi €26 million ni hrih mahse Barcelona hian bonus neuh neuh ah  €11.5 million vel an la pekbelh dawn a ni.

Barcelona hian khelh dan bik an nei a, player ṭha tak takin he an khelh dan ‘system’ hi an man lo a, beisei an lo pha lo tawh ṭhin(Riquelme, Saviola, Ibrahimovic etc..). Season tharah Sanchez hian starting XI a chang ngei angem tih hi ngaihtuah tham tak a ni. Tunah hian Messi, David Villa leh Pedro te hi Barcelona hmatâwng neih ṭhat ber an ni a, dinglam, veilam leh a laia khel thei vek Sanchez hian tunge a luahlan ang? Messi chu nekchhuah theih loh ah lo dah ta ila, han en thuak chuan Pedro hi a dinhmun a derthawng ber a tih theih awm e.

3. Fabio Coentrao (Benfica to Real Madrid) – €30 million

Real Madrid in Benfica aṭanga left back Fabio Coentrao an lei khan mi tamtak mak tih a hlawh a, a chhan chu khawvela left back ṭha ber pawl Marcelo an neih sa tawh vang a ni. Rio Ferdinand tih loha khawvela defender manto ber Coentrao hi Benfica ah a che ropui a, World Cup ah pawh a che chhe lo. Portugal tan field veilamah Ronaldo nen an inthlawp fuh thei hle a, hei hi Jose Mourinho-a’n a duh nachhan a ni thei angem?

Tunah hian kum 23 a ni a, a man zat enin bench ah a ṭhut mai mai a rinawm loh. Chuti a nih chuan Marcelo hi subsitute ah a tla thla dawn em ni? Nge Coentrao hi right back ah a khel dawn? Khel dawn ta se Sergio Ramos ve thung hi? Mourinho hian engtinnge a rem ang tih hriat a chakawm tawh khawp mai.

2. Javier Pastore (Palermo to PSG) – €43 million

Tun nipui bazar a player sawi hlawh leh ngaihven nasat berte zing ami chu Argentinian playmaker Javier Pastore hi a ni awm e. Season hmasa-ah Palermo tan a khel ṭha hle a, Serie A ah goal 11 thunin a ball pass ṭha lutuk leh a mit fing tak hian Serie A defence a ṭhiat hneh thei hle. Barcelona, Real Madrid, Inter Milan, Juventus, AC Milan, AS Roma leh Napoli te nen media lamin an sawi zawm luai luai a, Chelsea lama lut mai tur angin an ziak hman bawk. Mahse sum lama buaina nei lo PSG an rawn lang a, Europe-a player hmabak ‘duhawm’ ber pawl hi an rawn lei ta a ni.

Kum 22 a upa, Argentina national team a khel pha ngat Pastore hi van Nistelrooy, Sissoko leh Menez te nen an khel ho dawn a, team ropui nih tum PSG tan player ropui a nih theih ngei a rinawm. A la naupang a, a thiamzia hi kan la hmu tam deuh deuh dawn niin a lang. PSG aia club lian zawk a lut atan erawh a itawm ngei mai.

1. Sergio Aguero (Atletico Madrid to Manchester City) – €45 million

Player manto tak a lei leh Manchester City hi thil kalkawp a ni ber tawh a, he list a pakhatna an ni pawh hi thilmak a ni hran lo.

Kum 23 a upa, Atletico Madrid vice captain ‘hlui’ Aguero man hi €45 million ngawt a ni a, hei hi tun nipuia transfer awm tawh zingah sum tamna ber a la ni rih. Manchester City in player pakhat mana pawisa an thehchhuah hnem ber a ni bawk. Argentina striker ‘No. 1’ Aguero hian Atletico Madrid ah kum 5 a khel a, game 234 ah goal 101 a thun a ni.

Manchester City hmatâwng hi han en la, anni aia ṭha hi an tam vak bik lo. Tevez, Balotelli leh Dzeko te an awm sa tawh a, Aguero an lakbelh vang hian an chhiat phah a rinawm lem loh. City tlarhma-ah hian tu ber nge a kawppui anga, engtiang takin nge a khelh ang tih chu captain Tevez a chhuah leh chhuah loh hian a hril thui viau awm e. Tevez hi a chhuak lo a nih chuan an inkawp ngei hmel a, Argentina tana inkawp fuh hleithei lo hi Roberto Mancini hian a remfuh thei meuh angem tih hmuh a chakawm tawh hle mai. Premier League defender te inring ru le.

