Shakira interview: “Football hian min zui tlat a, ka kiansan thei tawh lo”

Colombian singer duhawm, ‘Wherever’, ‘Underneath your Clothes’ leh hladang tam taka min awih paha zei taka ‘inthing’ ṭhin Shakira hi hre lo chu mi tlemte kan ni awm e. Football ngaina mi tan chuan FIFA World Cup 2010 hla hit lutuk ‘Waka Waka’ a sak te, FIFA World Cup 2006 final-a ‘Hips Don’t Lie’ a sak te kha kan la hre vekin a rinawm.

Tunah hian football kaihhnawih project tamtakah telin, Pies Descalzos foundation a din tawh nghe nghe a. Barcelona leh Spain defender Gerard Pique ‘chhas’ a lo ni lehzel nen, FIFA.com aiawh nen an inkawmna hi i’n chhiar ang hmiang.


FIFA.com: Engtinnge football nen inkungkaihna i neih ṭan dan?

Shakira: Kum 2006 khan Germany-a FIFA World Cup ah zai tura sawm ka ni a, vanneihthlak takin kum 2010 ah sawm nawn leh ka ni. A bik takin South Africa-ah khan nasa takin hmasawnna ka hmu a, mimal nun leh eizawnna kawngah thil ngaihhlutawm tak tak ka tawng nual.

Heng World Cup pahnih aṭang hian football in mi tamtak nuna hmun a chan pawimawhzia ka hrechhuak a, naupang tamtak ‘dream’ a luah tlat a, mi tamtakin he ‘game’ khelh nan hian hun tamtak pein, khawvel puma mipui tluklehdingawn chuang tâna phurna leh hlimna a thlen dan hi ka hrethiam ve tawlh tawlh a ni.

FIFA.com: Heng World Cup pahnih chhunga nangmah hneh bertu engnge ni le?

Shakira: World Cup chhunga hnam hrang hrangin an hnamze hrang hrang an inthleng tawn ṭhin te, khawvel hmun hrang hrang ami te an kalkhawm a, football hmanga inpawhna thuk tak an nei ṭhinte hi a ropui ka ti a. Tin, FIFA ngei pawhin campaign hrang hrang hmanga khawtlang siamṭhat hna a thawk ṭhinte hi a ṭha ka ti em em bawk. Heng project kaltlang hian kei ngei pawhin ka ngaihpawimawh em em, ‘education’ chawisânin a awm ṭhin a ni. Tunah hi chuan ka awmna apiangah football hian min zui tlat a, ka kiansan thei tawh lo ni berin ka hria.

FIFA.com: Columbia ah chuan football a lâr em em a, i chhungte (family) hi football fans an ni em

Shakira: Ka unaupate hi chu football fans an ni a, mahse ka pa hi chuan a ngaihven tehchiam lo. Mahse tunah chuan a fanu leh football player an ‘nih’ tawh avangin football a tuipui ve tawh khawp mai, offside rule pawh a thiam ve tawh. Mahse mi tamtak, a tira football tuipui lo, mahse football thlipuiin a man tak hi tamtak an awmin ka hria.

FIFA.com: Entirnan, nangmah ang te…

Shakira: A dik chiah. Football hi hriatchian tawh chuan ‘physical game’, ball uma tlan ringawt a ni lova, ruahmanna fel tak nena khelh a ngai a, thluak hman nasat a ngai bawk. He game-a rilru pawimawhna hi a thuk hle a ni.

FIFA.com: Match pumpui hi i entluan thei reng reng em?

Shakira: Tehreng mai 🙂

FIFA.com: Pique khelh loh ṭum pawhin maw?

Shakira: Um, aw…. Game ṭhenkhat hi chu inzirbelh ka duh vang hrim hrim leh, mi dilchhut tak ka nih vangin ka en ṭhin a. Tin, a (Pique) khelh hi chuan ka en ziah bawk a ni.

FIFA.com: Footballer nena inngaihzawn hi, training, games leh zin veivah nen, a hahthlak phian lo maw?

Shakira: Zaithiam (performer) nena inngaihzawn pawh a hahthlak ve tho maithei asin. (laughs). Footballer nih hi hna hautak tak a ni tih ka hria a, inpekna, inthununna leh thawhhona a pawimawh em em a ni. Kei chu ka duh dan danin ka awm thiang a, mahse footballer chu sipai ang deuh a ni a, field chhung leh pawnah mawhphurhna sâng tak a nei a ni. Hei hi ka hriatthiam reng a pawimawh a, a ṭul hun apianga Gerard (Pique) ṭawiawm a, support hi ka tihtur a ni zawk.

FIFA.com: FIFA World Cup pahnihah i zâi (perform) tawh a, a dawt leh chu Brazil-ah a ni ang. South America khawmualpuiah hian zai leh thei dawn la, a phurawm i ti em?

