SCOUTING REPORT: Lucas Ocampos – Europe Club liante mit latu “The Argentine Cristiano Ronaldo”

Estimated read time 5 min read

Name: Lucas Ariel Ocampos
D.O.B: 11 July 1994 (Age: 17)
Height: 1.87 m (6.1′)
Weight: 82 kgs
Natural Position: Left-Winger
Secondary Position: Right-Winger, Striker.
Preferred Foot: Right
Nationality: Argentina
Strengths: Speed, Dribbling, Physical Strength.
Weakness: Defending, Left Foot.
Current Club: River Plate BA
Current Value: £470,000
Estimated Transfer Value: £14.5 million – £20 million

He nau, kum 17 mi lek, palian tak mai si hi “Luquitas” (Little Lucas tihna) tia an koh thin hi tumahin an ring ngai lovang le. He River Plate rawlthar hi a Idol Cristiano Ronaldo nen an pianhmang, khelhdan leh position te a inan em avangin an khaikhin der tawh a ni.

2009 kum khan Ocampos hian Hernan Crespo, Pablo Aimar, Ariel Ortega and Javier Saviola te lo chawrchhuahna River youth team nena an inkhelhin goal hnih a thun a, khami an inkhelh khan River youth coach pakhat chuan tha a ti lutuk kha River Plate thuneitute hnenah “He nau hi lalut ngei rawh u” tiin a hrilh ta a ni. Tichuan South American U15 Championship a khelh zawhah lalut nghalin he tournament ah pawh hian Goal hnih thunin Argentina tan mit a la hle a ni.

Tichuan River Youth team ah a inzir chho zel a, tun nipui laia U17 World Cup ah a chetthat em avangin River Plate Senior team tan pre-season inbuatsaihna a tel tura koh a ni. Chutah chuan a thiamzia leh talent thatzia chu River Plate veteran tuna first team coach ni ta Matias Almeyda chuan a lo hmu ran mai a, inelna sang zawkah a talent chu chherhriam a ngaiin a hre ta a. Ni 16, August 2011 ah Primera Division B game hmasa berah River Plate tana a debut chu rawn khel ta a ni. A vawi hnih khelhnaah goal a thun nghal bawk a, Javier Saviola tihloha River tana goal thun naupangber a rawn ni bawk a ni. Tunah hian River tan league game 14 khel tawhin goal vawi 3 a thun tawh a, assist a nei nual tawh bawk a ni.

Ocampos hi River Plate hero Fernando Cavenaghi Leh Alvaro Dominguez te bulah khel mahse, tin, a Argentine pui Lionel Messi te awm bawk mahse tihian a sawi tlat a ni, “Ka theih phawt chuan Cristiano Ronaldo inkhel hi ka en ziah, a chhan chu a sir atanga ball a tlanpui a, a laia “cut-in” a goal a shoot thin hi a hmuhnawm ka ti a, tin, one-on-one ah a rang em em bawk a ni. A tihdan hi ka zir ve thin. Mi zawng zawngin Messi an ti a, mahse kei chuan Ronaldo zawk hi ka duh zawk chu a ni.”

STRENGTHS: River youth team a luh tirh chuan second striker-in khel mah se a mi ngaihsan angin Left-Wing ah a khel chho ta a ni. A speed, dribbling leh physical strength te hi duhthusam a tha an ni a, winger anga a khelh a tihlauhawmtu em em pawh an ni a ni. Tin, a technique leh tharum tha lutuk te hi a chhawr tangkai thiam em em a, Argentina Second-tier ah dang thei an awm lo a ni ber mai. Hemi bakah hian Ocampos hian a physical attributes hi ball khuap nan leh ball kangah te a hmang thiam em em bawk a, tin, Ronaldo ang thoin a heading thatzia hi River tana a goal thun hmasa pahnih ah te a hmuhtheih a ni. He kum 17 mi hi a versatility a tha em em bawk a, amah hi “natural attacker” niin a movement a that em avangin Stiker, right wing, main striker hnung “Hole” ah te pawh duhtawkin a khel thei bawk a ni.

