SINGH PAHNIH TAN CLUB THAR

Posted on by C Tlanthianghlima
Estimated read time 2 min read

Indian footballer langsar pahnih Gouramangi Singh leh Robin Singh te chuan club thar an nei ta.

I-League club DSK Shivajians chuan Indian football a defender tha ber pawl ni thin Gouramangi Singh hi an lalut.

Kum 30 a upa Manipuri centre-back hian tunhma in Dempo, Mahindra United, Sporting Goa, Churchill Brothers, United SC, Rangdajied United, Bharat FC bakah ISL club Chennaiyin FC Leh FC Pune City tan a lo khel tawh thin a, India tan vawi 69 a inlan tawh bawk.

TFA chhuak Singh hi I-League best defender atan pawh thlan a lo ni tawh a, Indian football a cheng nuai 100 hlawh pha tlemte zingah a lo tel tawh bawk.

Robin Singh hian Kingfisher East Bengal a pan ve thung a, kum 29 a upa India international striker hi a inhliam avangin tunhnaiah a hmel kan hmu tam lo hle a, kum 2010-2013 chhunga hlawhtling taka a lo khelh tawhna East Bengal a pan leh ta a ni.

Chandigarh Football Academy leh Tata Football Academy chhuak Robin Singh hi Kristian a ni a, East Bengal tan a a khelh hmasak tum hian nomawi 8 zet a chawipui hman a, kum 2013 khan Bengaluru FC a pan a, ISL ah Delhi Dynamos leh FC Goa tan a inlan tawh bawk.

Avatar for C Tlanthianghlima
C Tlanthianghlima

Football tui ve tak

You May Also Like

More From Author

42Comments

Add yours

+ Leave a Comment