Stoke City 0-0 Arsenal: Gunners In Goal Thun An Harsat

Estimated read time 3 min read

Britannia Stadium-a inkhelah Stoke City leh an mikhual Arsenal te goal inpe lovin an inhnehtawk. He inkhelah hian first half lamah sawi tur tamlo mahse second half lamah a hmuhnawm chho a. Entu lam tan pawh first half aiin second half a lang rei lo zawk ngei ang.

Tu te nge khel?
Stoke: Begovic, Wilkinson, Huth, Shawcross (c), Whelan, Wilson, Pennant, Kightly, Cameron, Walters, Crouch
Arsenal: Mannone, Jenkinson, Vermaelen (c), Mertesacker, Gibbs, Diaby, Arteta, Cazorla, Gervinho, Podolski, Giroud

First half

Inkhelh hma atangin Stoke manager Tony Pulis leh Arsenal manager Arsene Wenger ten chanchinbumite hmaah an nau te chu foul neih ching satliah an ni lo tiin an chhan ve ve a. Inkhelh tan anih atangin season hmasa lama an khelhdan ang bawkin Stoke chu an khauh leh khawp a, foul pawh an siam zeuh zeuh. Beisei lawk ang ngeiin Arsenal lamin ball an chang hnem zawk a. A tir minute 30 vel chhung chu Arsenal hian inkhel an thunun a, Cazorla pet Stoke goalkeeper Begovic in a lo dan hmante kha Arsenal tan chuan a uihawm ngei ang. First half tawplamah mual neitu lamin an nawr ve thung a. Stoke forward Jonathan Walters chuan Arsenal defender te han chhaih deuh thin mahse tunhnaia defending hmasawn Arsenal te an talbuai lem lo. Referee Lee Mason in hun a titawp a. First half ah han sawi vul em em tur a awm hranlo.

Second half

Second half tan anih atangin Stoke leh Arsenal te an innawr tawn a. Stoke in an palian Peter Crouch hman tangkai tumin bei viau mahse Arsenal lama pa sang Per Mertesacker a lo ding khawng ve bawk nen, Stoke lam duh angin an che thei lo. Second half a Stoke tana sawizui hlawh ber tur chu box chhunga Arsenal defender Kieran Gibbs in Arsenal player hlui, Stoke City winger Jermaine Pennant a tihthluk kha a ni awm e. Penalty niawm tak referee Mason-a’n a pek loh kha Stoke fans te ti thinurtu a ni ngei ang.

Arsenal in an striker thar Olivier Giroud hmangin goal ropui an thun thelh a, Giroud hian penalty box pawn veilam sir aแนญangin goal ah a pet thut a, a over hlauh a ni. Goal ngat se chu ‘goal of the season’ ah a thlan theih ang. Amaherawhchu, a thlanga Aaron Ramsey pe lova hla tak atanga pet goal a tum chuan a pu Arsene Wenger a tilungawi lo hle tih a lang. Stoke lamin corner an hmuhloh laiin Arsenal hian vawi 11 lai an hmu a. Heng corner te hi Arsenal hian an hmang tangkai tawk lova, free kick pawh Arteta, Cazorla ten an hmang tangkai tawk lo. Arsenal in Theo Walcott leh Alex Oxlade-Chamberlain te rawn chhuah mahse game an thlak hman tak tak lova. Goal inpelovin inkhel a tawp ta a ni.

A tlangkawmna
Stoke leh Arsenal te inkhelah an defender te an langsar ve ve a. Stoke City hi ‘physical’ taka khel thin, an mualah phei chuan team khelh harsa tak ni thin an ni a. Defending lama pawp tia sawifo Arsenal te defending ah hma an sawn tih a lang leh a, Arsenal asst. manager thar defender tha tia sawi thin Steve Bould thawhrah a lang leh. Inkhelh zawha a lan danin Arsenal manager ‘tarmit vuah thar’ Arsene Wenger hi an chak zolo nen a lungawi tawklo tih a lang a. Stoke City manager Tony Pulis erawh Arsenal ang an draw thei hi a lawm tih a lang a, hlim leh lawm takin tunnel lamah a tlanlut.

Statistics

You May Also Like

More From Author

23Comments

Add yours
  1. 1
    rick the young gun

    Giroud aiah gervinho hi lut ta se,goal chu an thun ngei2 ang..chu2 ka chiang..chuan chelsea hi season tawp lamah chuan top 6 ah pawh an awm pha tawh lo ang..chu pawh bel chhung a sa..

  2. 2
    Cleverley VRT

    Tha ber i tihna lam ni lo mahse an tha ber tho alawm, Chelsea vs United hi engtik ah nge ni ang le, ka va han nghakhlel tawh tak.