WEAKNESS: Ocampos hi Winger tha leh complete ni tur chuan a defending lam hi la inzir a ngai nasa hle a, tin, tactical awareness a neih that lehzual a la ngai bawk a ni. A ke veilam a a goal shoot hi chu hlauhawm viau tho mahse ke veilama ball-cross a zir hi a la ngai bawk a ni. Tin, a season hmasa ber a nih angin first team tana khelh chuan inkhel rang leh aggresive zawka inkhel tura a insiamrem a la ngai niin a insawi bawk.

MENTALITY: A kum phu lo in a mature a, hei vang a 1st team a hmun chang thei a ni ve bawk pakhat a, tin, hetia a khelhthat chhoha a lar takah pawh hian in adjust thiam a, a chhungte leh a khelhpui player senior te a ngai pawimawh thiam khawp mai. Tin, coach Almeyda leh senior player Cavenaghi te enkawlna hnuaiah hian a talbuai vak a rinawm lem loh bawk a ni.

TUNA A DINHMUN: River ah hian Ocampos hian 2015 thleng contract a nei a, chuan tunlaia South America leh hmun danga mi thenkhatin an tih thin angin a contract 50% hi third party in (business group 1 in 35%, chuan Lucas a naupanlai a khelhna club Quilmes in 15%) an nei a, hei hi River hian £195,000 a lei theihna option an nei bawk a ni. Ocampos a duhtu hi nitin mai hian an pung zel mai a, English, Italian leh Spanish club liante bakah German lam atang pawhin ngaihventu an tam tawh hle. Report thenkhatah chuan Inter in 18 million Euro a an bid chu River hian an reject tawh nghe nghe a ni. heti chung hian nitin a duhtu an pung zel a, River hian tun summer khan Erik Lamela leh Roberto Pereyra te manto taka an hralh avangin tlawm taka lakchhuah an phal dawn lo tih a chiang mai a, a duhtu chuan sum an insen ngam a ngai dawn, mahse an insen sual a rinawm loh khawp mai.

You May Also Like

More From Author

10Comments

Add yours
  1. 4
    Mykee Rokhum

    haha…5’8 ka lo ti pek alo…kei phei chu 5’8 pawh ka tling loooooo…hahaha…Giovinco ang deuhin “atomic ant” min ti ka inkhelh ve lai chuan…hahaha…ka awih lo mai mai…lolxxx

  2. 5
    Mykee Rokhum

    kum 17 chu sawiloh…calcium chi hrang2 nen kum 20 chuang daih kan dam toh pawhin 5’8 pawh kan ni trawk vel ania, mak thin mange!!hehe… Hepa hi Man UTD te…mi dang2…Europe a league tha pangngai chinte a club tha ho chuan an duh kim vek…tikhawp chuan ngaihventu a ngah…mahse hlohtlin tak tak a duh chuan “winger te ropuina ram” Man Utd ah a lut daih mai ang…hehe

  3. 7
    Lalthanzama Vanchhawng

    @bena : haha .” Hei aia ngaihnawm leh chiang zawk hian tuman an ziah thiam bik ka ring lo. ” tihlai hi ful support ..super like. haha Mi fate hi chu nie an lian chak bik ngawt mai, haha

+ Leave a Comment

SCOUTING REPORT: Lucas Ocampos – Europe Club liante mit latu “The Argentine Cristiano Ronaldo”

Name: Lucas Ariel Ocampos

D.O.B: 11 July 1994 (Age: 17)

Height: 1.87 m (6.1′)

Weight: 82 kgs

Natural Position: Left-Winger

Secondary Position: Right-Winger, Striker.

Preferred Foot: Right

Nationality: Argentina

Strengths: Speed, Dribbling, Physical Strength.

Weakness: Defending, Left Foot.

Current Club: River Plate BA

Current Value: £470,000

Estimated Transfer Value: £14.5 million – £20 million Continue reading “SCOUTING REPORT: Lucas Ocampos – Europe Club liante mit latu “The Argentine Cristiano Ronaldo””

You May Also Like

More From Author

+ There are no comments

Add yours