You May Also Like

More From Author

10Comments

Add yours
  1. 5
    Joseph Elar Chhangte

    Liverpool fans hote chuan Henderson an la lut hi kan lawm hle. Ala naupang sia a thiam hle bawk nen tun season a player naupang promising ber anih a riinawm…ka fan pui te khan in ti ve m? Gerrard nen in kawp tir dan an ngaihtuah in ka ring.

  2. 7
    Fonz

    Patore leh Sanchez inkhel hi ka hmu tam ve thawkhat, an tha ..world cup ah khan pastore khel hi ka lo hmuh ka in beisei daih tawh a.Coentrao hi first eleven nghal mai lo ang maw? KUN hi TEVEZ ani lo ti ngawt teh ang… Henderson ch IN KING KENNY I TRUST,,a thu thu ani mai lol…keini ang tan chuan sawisel thiang ani lo.

  3. 8
    Awpa Fanai

    EPL tihmuhnwm tura Kún Ågüëro te an rwn lut hi lwmwm khwp my…ball thiam deuh2 Neymar(Santos), Ganso(Santos), Diego(Bremen) teho hi rwn luh belh xel se wwww…

  4. 9
    Rooney Opa

    Marcelo nge Coentrao? A hmuhnawm dawn e. Tu zawk nge 1st dawn lo en ang u. Aguero man hi a to hret chuan ka hria. Pastore hi a tlachhe thut a nih loh chuan player ropui tak a la ni ngei ang. Sanchez hi barca hian an lei fuh ngawtin ka hria. A thiam zia ngaihtuahin a tlawm ka ti.

  5. 10
    zodikalz13

    Henderson man hi EPL a khel English player ho man to uchuak vang hian awmlo pawh ka ti vak lo. A la naupang a, a potential a achieve ang em lo thlir zel phawt ila.
    Marcelo hi khawvel a left back tha ber pawlah ka chhiar loh vangin Coentrao Real in an lei hi mak ka ti ve lo.
    Sanchez leh Pastore khel hi ka la hmu tam lo.
    Aguero hi a chet that loh chuan a nick name KUN kaihlekin KUNT (cunt) tia koh a nuam dawn 😀

+ Leave a Comment

Sanchez, Henderson, Pastore….2011 Nipui transfer lian panga te.

Season thar a hnai tawh a, club hrang hrang ten an team tichak tur player an lakluh belh zel. Transfer season hi chu a tawp dawn lai vel hi a ‘hot’ tak tak lai a ni a, tun nipui bazar ah pawh transfer lian tham tak tak a la thleng dawn chauh niin a lang.  Tunah chuan transfer inhawm tirh, June 1 a?anga July 31 chhunga transfer lian zual panga kan thlangchhuak phawt ang. (Transfer lian ka tih hi player leina man tam tihna a ni)

5. Jordan Henderson (Sunderland to Liverpool) – €22.5 million

Nipui bazar a inhawng a, Liverpool player lei hmasak ber chu English midfielder Jordan Henderson a ni. Manager Kenny Dalglish-a hnuaiah Liverpool an indin thar mek a, hmalam hun thlir chungin player ?ha, naupang bawk si a lei. Henderson hi kum 20 chauh a la ni a, heti chung hian season hmasa khan Sunderland player pawimawh a ni der tawh. England tan game 1 a khel tawh a, Lampard te ho chawlh hunah England midfielder rinawl ni tura mipuite hual lâwk a ni.

A man hi a phu réng em tih hi zawhna awm thei tak a ni. Field chhunga a hnuhma neih tawh a?anga teh chuan a to deuh a ni maithei. Mahse a theihna (potential) leh a kum en ila, English Premier League-a English player te an hlut bik zia ngaihtuah chuan a phu ve réng a ni kan ti thei awm e. Gerrard, Adam, Meireless leh Lucas te awmna Liverpool ah hian a khel pha ziah angem?

4. Alexis Sanchez (Udinese to Barcelona) – €26 million

Barcelona in Alexis Sanchez an lei khan mi tam ber ngaihdan chu “An va lei tlawm zawk ve” tih hi a ni awm e. Lionel Messi ai pawha la ?ha thei tur an tih Sanchez hi Europe club lian ho chuan an team a khel turin an duh vek ang ti ila kan sawi sual lutuk lo ang. Season hmasa-ah Udinese a chet ?hat pui hle a, kum 22 chauh a la ni chungin khawvela player ?ha pawl a ni tawh. A man hi €26 million ni hrih mahse Barcelona hian bonus neuh neuh ah  €11.5 million vel an la pekbelh dawn a ni.