  3. 3
    zodina

    @Cleverley VRT……an attacking a tha ber ka tihna ni lovin, an ngamlo ve thei emmm a, hma an sawn em tih enchhin nan chuan a tha fuu ang ka ti zok a ni ๐Ÿ˜€

  4. 4
    Cleverley VRT

    @Zodina : Nia, Premier League a attacking players nei tha ber United an tum hma loh chu an defending hi tha tawh ka la ti thei lo.

  5. 7
    Cleverley VRT

    Arsenal chak theilo hi ka ning engkim a buaithlak, prediction, fantasy, engkim a buai zo vek. saaaalla

  6. 8
    Lalzarzova

    @hriatpuia
    Transfer ka hmang zo tawh bawk si. Ramsey leh Podolski ka kawl bawk si, Arsenal khelh that a pawimawh dawn a ni.
    Fantasy Season tharah bul tan that ka in beisei ta tlat lo mai ๐Ÿ™

  7. 9
    zodina

    #13 Mike, thanks….

    Arsenal hi season hmasa poh khan a tir game 10 vel chhung kha chu an sang lemlo in ka hria, mahse a top lam ah kha chuan chak tluang ngat sela chuan champion thei dinhmun ah khan an ding leh tlat a ni, mahse a tawp hnaih ah tak2 khan an nawi leh a,a tir chauh a la nia, football ah chuan a bul tran that aiin zawh that a poimawh zawk tlat a ๐Ÿ™‚

  8. 11
    Mike H Tlau

    @Zodina Vito Mannone ania. 2006 khan Atalanta atangin Arsenal a zawm a. Tunah kum 24 a ni ve tawh. Almunia hunlai khan no 1 a ni ve hman a. Mahse tunhnaia Szczesny a chet that khan loan in Hull City ah season 2 a chhuak a. Tunah Szczesny leh Fabianski inhliam karah 3rd choice niin a khel anih kha. Arsenal keeper 3 te hi an inel deuh veka. An inthlau hlawm vaklo.

  9. 12
    zodina

    @10…hahaaaa
    #Mike H Tlau….nia, a dik ve tho mai, mahse an class hian ka ron tarlan te class hi a pha lo deuh a ka hriat vang a nia, United, City & Chelsea te chu ka la dah sang leh zawk deuh a….Stoke hi chu an khong khop mai, an khelh fuh ni chuan an home ah hian hneh har tak an ni, Engpoh nise Arsenal keeper kha athar a ni lehpek a ni mo, keeper hi an nei chhe thei ngot mai, kha2 a that hmel phian kha, an no 1 inhliam vang a ron veng a ni ngei anga ๐Ÿ˜€

  10. 13
    Lalzarzova

    Good Post
    Stoke City chu an home-ah chuan attacking test nan an tha ka lo ti ve leh tlat. Arsenal an hlawhchham. Inkhel a hmuhnawm tawk lo!
    Steve Bould erawh an fak thup mai.

  11. 15
    Mike H Tlau

    @Zodina defending test nan chuan Stoke City chu an tha ber hial maithei a ni. Premier League ah chuan Stoke City hian ‘rugby’ an khel thin antih kha fiamthu in..Stoke hi an dangdai thin khawp mai.

  12. 16
    zodina

    Arsenal in a an game hmasa 2 a an team khelh te hi en ila defending judge nan chuan a la hma deuh lo maw, a lo ber ah Everton, Tottenham, Liverpool & Newcastle te tal tum phot se la maw le ๐Ÿ˜€

  13. 17
    Ramenga

    @frank: Goal ropui an thun แนญep tihna, แนญhelh tih lai khi awki sรขng deuh hleka lam tur. ๐Ÿ˜€

    Arsenal chu tlarhnung a phui rih a, tlarhma in hma an sawn ve deuh chu a ngai dawn a nih kha.

  14. 18
    Ema Ralte

    Season hmasa ah pawh Van Persie tellin league match hmasa pahnih ah goal an thun chuang hleinem… Van Persie tel leh tel loh in nghawng a nei tehchiam lo… ๐Ÿ™‚

  15. 19
    laipuichhuanga

    Rang vat2 ve,ka ta en bwka mahni club chu lo swisel hrehlo ilah,kn va han hlauhawm lo lulai tak em,tiang tekha chuan MPL pwh rwn khel ve ila goal thun miahlo in kan haw thei maiang,mithar hlang deuhthaw anawrtu atana hmanchuan ahar ve bwk pwh aniag,kn defending hma aswn min tihsak khi chu ka ngaihdan ni deuh tho mhse ka la pwm ngamlo deuh cheu mai

