Italian Serie A hi knockout tournament ni se la, Inrinni zana AC Milan leh Juventus te inkhel hi final tluk zeta pawimawh a ni ngei ang. Serie A match sawisel hlawh takah hmahruaitu AC Milan chu San Siro stadium-ah an mikhual Juventus nen 1-1 in an inhnehtawk a, Milan layer Nocerino chuan goal thun hmasa in, hei hi Juventus tân Alessandro Matri chuan huntawp dawnah a sut a ni.
Inkhelh zawha sawi zui hlawh ber erawh referee tihsual a ni awm e.
Inkhel thlir ang
Hrem tawk Ibrahimovic tel lova khel AC Milan hian bul an ṭan ṭha hle a, Juventus player ten ball an pass sual leh khut ṭhin. Minute 14 lekah Juventus defender Bonucci ball pass sual lo changtu Nocerino chuan a pet goal a, hemi hnu pawh hian Milan in inkhel an thunun chhunzawm.
Minute 25 a ni a, AC Milan in goal an thun leh a, mahse referee in a pawm tlat lo. Sulley Muntari header chuan goal line a pel chiang hle tih TV aṭangin a lang a, Muntari leh stadium chhunga Milan fans te pawh lawmin an lâm tawh a, mahse a pawimawh ber referee in goal-ah a pawm ve si lo. Milan hian first half chu an thunun tluan a ni ber a. Khel ṭha tak Robinho chuan chance ṭha tak tak nei nual mahse goal dang luhbelh lovin first half a tâwp.
Second half tirlamah pawh Milan an chungnung zawk a, mahse chance ṭha an insiam thei lo. An inkhel rei tawlh tawlh a, inkhel boruak a sang tawlh tawlh a, Milan defender Mexes-a’n Juventus striker Marco Borriello a hnek/nawr, referee in a hmu lo chu a vannei ngei mai.
Inkhel tawplamah Juventus an rawn ṭang viau a, Fabio Quagliarella leh Matri ten goal chance ṭha tak tak an nei.
Offside mak chu
Minute 79 ah Juventus player Matri chuan a pet goal a, mahse offside avangin he goal hi pawm a ni lo. Replay-a a lan danin Matri hi a offside lova, linesman in offside a phar zawk tak chu Vucinic niin a lang. Mahse Vucinic hi he goal thunna tur hian a inrawlh bawk si lova, he thutlukna hi thutlukna mak tak chu a ni reng reng mai. Premier League-ah chauh referee te hian an lo tisual lo e.
Goal hi pawmsak loh mahse Matri bawk hian minute 83 ah a pet goal ta tho a. he goal hi Simone Pepe siamsak niin, mawi takin a volley goal a ni. Goal dang a luhbelh lova, Milan hian point 51 hmuin Serie A hmahruaitu an nih chhunzawm a, point 50 hmua pahnihna ni mek Juventus aiin game 1 in an khel tam zawk thung a ni.
Juventus player Arturo Vidal chuan huntawp dawnah red card a hmu bawk.
Engnge an sawi?
Milan coach Massimiliano Allegri a lungawi thei lova, inkhelh zawhah Muntari goal pawm loh chungchang sawiin, “Kha thil khan inkhel result a tichhe zo vek a ni. Goal line kha an rîn sual emaw, a lian lutuk a, ball khan a pel zo lo emaw a ni maithei. Replay en kher pawh a ngai lova, stadium khawi hmun aṭang pawhin a goal tih kha a chiang reng a ni.” a ti.
Juventus coach Antonio Conte chuan boruak rit lutuk a inkhelh chu football tân ṭha lo a tih thu a sawi a. “Inkhel hma aṭangin mi zawng zawngin he inkhel tur hi an sawi a, boruak an ti rit vek a ni. Khatiang boruak hnuaia inkhelh kha infiamna atan pawh a ṭha lo a ni. Football nena inkaihhnawihna nei lo thil a thleng hnem hle a ni.” tiin a sawi bawk.
price of cialis
cialis generic
Sample cialis
Us cialis sales
Mihring famkimlo nihna a lang e.. A then tan thinrim em em na tur, a then tan lawmna…
Refree te hi tisual thei ve tho an ni tih hi chu kan pawm tlang vekin ka ring, tan lam neih pawh a awl ve khawp ang..mahse an tan lam tilang lutuka an ham tum hian thlirtu te tan a thanatthlak thin, a ti hmuhnawm lo fo bawk. A bengvarthlak thin hle mai!
Ban hmak tlak a ni, a nih loh le sum chawi tir ve chi a ni, an hllawh tra si, Player chiah in an thil tih sual ah sum an chawi a, refree ho hian an chawi ngai lo reng reng. Web-a te ang an lo kawl ve a nih dawn hi.
Hetianga referee in thuthlukna diklo lutuk a siam hi chuan referee te hi inkhelh lai hian thlak ve thin se, a tuartu tan a ngeiawm thin a ni.