Scott Parker-in Euro khel thei lo mai thei.

Tottenham manager Harry Redknapp chuan England match hnuhnung bera captain leh player pawimawh Scott Parker chu a inhliam avangin Euro’ 12 a khelh theih loh mai theih thu a sawi. England fans tam tak tan chuan thil hriat nuam tak chu a ni kher lo ang le.

Parker hian a ke a tihnat avangin Spurs match hnuhnung pali ngawt a khel thei tawh lova. Tunah hian a hliam hi a dam chak loh avangin injection la tura tih a ni a. Hemi hnu hian kar khat vel a chawlh hahdam a ngaih hmel a. A dam that loh phei chuan zai a ngai mai thei bawk a, hei vang hian Parker-a hmalam hun hi a sawi lawk theih loh a ni.

Hetih rual hian Parker-a teammate Kyle Walker pawh a inhliam a. A hma hun a hriat bik loh a ni. Premier League match hnuhnung bera Fulham an hneh tum khan a ke a tina a ni. Walker hian ke zungtang na sa in a khel hrim hrim a, a vanduai lehzual a ni.

Nilaini hian England squad puan a ni tawh dawn a. England manager Roy Hodgson hian tute nge a thlan ang tih hi khawvel hriat chak a ni. Parker a khel thei lo anih chuan tunhnaia rawn che tha tak Carrick hian chance a neih phah thei a. United defender Smalling a khel thei lo chiang tawh a. Sir Alex Ferguson lahin Rio Ferdinand chu a hnung anat thin avangin Euro khel tur chuan a fit tawk loh a rin thu a lo sawi ve bawk a. Jack Wilshere leh Dawson lah an inhliam bawk si a. Wes Brom keeper Foster lahin England tan khelh a tum tawh loh thu a sawi bawk a. Bent leh Welbeck erawh an dam chho ve hret hret thung a.

England team hi an vanduai tak zet a. Team captain hnuhnung ber Terry-a’n vunrawng hmuhsitna thubuai a neih vangin a captain nihna hlihsak a ni a. A thlavang hauhtu Coach Capello a bang bawk a. Hun rei tak hnuah beiseina thar nen rin loh takin coach thar atan Roy Hodgson lak a ni a. Squad puan dawn ah players inhliam an awm belh zel bawk nen kumin Euro hi England chetchhiat ber tum a ni mai ang em tih hi England fans te hlauhthawn ber a ni. Golden Generation te’n an tih theih loh hi Roy Hodgon leh a naute hian mi rin loh takin an rawn ti thei thut zawk ang em ? I lo ngaichang phawt ang.

6 thoughts on “Scott Parker-in Euro khel thei lo mai thei.

  1. Pingback: cialis 20 mg

  2. Pingback: Buy viagra now online

  3. Xavi fanai

    Epl hi cu a game hi a rothap ve em maia,an heti pheg phug thin reg ani..players ho lah an indimru thiam si lova,agoal hlauhwm em em pwh ni lem lo(field lai)ah te an han tackle pwp pwp zel mai si a,league dag ai cuan inhliam nasa tur cu an ni ve reg ani.

  4. Puia Riquelme

    Parker chu major tournament a last chance ani awm sia..khawngaihthlak hle mai…team selection ah Roy Hodgson chu a buai ve map ang le

Leave a Reply

Scott Parker-in Euro khel thei lo mai thei.

Tottenham manager Harry Redknapp chuan England match hnuhnung bera captain leh player pawimawh Scott Parker chu a inhliam avangin Euro’ 12 a khelh theih loh mai theih thu a sawi. England fans tam tak tan chuan thil hriat nuam tak chu a ni kher lo ang le.

Parker hian a ke a tihnat avangin Spurs match hnuhnung pali ngawt a khel thei tawh lova. Tunah hian a hliam hi a dam chak loh avangin injection la tura tih a ni a. Hemi hnu hian kar khat vel a chawlh hahdam a ngaih hmel a. A dam that loh phei chuan zai a ngai mai thei bawk a, hei vang hian Parker-a hmalam hun hi a sawi lawk theih loh a ni.

Hetih rual hian Parker-a teammate Kyle Walker pawh a inhliam a. A hma hun a hriat bik loh a ni. Premier League match hnuhnung bera Fulham an hneh tum khan a ke a tina a ni. Walker hian ke zungtang na sa in a khel hrim hrim a, a vanduai lehzual a ni.

Nilaini hian England squad puan a ni tawh dawn a. England manager Roy Hodgson hian tute nge a thlan ang tih hi khawvel hriat chak a ni. Parker a khel thei lo anih chuan tunhnaia rawn che tha tak Carrick hian chance a neih phah thei a. United defender Smalling a khel thei lo chiang tawh a. Sir Alex Ferguson lahin Rio Ferdinand chu a hnung anat thin avangin Euro khel tur chuan a fit tawk loh a rin thu a lo sawi ve bawk a. Jack Wilshere leh Dawson lah an inhliam bawk si a. Wes Brom keeper Foster lahin England tan khelh a tum tawh loh thu a sawi bawk a. Bent leh Welbeck erawh an dam chho ve hret hret thung a.

England team hi an vanduai tak zet a. Team captain hnuhnung ber Terry-a’n vunrawng hmuhsitna thubuai a neih vangin a captain nihna hlihsak a ni a. A thlavang hauhtu Coach Capello a bang bawk a. Hun rei tak hnuah beiseina thar nen rin loh takin coach thar atan Roy Hodgson lak a ni a. Squad puan dawn ah players inhliam an awm belh zel bawk nen kumin Euro hi England chetchhiat ber tum a ni mai ang em tih hi England fans te hlauhthawn ber a ni. Golden Generation te’n an tih theih loh hi Roy Hodgon leh a naute hian mi rin loh takin an rawn ti thei thut zawk ang em ? I lo ngaichang phawt ang.

Leave a Reply