  16. 20
    Frank

    ‘Goal ropui an thun thelh’ Common love aw! Tlachhenal chu 8 yrs NIL an hnaih zel, Next Season a Players chhuak tur inrinsiak ula, a nuam zawk ang

  17. 23
    zodina

    Arsenal khel kha chu rinaiin an nawi angreng ka ti, Stoke khan Draw kha an phu ve tlat, result fair tak a ni e….mahse match hmuhnawm ti a han soi zui tur chu a nilo in ka hria ๐Ÿ˜€

+ Leave a Comment

Stoke City 0-0 Arsenal: Gunners In Goal Thun An Harsat

Britannia Stadium-a inkhelah Stoke City leh an mikhual Arsenal te goal inpe lovin an inhnehtawk. He inkhelah hian first half lamah sawi tur tamlo mahse second half lamah a hmuhnawm chho a. Entu lam tan pawh first half aiin second half a lang rei lo zawk ngei ang.

Tu te nge khel?

Stoke: Begovic, Wilkinson, Huth, Shawcross (c), Whelan, Wilson, Pennant, Kightly, Cameron, Walters, Crouch

Arsenal: Mannone, Jenkinson, Vermaelen (c), Mertesacker, Gibbs, Diaby, Arteta, Cazorla, Gervinho, Podolski, Giroud

First half

Inkhelh hma atangin Stoke manager Tony Pulis leh Arsenal manager Arsene Wenger ten chanchinbumite hmaah an nau te chu foul neih ching satliah an ni lo tiin an chhan ve ve a. Inkhelh tan anih atangin season hmasa lama an khelhdan ang bawkin Stoke chu an khauh leh khawp a, foul pawh an siam zeuh zeuh. Beisei lawk ang ngeiin Arsenal lamin ball an chang hnem zawk a. A tir minute 30 vel chhung chu Arsenal hian inkhel an thunun a, Cazorla pet Stoke goalkeeper Begovic in a lo dan hmante kha Arsenal tan chuan a uihawm ngei ang. First half tawplamah mual neitu lamin an nawr ve thung a. Stoke forward Jonathan Walters chuan Arsenal defender te han chhaih deuh thin mahse tunhnaia defending hmasawn Arsenal te an talbuai lem lo. Referee Lee Mason in hun a titawp a. First half ah han sawi vul em em tur a awm hranlo.

Second half

Second half tan anih atangin Stoke leh Arsenal te an innawr tawn a. Stoke in an palian Peter Crouch hman tangkai tumin bei viau mahse Arsenal lama pa sang Per Mertesacker a lo ding khawng ve bawk nen, Stoke lam duh angin an che thei lo. Second half a Stoke tana sawizui hlawh ber tur chu box chhunga Arsenal defender Kieran Gibbs in Arsenal player hlui, Stoke City winger Jermaine Pennant a tihthluk kha a ni awm e. Penalty niawm tak referee Mason-a’n a pek loh kha Stoke fans te ti thinurtu a ni ngei ang.

Arsenal in an striker thar Olivier Giroud hmangin goal ropui an thun thelh a, Giroud hian penalty box pawn veilam sir a?angin goal ah a pet thut a, a over hlauh a ni. Goal ngat se chu ‘goal of the season’ ah a thlan theih ang. Amaherawhchu, a thlanga Aaron Ramsey pe lova hla tak atanga pet goal a tum chuan a pu Arsene Wenger a tilungawi lo hle tih a lang. Stoke lamin corner an hmuhloh laiin Arsenal hian vawi 11 lai an hmu a. Heng corner te hi Arsenal hian an hmang tangkai tawk lova, free kick pawh Arteta, Cazorla ten an hmang tangkai tawk lo. Arsenal in Theo Walcott leh Alex Oxlade-Chamberlain te rawn chhuah mahse game an thlak hman tak tak lova. Goal inpelovin inkhel a tawp ta a ni.

A tlangkawmna

Stoke leh Arsenal te inkhelah an defender te an langsar ve ve a. Stoke City hi ‘physical’ taka khel thin, an mualah phei chuan team khelh harsa tak ni thin an ni a. Defending lama pawp tia sawifo Arsenal te defending ah hma an sawn tih a lang leh a, Arsenal asst. manager thar defender tha tia sawi thin Steve Bould thawhrah a lang leh. Inkhelh zawha a lan danin Arsenal manager ‘tarmit vuah thar’ Arsene Wenger hi an chak zolo nen a lungawi tawklo tih a lang a. Stoke City manager Tony Pulis erawh Arsenal ang an draw thei hi a lawm tih a lang a, hlim leh lawm takin tunnel lamah a tlanlut.

Statistics

You May Also Like

More From Author

+ There are no comments

Add yours