Manchester United manager Sir Alex Ferguson chuan kartâwp Premier League a an hmachhawn tur Tottenham Hotspurs bupui, White Hart Lane chu himdam-a an chhuahsan thei a nih chuan Premier League title an humhim theih ngei a rin thu a sawi.
Kum 2012 ah Manchester United hian Premier League-ah ‘big match’ an khel ngun ta malh malh viau a, Arsenal leh Liverpool hnehin, Stamford Bridge-ah Chelsea an draw bawk a, Pathianni zanah pathumna Tottenham khel turin London-ah an zin leh dawn bawk a ni. Tunah hian pakhatna Manchester City nen an inthlauhna hi point 2 a ni a. Manchester City hian 19 na Bolton an tum dawn avangin chak chiang sa an ni deuh ber a, Man United in Tottenham an lo hneh loh chuan point 5 in an inthlau daih dawn a ni. Tunah February thla a tawp tawh a, May thla hmaa point 5 a inthlau lehpelh hi a hautak tawh viau ang.
Sir Alex-a chuan kartawp inkhel tur thlirin, “Spurs nen kan intum tur hi game pawimawh tak a ni. He inkhel hi kan ‘survive’ thei a nih ngat chuan champion turin kan dinhmun a ṭha sawt ang.” a ti.
April ni 30 a Etihad stadium-a Manchester City nen an intum hunah tun ang hian point 2 in la inthlau dawn se a duh angem tia zawhna chu “Duh ang” tiin a chhang a. “Etihad Stadium-a kan inkhelh hmain umpha hman ila chu duhthusam a ni a, mahse champion thei dinhmuna ding chunga kan kal thei (Etihad Stadium-ah) a nih pawhin ka duh tho ang” a ti.
Premier League-ah hi chuan Manchester khaw club pahnih zinga tu emaw zawk zawk hi an champion dawn ta nge nge niin a lang a. Tottenham Hotspurs hi beiseiawm deuh, beisei chiah ngam si loh an ni bawk awm e. April ni 30 a ‘Clash of Manchester’ lo thlen hmaa club pahnihte fixture a hnuaiah hian a awm a. Han en mai chuan Man United aiin Man City hmabak a ko deuh niin a lang. Mahse Premier League inum-ah hi chuan, club lian leh club lian inkhel result aiin club tê laka chak loh khut hian kawngro a su thui duh zawk mah bawk si.
Tu tak Barclays Premier League 2012 champion ni ang maw? Nghah phawt a la ngai e.
Manchester City fixture:
March 3, 2012:ManCity vs Bolton
March 11, 2012:Swansea vs ManCity
March 19, 2012:ManCity vs Chelsea
March 24, 2012: Stoke City vs ManCity
March 31, 2012:ManCity vs Sunderland
April 8, 2012: Arsenal vs ManCity
April 11, 2012:ManCity vs West Brom
April 14, 2012:NorwichCity vs ManCity
April 22, 2012: Wolves vs ManCity
Manchester United fixture
March 4, 2012: Tottenham vs Man Utd
March 11, 2012: Man Utd vsWest Brom
March 18, 2012: Wolves vs Man Utd
March 26, 2012: Man Utd vs Fulham
April 2, 2012:Blackburnvs Man Utd
April 8, 2012: Man Utd vs QPR
April 11, 2012:Wiganvs Man Utd
April 15, 2012: Man Utd vs Aston Villa
April 22, 2012: Man Utd vs Everton
source: dailypost.co.uk
discount generic isotretinoin website mastercard store Winston-Salem Buy Prednisone 20 Mg Tablets cialis price Kaufen Cialis 20mg
Spurs hi cu kn hneh leh tôk turah cuan gai ghet lh hmyah my ila…
season tir ah pawh kan lo hneh tawh a ,kan hneh leh tur ani ringawt 🙂 GGMU
Spurs mai mai te chu belchhung sa. Kan hneh ang. Tin, kan champion bawk ang.
@Ramenga.. Chaw ei pahin ka lut a. Chhiar hman lo lawm.. Chhiar hmain comment mawl ve tawp nih kha… Sorry…….. Clash of the Titans oh! Clash of Manchester ah chuan kan chungnung larh tawh ang..
City chu kan champ don chiang a lawm 🙂
@ben vangchhia: hei hi chu manchester derby hmaa an fixture chauh ania. April 30 ah man city leh man utd an intum ang.
City kan lo vawi hnih tawh a ni maw! Kan Champ theih hmel e..
Zep lo ah cuan kan thla a phang lem lo 2 points ciah alwm..
United, ho chu, jeplo a chuan, anthla phag deuh cu a va ag ve le w..
City ho chuan vawi hnih chak loh an la nei dawn a nih khi.
United chu kan champion thei ngei dawn e…GGMU
Kan champion tho ang kumin po hi….
champion tur hi chu beihrawn an tawk chat zel nia.
Himdam tak chuan an chhuahsan ka ring lo
Va zin phawt se, him dama an chuah lo nan duhsakna hlan phawt mai te ang. An pawr dawn tlat
Himdama an chhuahsan loh ka beisei, chutih rualin… Arsenal ngaihtuah chuan …engpawh ni teh se….