#ZoFooty
Kum 28-a upa, India footballer of the year nilai Sandesh Jhingan chuan Indian player zinga Croatian club-a khel hmasa ber ni turin Croatian club HNK Sibenik a zawm fel ta.
Centre Back Sandesh Jhingan-a khelhna tur HNK Sibenik hi Croatia top league-a khel niin season liamtaah khan parukna an ni a, palina chin chauhvn Europe inelna an khelh theih avangin tun season ah erawh khelh ngei tumin țan anla nasa hle.
Sandesh Jhingan chuan “Tun hun hi ka tan chuan a pawimawh em em a, level sang zawka ka theihna pho chhuah theihna hun a nih mai bakah Europe-a khelh hi ka chak em em țhin a, ka tan chuan chona hlu tak a ni. Head coach Mario Rosas, club hruaitute leh club enkawltuten ka chungah rinna nghatin min lalut a, an chungah hian ka lawm hle ” tiin a sawi.
HNK Sibenik CEO Francisco Cardona chuan “Jhingan hi hun rei tak chhung kan lo chikin kan lo ngaihven tawh a, țha taka a khelh ngei kan beisei. Insiamrem nan kar eng emaw zat chu a mamawh ngeiin ka ring mahse a thiamna leh a leadership quality neih țhat avangin player pawimawh tak anih chhunzawm kan beisei bawk” tiin a sawi.
HNK Sibenik coach Mario Rosas pawn tun season-a an tumram thlenpui ngei tura a beisei thu leh hma a sawn ngei a beisei thu a sawi ve bawk.
Sandesh Jhingan-a zinkawng
2011 : I-League-ah United Sikkim tan a inlan
2013 : I-League club, Mumbai FC a zawm
2014 : ISL Club, Kerala Blasters a zawm
2014 : Best Emerging Player of ISL ah thlan a ni
2014 : AIFF Emerging Player Award a dawng
2015 : Sporting Goa-ah loan in a chhuak
2015 : India Senior team tan a inlan
2016 : India Senior team tan a goal hmasa a khung
2016 : DSK Shivajians-ah loan in a chhuak
2017 : Bengaluru FC ah loan in a chhuak
2017 : India Senior team-ah Captain armband a hreng
2020 : Kerala Blasters chhuahsanin ATK Mohun Bagan a zawm
2020 : Arjuna Award a dawng
2021 : AIFF Player of the Year ah thlan a ni
2021 : Croatia club, HNK Sibenik a zawm