Shakira: Tehreng mai!!! Brazil hi ka ram ngainat tak a ni. Min ngainatu engemawzat, kum tamtak chhung ka biak tawh te an awm a, chumai bakah zaithiam ve tho Ivete Sangalo te ho an awm bawk. Mi hmingthang Pele a la awm cheu. Eng ang chiahin nge ka kal dawn ka hre lo a, mahse World Cup ah chuan kal ve hrim hrim ka tum. Tuman World Cup hi an hmaih duh lo a, kei phei chuan ka hmaih phal lo a ni.

FIFA.com: A tawp berah chuan, football kaihhnawih, social project i neih te min hrilh thei angem?

Shakira: Infiamna chawisân hi naupangte hnena -zirtirna pek dan ṭangkai tak a ni tih hi ka ngaihdan nghet tak a ni a. FC Barcelona leh Pies Descalzos foundation te ṭangkawp chuan sikul hrang hrangah infiamna tam zawk a awm theih dan kan ngaihtuah mek a ni. Heng sikul zinga ṭhenkhat hi chu naupang rethei tak takte luhna a ni nghe nghe.

Tin, FIFA nen One Goal: Education for All campaign kan kalpui mek a. Waka Waka hralhna aṭangin hmun hrang hrangah centre 20 kan sa thei bawk a ni. Hetiang project hrang hrang enkawl hi a nuam ka ti a. Infiamna hi naupangte taksa leh rilru hrisel taka siam a, midangte nen an nunho na-ah pawh a ṭanpui thei a ni.

(Fifa.com lamah, football news ka zawnkual laiin Shakira interview hi ka hmufuh tehnawlh a. FIFA World Cup nen inkungkaihna nghet tak nei a lo ni bawk nen, a interview hi a ngaihnawm riau mai a, thiam loh ang angin helamah kan rawn chhawpchhuak a ni. -Admin)

Interview pumpui chhiar duh tan source: fifa.com

 

13 thoughts on “Shakira interview: “Football hian min zui tlat a, ka kiansan thei tawh lo”

  1. Pingback: cialis price costco

  2. Pingback: cialis price costco

  3. Pingback: Get viagra

  4. Lalthanzama Vanchhawng

    Keipawh lalte langel ngaihdan hi ka tawmpui e..Footballer ho hi chu flimstar leh rockstar ai chuan ka ngaisang fe. TIn, hetiang post hi a ngaihawm bawk. Inkhel result ngawr ngawr nilo deuh hi.

  5. Bmafanai

    Lalte langel ngaihdan hi ka tawmpui e. Shakira hi zaithiam ka tih zawng a ni ve lova mahse a hmel hian min hip. Nupui atan pawh ka iai lo.

  6. Ramenga

    Pique bialnu a nih vangin Santiago bernabeu ah shakira hla an play duh lo/phal lo tih te kha k hre thin a, tak tak nge fiamthu ni dawn ni.
    Shakira aw hi chu a dangdai ve hrim2, 2014 world cup ah pawh a zai leh ngei beisei ang 🙂

  7. lalte langel

    Heng world class footballer ho hi chu, Metal band tih ang reng ho ai kha chuan ngaihzawn an chak awm zawk ang, Ruihtheih thil ah an fihlim em…. bakah an fit dawn chiang bawk si a(h)…. hhahahaha

Leave a Reply

Shakira interview: “Football hian min zui tlat a, ka kiansan thei tawh lo”

Colombian singer duhawm, ‘Wherever’, ‘Underneath your Clothes’ leh hladang tam taka min awih paha zei taka ‘inthing’ ?hin Shakira hi hre lo chu mi tlemte kan ni awm e. Football ngaina mi tan chuan FIFA World Cup 2010 hla hit lutuk ‘Waka Waka’ a sak te, FIFA World Cup 2006 final-a ‘Hips Don’t Lie’ a sak te kha kan la hre vekin a rinawm.

Tunah hian football kaihhnawih project tamtakah telin, Pies Descalzos foundation a din tawh nghe nghe a. Barcelona leh Spain defender Gerard Pique ‘chhas’ a lo ni lehzel nen, FIFA.com aiawh nen an inkawmna hi i’n chhiar ang hmiang.

FIFA.com: Engtinnge football nen inkungkaihna i neih ?an dan?

Shakira: Kum 2006 khan Germany-a FIFA World Cup ah zai tura sawm ka ni a, vanneihthlak takin kum 2010 ah sawm nawn leh ka ni. A bik takin South Africa-ah khan nasa takin hmasawnna ka hmu a, mimal nun leh eizawnna kawngah thil ngaihhlutawm tak tak ka tawng nual.

Heng World Cup pahnih a?ang hian football in mi tamtak nuna hmun a chan pawimawhzia ka hrechhuak a, naupang tamtak ‘dream’ a luah tlat a, mi tamtakin he ‘game’ khelh nan hian hun tamtak pein, khawvel puma mipui tluklehdingawn chuang tâna phurna leh hlimna a thlen dan hi ka hrethiam ve tawlh tawlh a ni.

