Spurs striker Harry Kane chu Europa Conference League play-off khel turin a zin ve lo.

Estimated read time 2 min read

#ZoFooty

Tottenham Hotspurs striker Harry Kane chu Europa Conference League play-off khel turin a zin ve lo.

Kum 28-a upa, England Captain Kane hian Spurs ah rinawm reng duh țhin mah se hlawhtlinna an chan theih loh avangin chhuah a duh thu a sawi a, tun thlengin a hma hun tur a la sawi theih loh a ni.Training țan hunah training a zawm lova, Pathianni zana amah lak tumtu Manchester City an hneh țumin squad-ah a awm lo bawk.

Spurs hian zanin zanlaiah Europa Conference League play-off first leg an khel dawn a, Portuguese club Pacos de Ferreira chu khualmualah an hmachhawn dawn a, Kane chu a zin ve lo a ni.

Spurs boss Nuno Espirito Santo chuan “Kane hian training a lo zawm tawh a, a fit chho ve zel a ni. Pathiannia Wolves kan hmachhawn hunah erawh a khel dawn em tihah thutlukna kan la siam lo” tiin a sawi.

Nuno Espirito Santo chuan Pacos de Ferreira an hmachhawn tur chungchang sawi bawkin, Man City kan hneh țuma player te chu an khelh a rinawm loh, player te hian inelna țha nei se ka duh a ni, tiin a sawi bawk.

Kane hian Euro 2020 ah England chu final luhpuiin a champion pui zo lova, chawlh hmangin USA-ah a zin zui a, midang aiin training a zawm har a ni.

 

You May Also Like

More From Author