Nilaini zanrei (Ningani zing) a Spanish Super Cup 2nd leg khelhah Real Madrid chuan an mikhual Barcelona 2-1 in an hneh a, first leg ah 2-3 in chak lo tawh mahse, aggregate ah 4-4 in an inhnehtawk a. Real Madrid hian khualmualah goal an thun hnem zawk avangin kum 2012 Spanish Supercopa champion nomawi chu Santiago Bernabéu ah an kawl dawn ta a ni. He inkhelah hian Gonzalo Higuain leh Cristiano Ronaldo ten Real Madrid tân an thun a, Barcelona goal awmchhun hi Lionel Messi thun a ni thung.
Eng competition pawh ni se, El Clasico hi chuan boruak ken tel hi a nei hrim hrim tawh a, khawvela football club ṭha ber (tih theih) pahnih an intum a, khawvela footballer ṭha ber berte kan hmu. Football in hei aia rivalry ropui min hlui tur a nei chuang lo a, hei baka football quality sâng hmuh tur a awm chuang lo. Inkhel ṭan hma hauh aṭangin Santiago Bernabeu chhunga mipuite thawm a ṭha tawh a, ball an pet meuh chuan a rik in a ri hum hum tawh.
Tute nge khel?
Real Madrid tân 1st leg a khel lo Pepe a khel thei a, Benzema aiah Higuain a start bawk. Barcelona captain Carles Puyol chu inhliam vangin a khel thei lo a, a aiah Mascherano chu central defence ah a awm. Right back ah Dani Alves aiah Adriano a khel bawk. Midang chu start tura beisei an start a, lei thar Luka Modric (Real Madrid) leh Alex Song (Barcelona) te substitute zingah an tel ve ve a ni.
Real Madrid (4-2-3-1): Casillas; Arbeloa, Pepe, Ramos, Marcelo; Khedira, Alonso; Di Maria (Callejon 79′), Ozil (Modric 83′), Ronaldo; Higuain (Benzema 81′)
Barcelona (4-3-3): Valdes; Adriano, Gerard Pique, Mascherano, Alba; Busquets(Alex Song 75′), Xavi, Iniesta; Pedro (Tello 81′), Messi, Alexis Sanchez (Montoya 32′)
First half thununtu Real Madrid
Inkhel an ṭan a, dan pangngaiin Barcelona in inkhel an thunun dawn emaw tih laiin Real Madrid attacking hlir kan hmu nghal. Chak ngei ngei mamawh Real Madrid hian Higuain hmangin minute 7 na ah chance ṭha tak an nei nghal a, Valdes chuan a lo save hlauh. Minute 10 ah tlarhnung aṭanga Pepe long ball pet ‘satliah’ ve mai chu Mascherano chuan a lo hlawi ṭhelh pek a, hei hi Higuain chuan umzuiin, hnai set sawt aṭangin chiang zetin a pet goal.
Minute 18 a ni a, Khedira long pass chu Ronaldo chuan lo changin, nalh zetin Pique a khên khûm a, penalty box chhungah duhtawka a insiamrem hnuin a pet goal zui. Hemi hnu hian Higuain, Ozil leh Marcelo ten chance an nei leh a, minute 28 ah Barcelona defender Adriano chuan Ronaldo tlan tlang tur a tihtlûk avangin red card a hmu zui. Khedira leh Higuain an hlauhawm leh a, minute 35 vel aṭangin Barcelona in an game pangngai an khel thei chauh a ni. Messi leh Iniesta ten chance an neih hnu, minute 45 ah Messi chuan mawi em emin free kick aṭangin a pet goal bawk. Messi freekick hi he inkhel tihlutu pakhat a ni.
Second half ah goal a lut lo
Second half tirlamah inkhel a muang a, Barcelona in ball an chang tam a, a tam zawkin a tlem zawk an um an um mai. Centre line leh Real Madrid penalty box inkarah ball a tam a, Messi te ho in Pepe leh Ramos inkawp an sutlang thei bik lo. Minute 62 ah second half-a goal chance hlauhawm hmasa ber kan hmu chauh a. Tlarhnung aṭanga Mascherano long ball chu Pedro chuan lo changin goal ah a pet a, Casillas chuan a save hlauh.
Midfield ah ball a tam tawh a, han au vakna tur a thleng khat raih mai. Minute 68 ah Khedira chuan a pet goal teuh hle a, Messi pawh vawihnih khat chu a hlauhawm viau bawk. Higuain goal ban pet per te, Montoya leh Messi chance neih te chu inkhel tawplama goal teuh deuh te an ni. Hun a tâwp a, Real Madrid chu kum 2012 Spanish Super Cup champion an ni.
