Name: Gueida Fofana
Current Club: Olympique Lyonnais
Nationality: France
D.O.B: 16 May 1991 (age 20)
Height: 1.82 m (6’0 ft)
Natural Position: Defensive Midfielder.
Secondary Position: Central Defender; Central Midfielder.
Strengths: Leadership, Athletic Ability, Work-Rate, Defending (Tackling, Marking, Positioning)
Weakness: Creativity; Aerial Ability, Flair.
Current Value: £2.8 million.
Estimated Transfer Fee: N/A

Tunhnai kum 20 chhunga France Football hausakna ber ti hiala sawi ngam chu Defensive Midfielder position hi a ni awm e. Player rothap leh huaisen, field chhunga team hruaitu ni bawk player tha tak tak an tam a ni. Didier Deschamps, Emmanuel Petit, Claude Makelele leh Patrick Vieira ten hlawhtling takin ’98 World Cup leh Euro 2000 ah te an lo champion pui tawh anih kha. Heng player ropui tak takte zingah hian a ber nia mi tam takin an chhal Patrick Viera kha a “pui” ber mai awm e. A physical game tha lutuk mai bakah khan a fing em em a, tin, ball a thiam bawk a, team a kaihruai thiam bawk si a, khawvela complete midfielder tlemte te zinga chhiar tel theih a ni.

Tunhnai deuh zawkah Jeremy Toulalan, Lassana leh Alou Diarra te leh midangte la zel awm bawk mahse Zidane leh Viera an retire hnu hian France hian field chhunga “Leader” tur an mamawh hle tih a hriat a, tin, an senior players te hlei hlei hian an mamawh zual emaw tih mai turin South Africa ah an mualpho a nih kha. Hei le, Nakin lawka France mamawh chhanna a ni thei eng em?

France Senior team anglo takin age-group lamah an rawlthar te hi chu an che tha thei angreng a, Euro U17 2008 a neihah final an thleng a, Spain lakah an tlawm a ni. Chuan Euro U19 2010 ah khami Spain team vek kha final ah an hneh veleh thung anih kha. Tin, kumin U20 World Cup ah semi-finals an thleng leh bawk a ni.

Le, khimi team zawng zawnga an captain, jersey no. 8 ha, heng tournament te a an game khelh zawng zawnga khel kim vek a lut tluan zak ziah bawk (group stage an paltlang tawh hnuah vawi 1 chu an awl tir ve, a eng tournament ber nge ka chiang tawhlo!!hehe) Gueida Fofana hian hnehsawh takin a team te kaihhruaiin an hun tawn ropui tak takte a hruai thleng thei a ni. Hetiang hun thleng tura a beihna avang hian khawvel nghahfak footballer a lo ni ta der a ni.

Amah hi Malian leh Guinean thlah a ni a. A Professional career chu Le Havre ah a tan a,Ligue 2 a an tlakthlak hnu deuh lawk hian kum 18 mi anihin 1st team hmun nghet a luah der a ni. Tichuan he a team tan hian game 60 chuang khelin tin, international tournament vawi 3 ah tha takin record a lo nei tawh bawk nen, tun summer khan Europe Club hrang hrangte chu an rawn lang tan ta a, Olympique Lyonnais chuan Jeremy Toulalan thlak nan £1.8 million chauhin an lalut ta a ni.

STRENGTHS: Fofana hi a athletic abilities/physical attributes a tha hle a. Tharum a ngah a, stamina a nei tha bawk a, tin, a len ang aiin a che rangin a tlanchak(pace zawk, acceleration nilo) bawk. Hemi bakah hian a Work-Rate a tha em em a, hei vang hian lehlam attacking move leh team rhythm nei tur  a chhu chat hnehsawh em em a ni. Tin, hlauhawm tur a hmulawk thiam em em a, tin, a basic defending skills (marking, tackling leh positioning) tha tak mai te a  hmang thiam em em bawk a ni. Fofana hi player ball kawl rei chi a ni lo a, simple leh felfai takin a pass vat zel mai. A technique leh touch pawh a tha bawk a, attack-minded player ni lo mahse pui turin a tlanlut thin ve tho a, tin, a goal-shot a hlauhawm bawk a ni. Tin, Central Defender ang pawha khel thin a ni a, Central defender leh Central Midfielder position ah hian duhtawkin a khel thei ve tho bawk a ni.

WEAKNESS: All-rounder tia sawi ngam a ni a, la inzir nasa lehzualin tawnhriat nei chho zel se khawvel midfielder complete te zinga chhiar tel ve theih a la ni thei ngei a ni. Mahse tunah hrih chuan a game ah hian Creativity a awm lo a, tin “Flair” a nei lo (a theihna tilang turin thil a ti huaisen lo, risk la lo a a thiamdan ang anga tih mai a thlang zawk thin) bawk a ni. Mahse a positionah chuan a hengte hi an tangkai lutuk lemlo a ni ti te pawhin midang chuan an sawi tho bawk a. Chuan a len ang aiin a aerial ability hi a tha lo a, hei hi chu a timing leh heading technique thatloh lam a ni zawk mah e.

MENTALITY: Fofana hi Natural Leader kan tih ang chi hi a ni. A huaisen a, a inring tawk em em bawk a, tin, a chi-ai mai mailo te hi a team ten an thlamuanpui thin a ni. Tin, a hunah a thinchhe thiam a, mahse tullo chin a thleng ngai lemlo. Lyon a luh tirh a “New Viera” tia an sawina chu ” Tu pawhin player khaikhin hi chu nuam an ti a, a bikin player naupang te leh lo lar tawhte phei chu. Hei hi a lawmawm viau laiin Patrick Viera chu pakhat chiah an awm a ni.” tiin a chhang a ni.

TUN DINHMUN: Fofana hi France rama club lian berah a lut chauh a ni a, contract 2015 thleng daih a nei bawk a ni. Tunah hian rotation in an la hmang hrih a, mahse reiloteah chuan midfield starter anih thuai beisei tu an pung chak hle a ni. An beisei ang a phak chuan Laurent Blanc a team ah hian kan hmu har miahlo anga tin, awttu club hrawl tak tak in an rawn hel leh ngei a rinawm. I lo thlir reng ang u.