Spain coach Vicente del Bosque chuan Euro 2012 a Spain squad tur a puan hmain David Villa dinhmun a nghah phawt tur thu a sawi a, UEFA in squad thehlut a phal huntâwp thleng pawh nghah a inhuam thu a sawi.
Spain tân game 82 a goal 51 thun tawhtu, “King David” hi a inhliam rei tawh viau mai a, December thlaa Barcelona in FIFA Club World Cup semi-final a Al Sadd an hneh ṭuma a inhliam kha a la dam hleithei lo a ni. Hetichung hian Spain coach chuan a ‘star striker’ hi Euro-a hruai ngei a tum ruh hle a, “Ningani khan a manager (Pep Guardiola) nen kan inbe tawh a, a damchhoh dan min hrilh tawh. David (Villa) hi kan goal thuntu ber a ni a, a dam phawt chuan a khel dawn chiang a, chuvangin ‘last minute’ thleng nghah a ngai a nih pawhin kan nghak ang.” a ti.
Spain hian May ni 15 ah provisional list an tichhuak dawn a, EURO leh London Olympics a Spain aiawh thei tur an tlangzarh dawn a ni. Chelsea leh Bayern Munich ten May ni 19 a Champions League final an khelh tur leh, May ni 25 a Barcelona leh Athletic Bilbao ten Copa del Rey final an khelh turte an nghak leh phawt ang a, player inhliam belh an awm leh awm loh te an enfiah vek hnuah, May ni 27 ah final squad puang tura ruahmanna siam a ni.
UEFA chuan Euro 2012 a tel tur ramte chu May ni 29 thleng squad thehlutna hun a pe a. May ni 27 ah David Villa hi a dam hman lo a nih chuan, May ni 29 thleng rak pawh an nghah tur thu Vicente del Bosque chuan a sawi a ni.
David Villa awm loh hi Barcelona in an tuar a tih loh theih loh a. Euro ah a kal thei lo a nih ngat chuan Spain pawhin an tuar ngei ang. Nge striker dang ropuina tur a ni zawk dawn? Euro 2012 nghak phawt ang le.
source: fifa.com
Hliam damkawr khelh tir ai chuan Fernando Torres , Roberto Soldado, Fernando Llorente te vel pawh kei chuan kala duh mah xok.. VGP
Nia nghah chu a phu ve alawm mahse Zama sawi ang khian rei tak pawh nise a form hman dawn kher emi tih hi ngaihtuah tham fe atling ang engpawhnise hetiang a rei nghah an coach berin a huam hi David Villa tan chuan nuam duh viau ang…….
Nghah tang2 a phu e,atello an twrh lh twrhloh tr ph inhnial tham fe ania,atelloh lag lo tr khp a striker tha cu an nei tho aga,mhs atel cuan an thatpui jual geiag,dam hman mwlh thse
David villa tello te cuan ka tan ber spain a kimlo ag..euro leh wc an lakna ah khan apwimwhber hial agem aw..dam thuai thuai..
Villa chu a tha bawk a, nghah tlak pawh a ni reng a ni. Mahse dam hman pawh ni se a form hman kher dawn emawni ,, tin, match fitnness a nei awm siloa, a risk chu a sang khawp ang le.. Good post