Spurs leh Chelsea inkhelh hunah ‘Net Zero Carbon’ Football match hmasa ber neih tum a ni.

#ZoFooty

September 15, Premier League-a Tottenham leh Chelsea inkhelh hunah ‘Net Zero Carbon’ Football match hmasa ber neih tum a ni.

Enge Net Zero Carbon awmzia?
A awmzia chu Inkhel leh a chhehvel a tel tur hrang hrang (entirnan: Inkhel tur team leh a hnathawk tute, inkhel entu (fans), media, ei leh in zuar buatsaih tute zawng zawng) ten boruak tichhe thei thil reng reng hman loh tumna a ni.Club hmalakna in thing phun uar te, tuifinriat chhehvel enkawl fai leh hmannawn leh theih lam chi (renewable energy) hman uar te a tel bawk.

Tottenham leh Chelsea inkhel tur hi club lian inkhel zingah hetiang tih tumna hmasa ber a ni a, club leh media lam ten boruak chhia ti chhuak lo theih ang ber turin hma an la chho a, inkhel entu (fans) pawh zawm turin an chah bawk a. Team pahnih te hruaitu tur motor atan biofuel hmang lirthei an hmang ang a, an tui in tur pawh plastic bottles an hmang dawn lo a ni. Stadium chhung a ei leh in tur pawh thlai lam chi zuar turin an ti a, Fans pawh inkhel en turin bicycle emaw public transport te hmang turin an in chah bawk.

Tottenham hi hetiang lamah hian Premier League club 20 zingah titha ber an ni a, United Nations’ Sports for Climate Action framework nen pawh thawhhona an lo ziak tawh a ni. An chairman Daniel Levy chuan ” Hetiang hun chhinchiahtlak hmalakna kan nei theuh hi a lawmawm in Climate change venna kawng ah nasa takin hmalakna a puih theih a rinawm” a ti. UK Sorkar pawhin he hmalakna hi alo pawmpui a, UK hian November thlaah Glasgow ah COP26 UN Climate change conference a thleng dawn bawk a ni.