Barcelona hian khelh dan bik an nei a, player ?ha tak takin he an khelh dan ‘system’ hi an man lo a, beisei an lo pha lo tawh ?hin(Riquelme, Saviola, Ibrahimovic etc..). Season tharah Sanchez hian starting XI a chang ngei angem tih hi ngaihtuah tham tak a ni. Tunah hian Messi, David Villa leh Pedro te hi Barcelona hmatâwng neih ?hat ber an ni a, dinglam, veilam leh a laia khel thei vek Sanchez hian tunge a luahlan ang? Messi chu nekchhuah theih loh ah lo dah ta ila, han en thuak chuan Pedro hi a dinhmun a derthawng ber a tih theih awm e.

3. Fabio Coentrao (Benfica to Real Madrid) – €30 million

Real Madrid in Benfica a?anga left back Fabio Coentrao an lei khan mi tamtak mak tih a hlawh a, a chhan chu khawvela left back ?ha ber pawl Marcelo an neih sa tawh vang a ni. Rio Ferdinand tih loha khawvela defender manto ber Coentrao hi Benfica ah a che ropui a, World Cup ah pawh a che chhe lo. Portugal tan field veilamah Ronaldo nen an inthlawp fuh thei hle a, hei hi Jose Mourinho-a’n a duh nachhan a ni thei angem?

Tunah hian kum 23 a ni a, a man zat enin bench ah a ?hut mai mai a rinawm loh. Chuti a nih chuan Marcelo hi subsitute ah a tla thla dawn em ni? Nge Coentrao hi right back ah a khel dawn? Khel dawn ta se Sergio Ramos ve thung hi? Mourinho hian engtinnge a rem ang tih hriat a chakawm tawh khawp mai.

2. Javier Pastore (Palermo to PSG) – €43 million

Tun nipui bazar a player sawi hlawh leh ngaihven nasat berte zing ami chu Argentinian playmaker Javier Pastore hi a ni awm e. Season hmasa-ah Palermo tan a khel ?ha hle a, Serie A ah goal 11 thunin a ball pass ?ha lutuk leh a mit fing tak hian Serie A defence a ?hiat hneh thei hle. Barcelona, Real Madrid, Inter Milan, Juventus, AC Milan, AS Roma leh Napoli te nen media lamin an sawi zawm luai luai a, Chelsea lama lut mai tur angin an ziak hman bawk. Mahse sum lama buaina nei lo PSG an rawn lang a, Europe-a player hmabak ‘duhawm’ ber pawl hi an rawn lei ta a ni.

Kum 22 a upa, Argentina national team a khel pha ngat Pastore hi van Nistelrooy, Sissoko leh Menez te nen an khel ho dawn a, team ropui nih tum PSG tan player ropui a nih theih ngei a rinawm. A la naupang a, a thiamzia hi kan la hmu tam deuh deuh dawn niin a lang. PSG aia club lian zawk a lut atan erawh a itawm ngei mai.

1. Sergio Aguero (Atletico Madrid to Manchester City) – €45 million

Player manto tak a lei leh Manchester City hi thil kalkawp a ni ber tawh a, he list a pakhatna an ni pawh hi thilmak a ni hran lo.

Kum 23 a upa, Atletico Madrid vice captain ‘hlui’ Aguero man hi €45 million ngawt a ni a, hei hi tun nipuia transfer awm tawh zingah sum tamna ber a la ni rih. Manchester City in player pakhat mana pawisa an thehchhuah hnem ber a ni bawk. Argentina striker ‘No. 1’ Aguero hian Atletico Madrid ah kum 5 a khel a, game 234 ah goal 101 a thun a ni.

Manchester City hmatâwng hi han en la, anni aia ?ha hi an tam vak bik lo. Tevez, Balotelli leh Dzeko te an awm sa tawh a, Aguero an lakbelh vang hian an chhiat phah a rinawm lem loh. City tlarhma-ah hian tu ber nge a kawppui anga, engtiang takin nge a khelh ang tih chu captain Tevez a chhuah leh chhuah loh hian a hril thui viau awm e. Tevez hi a chhuak lo a nih chuan an inkawp ngei hmel a, Argentina tana inkawp fuh hleithei lo hi Roberto Mancini hian a remfuh thei meuh angem tih hmuh a chakawm tawh hle mai. Premier League defender te inring ru le.

You May Also Like

More From Author

+ There are no comments

Add yours