Inkhel bihchianna:
First half-ah Barcelona tlarhnung a pherh tluan a. Mimal tihsual vanga goal lût awm mahse Madrid hmatâwngte an umpha lo a ni ber mai. Real Madrid in Barcelona chakna lai ‘midfield’ kal kân in long ball an pêt nasa a, a remchang apiangah a sir aṭangin ball an lalût bawk a, Dani Alves awm lohna Barca defence dinglam a him lo lehzual. Ṭumdang ang lo takin Barcelona player ten pass sual an nei leh khut ṭhin a, a tlem zawk an nih miau avangin an insiamṭhat hnuah pawh duh angin an khingpuite an kât thei lo a ni.
Second half-ah Barcelona player te an tlan tam sawt a, an ball inpekual vel pawh a dik sawt. Mahse an kim miau loh avangin a sir aṭanga nawr tur an indaih lo a, a bik takin veilam sirah an hlauhawm lo. Wing back pahnih Montoya leh Jordi Alba te tlanchhuak bawk ṭhin mahse pawtkak tak tak tur an awm loh a lang ṭhin. Real Madrid an inremfuh laklawh a, a tawp dawn tak taka Barcelona in an nawr vak tih loh ah chuan Barcelona hmatâwngte an veng hneh thawkhat.
Pepe a khelṭha tluan parh a, Ronaldo a hlauhawm tluan a, Higuain finishing a fuh lo thung. Goal khat thun mahse vawi 4 vel chance ṭha tak tak a hlah. Keeper pahnih an che ṭha a, vawithum vel ve ve ṭha tak takin lehlam pet goal tur an lo dang a ni. First half-a tlan nasa Real Madrid forward te second half-ah an chau tih a lang. First leg-a khel ṭha ber Iniesta ball khawih a hmuhnawm a, second half-a Barcelona game hmasâwn ta viau kha Xavi khelh ṭhat vang a ni bawk. Messi a tlanlet nasa a, ball a chang tam a, Barcelona player hlauhawm ber a ni.
La Liga bul ṭan chhe tak Real Madrid in Super Cup a hnehtu nih hi an mamawh zawk a, an ṭang zawk ni pawhin a lang. Barcelona in a tira goal an chhuah an tuar a, player 10 ni chunga inkhel inhnehtawk tak min entir thei erawh an fakawm. He inkhel hi May 2008 hnua Santiago Bernabeu-a Real Madrid in Barcelona an hneh leh hmasak ber a ni a, 2008 hnua Real Madrid in Spanish Supercopa an champion leh hmasak ber a ni bawk.
HIGHLIGHTS:
Ronaldo goal
Messi goal
buy cialis online
cialis generic name
Buy cialis australia
Cialis no prescription
Kei ka hmuh ve dan chuan a khel chu engpawh nise Barca chak loh chhan chu VALDES ka puh. 1st leg-a Di MAria goal a khilai kha a pawi thui a.. CHu aia pawi chu Ronaldo pet a save lo kha a ni. Ronaldo finishing tha kha ka sawinep a ni lo mahse goal line ah Pique nen an ding a, a sir atang a rawn pet a, a chhuah ho deuh chu ka ti.. nway, Real MAdrid ka lawmpui e..
A van mak em em.
@Zodina: Chu bawk chu aw, awm ho tak tak se chu City leh PSG khi chu an la noi deuh ang ka ti, Madrid leh dortmund te ang lo champion nual te lakah chuan.
mi hlawhtling te hi lawmpui na chang i hre ve ang u…
UCL ah hian Madrid, City, PSG leh Dortmund te hi group khat ah om se ka ti hle mai, an pot en hian a theih ve tlat 😀
valdez hi a chhuah ho thei eeeee, bak ah Barca defence hi a khong lo hrim2, Madrid eroh an tha e….
India in WC an khel tih nen ka awihloh dan a inang vel ani,ka en theilo bwka
Higuain han pet goal loh hoh ve theih zia kha aw hehe. Ronaldo hian kum 2012 a El Clasico (vawi 5) ah chuan a la pet goal vek mawle. Adriano kha chu nia a fuh lo a ni e.
real madrid kha an vannei mai2 lom ,bracelona tlar hnung kha a tirah an tal buai ,a chhan ni bera lang chu tito hian a rem fuh lo a tih theih ang ,adriano position awm ngail lohna a awm tir kha a poi ber mai, dani alves kha training lai in a inhliam a ni awm e ..back up tu tur an awm lo a adriano tlan ngailohna a a awm a ngai ta a ,kha khan game a ti chhia a, defense ten tihsual an nei bok nen ,pique kha chu a che muang deuh a thuhran .. mascherano kha chuan a ti sual chiang a ni..ka hmuh dan chiah a ni 2nd half ah phei chuan real player te kha an chau a ti theih ang a a tirah an tlan nasa em a… 10 a khel chung poh a a a tam xok an la kat kual theih kha chu club tha an nih xia a lang leh ta.. barcelona player te an fakom khop mai..defender leh valdes an 1st leg a tihsual kha an tuar ta ber in ka hria e..
