Inrinni zan khan Spanish Primera Division-ah El Clasico an khel a, Barcelona chu a chungnung zawkah an \ang.

Santiago Bernabeu-a inkhelah hian Real Madrid tan inkhelh \an a\anga second 23 lekah Karim Benzema chuan goal khungin Real-in hma an hruai nghal a, bul an \an \ha kher mai. He goal hi Barca keeper Victor Valdes-a ball pet chhuah sual vanga goal tih theih a ni.

First half-ah goal dang a awm lova. Darkar khat an inkhel tling lo hret tihin Alexis Sanchez chuan goal mawi tak khungin an si phurh a rawn sut a. Hemi hnu hian Barca-in inkhel an thunun zel a, Roaldo a lang tlem a, Messi kan hmu ngun tial tial. Xavi leh Cesc Fabregas ten goal rawn khung lehin Barcelona an chak a, table-ah pakhatna an ni leh ta.

Real leh Barca te hi an point hmun a inang chiah a, mahse Barca hi head-to-head ah an \hat zawk avangin hmahruaitu an ni.

Inkhel dangah Real Betis chuan Valencia 2-1 a hnehin khawvel an barakhaih a. Valencia tan Jose Antonio Dorado chuan goal hmahruai khungin, pathumna ni mek Valencia an chak ngei tura ngaih a ni nghal a. Mahse hun pek belhah Ruben Castro chuan Betis tan goal hnih a khung pek a, an chak ta daih a ni. Betis hi an game hnuhnung 11 a an vawikhat chakna chauh a ni!

Levante chuan 1-0 in Svilla an hneh a, Los Che (Valencia) nen an point hmuh a inzat ta chiah a, Valencia tan chak loh a thiang tawh bik lo. He inkhelah hian Sevilla an chungnung tluanchhuak a, mahse Nano chuan Levante tan goal a khung tlat a, Sevilla tan Jesus Navas leh Emir Spahic ten an chance neih an hmang \angkai ve si lova, chak lo zawkah an \ang ta zawk a ni.