FIFA.com: Heng World Cup pahnih chhunga nangmah hneh bertu engnge ni le?

Shakira: World Cup chhunga hnam hrang hrangin an hnamze hrang hrang an inthleng tawn ?hin te, khawvel hmun hrang hrang ami te an kalkhawm a, football hmanga inpawhna thuk tak an nei ?hinte hi a ropui ka ti a. Tin, FIFA ngei pawhin campaign hrang hrang hmanga khawtlang siam?hat hna a thawk ?hinte hi a ?ha ka ti em em bawk. Heng project kaltlang hian kei ngei pawhin ka ngaihpawimawh em em, ‘education’ chawisânin a awm ?hin a ni. Tunah hi chuan ka awmna apiangah football hian min zui tlat a, ka kiansan thei tawh lo ni berin ka hria.

FIFA.com: Columbia ah chuan football a lâr em em a, i chhungte (family) hi football fans an ni em

Shakira: Ka unaupate hi chu football fans an ni a, mahse ka pa hi chuan a ngaihven tehchiam lo. Mahse tunah chuan a fanu leh football player an ‘nih’ tawh avangin football a tuipui ve tawh khawp mai, offside rule pawh a thiam ve tawh. Mahse mi tamtak, a tira football tuipui lo, mahse football thlipuiin a man tak hi tamtak an awmin ka hria.

FIFA.com: Entirnan, nangmah ang te…

Shakira: A dik chiah. Football hi hriatchian tawh chuan ‘physical game’, ball uma tlan ringawt a ni lova, ruahmanna fel tak nena khelh a ngai a, thluak hman nasat a ngai bawk. He game-a rilru pawimawhna hi a thuk hle a ni.

FIFA.com: Match pumpui hi i entluan thei reng reng em?

Shakira: Tehreng mai 🙂

FIFA.com: Pique khelh loh ?um pawhin maw?

Shakira: Um, aw…. Game ?henkhat hi chu inzirbelh ka duh vang hrim hrim leh, mi dilchhut tak ka nih vangin ka en ?hin a. Tin, a (Pique) khelh hi chuan ka en ziah bawk a ni.

FIFA.com: Footballer nena inngaihzawn hi, training, games leh zin veivah nen, a hahthlak phian lo maw?

Shakira: Zaithiam (performer) nena inngaihzawn pawh a hahthlak ve tho maithei asin. (laughs). Footballer nih hi hna hautak tak a ni tih ka hria a, inpekna, inthununna leh thawhhona a pawimawh em em a ni. Kei chu ka duh dan danin ka awm thiang a, mahse footballer chu sipai ang deuh a ni a, field chhung leh pawnah mawhphurhna sâng tak a nei a ni. Hei hi ka hriatthiam reng a pawimawh a, a ?ul hun apianga Gerard (Pique) ?awiawm a, support hi ka tihtur a ni zawk.

FIFA.com: FIFA World Cup pahnihah i zâi (perform) tawh a, a dawt leh chu Brazil-ah a ni ang. South America khawmualpuiah hian zai leh thei dawn la, a phurawm i ti em?

Shakira: Tehreng mai!!! Brazil hi ka ram ngainat tak a ni. Min ngainatu engemawzat, kum tamtak chhung ka biak tawh te an awm a, chumai bakah zaithiam ve tho Ivete Sangalo te ho an awm bawk. Mi hmingthang Pele a la awm cheu. Eng ang chiahin nge ka kal dawn ka hre lo a, mahse World Cup ah chuan kal ve hrim hrim ka tum. Tuman World Cup hi an hmaih duh lo a, kei phei chuan ka hmaih phal lo a ni.

FIFA.com: A tawp berah chuan, football kaihhnawih, social project i neih te min hrilh thei angem?

Shakira: Infiamna chawisân hi naupangte hnena -zirtirna pek dan ?angkai tak a ni tih hi ka ngaihdan nghet tak a ni a. FC Barcelona leh Pies Descalzos foundation te ?angkawp chuan sikul hrang hrangah infiamna tam zawk a awm theih dan kan ngaihtuah mek a ni. Heng sikul zinga ?henkhat hi chu naupang rethei tak takte luhna a ni nghe nghe.

Tin, FIFA nen One Goal: Education for All campaign kan kalpui mek a. Waka Waka hralhna a?angin hmun hrang hrangah centre 20 kan sa thei bawk a ni. Hetiang project hrang hrang enkawl hi a nuam ka ti a. Infiamna hi naupangte taksa leh rilru hrisel taka siam a, midangte nen an nunho na-ah pawh a ?anpui thei a ni.

(Fifa.com lamah, football news ka zawnkual laiin Shakira interview hi ka hmufuh tehnawlh a. FIFA World Cup nen inkungkaihna nghet tak nei a lo ni bawk nen, a interview hi a ngaihnawm riau mai a, thiam loh ang angin helamah kan rawn chhawpchhuak a ni. -Admin)

Interview pumpui chhiar duh tan source: fifa.com

 

Leave a Reply