Modric-a trophy chawi kha a in thlahrun hmel. a lawmpui awm e. real kha chuan an hneh deuh zawk chu a nih kha, nizan na na na kha chu
Nizan inkhel ka hmuh dan kan type ve duah teh ang 1st half leh 2nd half a hran in 😀
1st Half: Mourinho game a fuh ka ti khawp mai, Coentrao chu tawngkam mawilo hman avangin an hrem a, a fuh cher cher ka ti lo thei lo, Marcelo hi a rawn lut ta chiah reng a Coentrao ai chuan a attacking a tha feee zawk tih chu kan hriat kha! Marcelo khan Ronaldo tam takin an veg tur kha a pawt peng tlat ani! khatak kha a fuh na chu ania Ronaldo pawn 1st leg ai chuan Freespace a ngah zawk fe a, goal a thun dawn a a flick te kha a pui teh e, Higuain khan pet goal teh mahse a tlaw ngei mai vawi 3 ngawt chance 1st half ah bik(goal ngei2 tur) ah a han score lo mai kha chu(h)!!!! pakhat ah pheikhan Mascherano khan a pet khalh hman nia mawle!!! Marcheranoi in Higuain pet goal na tur a a pet thelh kha ka dem hran lo! tikhan tilo se a umpha dawn chuang lo a a theihtawp a chhuah ve ah ka ngai! ti lo mahse Higuain kha a tlan fal tho ang ka ring. Valdez a khel tha a 1st leg a atihsual a compensate chiang ngei mai! Messi freekick kha freekick ah chuan ka hmuh tawh ah chuan a pui ka la tih ber pawl a ni bawk! RONALDO a khel a hlawk ka ti ber 1st half ah chuan Red Card te a hlawk chhuak a , a pet goal a, assist pui tak anei a(mahse Higuain in ti goal lo hlauh)
2nd Half: barca kha kimlo chung khan an zam lo tih chu a chiang ngei e, mahse ti hram teh ang an attack dan kha an kimlai nen chuan a inthlau deuh DET! Messi khan pass tur mumal a hriat loh a a hnunga a pass tak mai kha a awm nual ani! Madrid Counter a DEN ropui bawk nen! Messi an foul a suffer ngun ber ang a nizan khan (?). casillas khan a save tha bawk em ani vawikhat kha haha! Higuain bawk khan tinge a score loh lehpek le!
Engpawh nise Madrid khan Chak an phu chu ka ti 🙂
Modric chu a champion nghal der mai a
GP…Real ka lawmpui e..mahse UCL chu Chelsea ta !…
Good post,TV kawl loh hi chu kan chan ropui leh mange,haha,video in zep tel hi tha ka ti khop mai,en ve ang mai ka ni lehta
He zofooty hy a tha a,mahse a ziaktu hian a tante lam a ti langsar bik e. .amawi k ti ciahlo,anhneh loh a hnu soimwi vak tum cu w. . .mesi epl ah lo kal teh,i that leh that loh k hmu chak. .Ka U C7 cu ka hretwh
Real marid coach a fakawm thlawt ka ti.. Messi hi tumahin an dinchilh duh tawh lo hi a fuh zawk zel a nih hi..
Thil dang deih chu, Messi freekick leh Suarez a free kick kha a va han in ang ve chiang tak, wall sir atangin an pet kual ve ve in ka hria, ka hriat sual loh chuan.
CR7 kha kha ni mai, Real Madrid ze dik tak anih kha, Barca ho mai mai, Liga leh UCL pawh la nghal ang aw.
Second half k en zo hmanlo chu a poi hle mai. Barca player te beidawng tak k hmuh chak teh a sin le??? Car insuarance siam a tul ve khanglang a lawm le??
Kumin chu bul tan fuh lo mah ila, Cup lak theih zawng zawng la vek teh ang aw. Bul tan fuh aia pawimawh zawk chu Cup chawi a ni a, kan Pu hian khawiah nge min hruai thlen dawn tih i lo thlir phawt mai ang. GP
Barca chu an vannei hle mai….. Real khan goal an khung tha duhlo mai2 nih kha….! Real Madrid…… Champhion! ha ha