Barclays Premier League tâwplam kan thleng tawh a, champion tuma inum boruak a ngaihnawm tawlh tawlh mai. Tun dinhmuna champion thei dinhmuna ding pahnih, Manchester United leh Manchester City te indo nan khelmual chhung chauh a tâwk tawh lova, khelmual pawnlamah thu awmze nei tak tak hmangin an indo ṭan ta e.
Tun season-a Manchester United midfield indaih lohzia kan hria a, Tom Cleverley, Darren Fletcher leh Anderson te hunrei tak tak an inhliam avangin United ‘laihawl’ a thâwl a, season hmasa lama chawlh puang tawh Paul Scholes chu mamawhna avangin a lo lêt leh a nih kha. Hei hi Arsenal leh Manchester City player hlui, tuna Manchester City-a thawk mek Patrick Viera chuan ‘mangan’ vang liau liau niin a sawi.
Viera chuan City manager leh players te fuihin, Manchester United hlauh nachhan tur an neih lohzia a sawi a. United chu indaih loh leh mangan vanga coaching staff (Scholes) zing ami pawh khelhtir ta mai mai niin a sawi. Scholes a lo lêt chhan pakhat chu Ravel Morrison leh Paul Pogba te an hloh vanga United mangan lutuk vang niin a sawi bawk.A la duhtawk lova, United chu Paul Scholes thlaktu tur an chherchhuah loh avangin nakin zelah an buai dawn a ti bawk.
Viera hi Arsenal ‘Invincibles’ vanglai, Manchester United leh Arsenal inhal tak tak laia Arsenal captain kha a ni a, tunah hian Manchester City football development executive a ni mek. Man United khei zawnga ṭawngkam neih hi nuam a va ti dawn em.
The comeback
Viera-a’n hetia ṭawngkam a neih hnu hian Sir Alex Ferguson a ṭawngchhuak ve vat a. “Kum 20 kalta chhunga Britain midfielder ṭha ber kohkir hi mangan vang min tihsak a nih chuan kan pawm tawh mai a ni ang chu.” tiin nui chungin a sawi a, Scholes a lo lêt chhan chu United mangan vang ni lovin, a la ṭhat em vang zawk tih ‘indirect’ taka a sawina a ni awm e.
Man United boss chuan Man City manager Roberto Mancini pawh sawilangin, “Mancini khan karhnih vel kalta khan ṭawngkam a nei tawh a, kan zavaiin helam (mind game) hi kan âwn tawh viau a ni. Keini chuan hetiang khel tur hian hmanrua leh ralthuam kan ngah tawk e.” tiin, mind game khel tura an inpeih thu a sawi. Mancini hian Manchester City champion tur thu a lo sawi tawh a ni.
Players naupang zawkte hralh chungchanga Viera thusawi chhângletin, “Ravel Morrison kha hralh kan duh vanga hralh kan ni. Kan hralh chhanah pawh kan chiang hle. Pogba erawh kan kianga awm turin kan duh.” a ti.
Sir Alex hian a la duhtawk lova, Man City in Carlos Tevez an ko lêt leh chu ‘mangan’ vang tiin Viera thusawi a chhanglet. “Mangan leh beidawn lampang kan sawi dawn a nih chuan, anni (Man City) pawhin club tâna khel duh lo an nei a, manager pawhin vawikhat mah a khel tawh lo ang tih a sawi hnuin Argentina-ah thla 5 chhung chawlh a hmang leh phawt a, mahse an khelhtir leh tho a ni. Hei hi engnge ni ve ta ang le?” tiin ṭawngkam mei nei zet a chhakchhuak.
Premier League a hmuhnawm tawlh tawlh dawn e.
source: manutd.com
how to get cialis
cost of cialis
Buy discount cialis online
Buy cialis online canada
GLORY GLORY MAN UNITED….. Scholes khi chu a tha bawk em alawm… Nungchang tha lo TEVEZ….kan duh loh hnu…..piiiittttttttttttt….
Thenwm begccheg tk hi cu o…. Mn co v deuh thn bwk cya… Mn elpha hlwl lo th hi cu a lag xel thn bwk c aaaa…. Sir Alex te cu tuman mind game khlhpui phak ah an gai twh louu…..
Comment 12 hi ka ngaihdan chiah a ni e. Mangan vanga ko let ve ve chu an ni chiang.
Man. U fans in tm hret a ni maw! Mangan vanga ko let ve2 an ni. An dinhmun a inang chiah. Alex. hian Cleverley leh Carrick chiah an inhliam lai khan Scholes a la ko let lo, carick a dm tan a, na zetin Anderson a inhliam v leh, Fletcher a dm chiang hlei thei bawk si lo; kha tih lai tk khn nh kha Scholes kan hmuh tk thut! Tevez pawh hi Mancini khan a ànkhum chiam naa a chhuahtir duh miah loh chhan kha a hremna lam ngawt ni lovin a la mamawh dawn tih a hriat vang a ni lo maw? Dzeko leh Baloteli-te zawngin an la khan lo em mai! Chu2 chelsea an khelh tum khn a lang. Ka bùknaah chuan uai zok a awm lo.
Alex-a sawi hi ka pawm fe.. Scholes chu ala that vang ania, Tevez chu an mangan vang.. Good post macha
Ngaihthlak nuam rap rap hle mei..
Good post!!
Good Post. City ai chuan United champion se ka duh zawk.
hehe, free advice, You don’t mess with Sir Alex.
Viera sawi mai2 a vang han zam tur in Sir Alex leh a naute h zam tura dah chi a ni lo. a chhan chu tiang hi an tawng hnem tawh a, ngaiah an nei tawh.
‘Scholes a lo lêt chhan chu United mangan vang ni lovin, a la ṭhat em vang zawk tih ‘indirect’ taka a sawina a ni awm e’ tih lai khi ka duh khawp mai….. Tevez dinhmun atang hian mind game a chhe zawk chu a lang sa reng a lawm..
Tumah mangang lovin retaire bak an ko let ngai lo, midfielder a dap nasat zia pawh kan hre threuh.
Manicini hi pa fing ani chuan sir Alex a hi chu mind game khelh pui chi ani lo tih a hrethiam ang. engtik season nge kum 3 nge 4 liam ta ami , liverpool hmahruai lai pawh Rafael Banitez a va chhaih zauh a, a ngawi leh daih sia, a chhaih buai vak kha. Man Utd bawkin a tawpah chuan premiere no mawi an chawi kha
Maduha sawi khi adik hehe
dustin swi khi a dk khp my. Man utd cu k tan miah lo. Mhse rlru game ah cn sir alex te cu khelh pui duh tr a ni lo. A thm jwg tk leh ck jwg tak a niag cu
“Alex can do no wrong” …… Nia, an sawi hi a dik ve ve.. Scholes hi an mangan vangin an kokir a Tevez pawh mangan vangin an kokir. Mahse, Scholes chu an duhtawhloh nilovin ui chung chunga an thlah liam a ni a, englai pawhin rawn kir leh turin an sawm pawh a ni mai thei. A awmlo hran love. Tevez erawh,”city tan a khel leh ngai tawh lovang,” an tih zet kha nia, mahse title hlauh mai thei dinhmun a an awm tak avanga an kokir hi chu Scholes a rawn kir chhan ai chuan a ENGEMAWNI deuh chuan ka hria..