Stoke City player thar Michael Owen

Estimated read time 2 min read

England international hlui Michael Owen chuan Thawhlehni khan Stoke City a zawmfel ta. Owen hi free agent a ni a, Stoke City ah hian thla 12 (kum khat) chhung contract a ziak a ni.

Kum 32 a upa Owen leh Stoke City aiawhte hi June thla daih tawh khan an lo inbe tawh a. Khatih lai khan betu dang an awm neuh neuh avangin a rilru a siamfel lawk thei lo a, Japanese club te, nPower Championship lama khel tur te in thuthang a awm hman a, tunhnaiah Liverpool-a lut thut tur ang te pawhin report a awm. Mahse tunah chuan Stoke City player a ni tawh a, kum khat chhung chu Barclays Premier League-ah Michael Owen kan hmu leh dawn e.

Owen hi inhliam ve deuh reng mai a nih avangin Stoke City pawh an fimkhur a. Tun season-ah an beisei zat match a khel thei a nih chauhin a contract hi season khat dang an pawhseisak dawn a ni. Owen hian tun season-ah a pet goal apiangin bonus a dawng bawk ang.

Transfer season a tawp tawh sia…

England ah transfer bazar inhawn lai a ni lo a, mahse free agent te hi chu neitu awm lo an nih avangin duh duh huna lakluh theih an ni. Transfer season zawh hmain an club hlui nen an inzawmna a tâwp hman a ngai thung. Owen leh a club hlui Manchester United te hian tun transfer season tawp hma khan contract an titawp tawh a, hei vang hian Owen hi a duh duh tan eng hunah pawh dawr theih a ni ta a ni.

Premier League team te hian player 25 awmna squad hi Thawhlehni-a an thehluh a ngai tawh a, Owen hi an lakluh tlai deuh avangin Stoke City squad-a telh tur hian Premier League Board in an pawm leh phawt a ngai dawn a ni. Hei hi chu thil harsa leh buaithlak a ni lo tura ngaih a ni thung.

Stoke City hi Michael Owen club pangana a ni a, Liverpool, Real Madrid, Newcastle United leh Manchester United ah te a khel tawh a ni. A inkhelh chhungin club competition match 473 ah goal 221 a thun tawh a, England tan match 89 ah goal 40 a thun tawh bawk. Stoke City ah hian player thar dang Jamie Ness, Geoff Cameron, Michael Kightly, Maurice Edu, Charlie Adam leh Steven N’Zonzi te a zawm ang.

source: telegraph.co.uk

 

You May Also Like

More From Author

56Comments

Add yours
  1. 48
    zta.minikins

    inhliam lovin tha takin khel thei se ka va ti ve, man city ho inla pawr lutuk tur min tuk dul saktu kha ania, ka tan lutuk tlat..

  2. 49
    ruatsaka

    1998 WC-a Argentina nen an inkhelh tuma Roberto Ayala tlan pela Carlos Roa man hman loha goal ropui a thun lai kha mitthlaah a la cham

  3. 52
    Xavi fanai

    Hmana liverpuul player, rwlthar hmel fai vig veg tlan zet zet thin kha ka la mithla reg mai..alo upa veta reuh hle mai..

  4. 53
    Mshlua Ralte

    man utd leh man city inkhelh tuma hun tawp injury time a chakna goal a rawn thun kha chu ka la hre kar2 mai 😀

  5. 56
    emefa

    liverpool kha chhuahsan lota se chuan , tunai hian ala larin ala tha zawk ngei ang,,UCL chawi chak ltk kha achhuah phah vela,,achhuah kumah liverpool in an la chawi zui,,,mahse liverpool ,mi ti tan tu ani ve tlat,,chuvang chuan stoke poh hi tran ve leh mai ang

+ Leave a Comment

Stoke City player thar Michael Owen

England international hlui Michael Owen chuan Thawhlehni khan Stoke City a zawmfel ta. Owen hi free agent a ni a, Stoke City ah hian thla 12 (kum khat) chhung contract a ziak a ni.

Kum 32 a upa Owen leh Stoke City aiawhte hi June thla daih tawh khan an lo inbe tawh a. Khatih lai khan betu dang an awm neuh neuh avangin a rilru a siamfel lawk thei lo a, Japanese club te, nPower Championship lama khel tur te in thuthang a awm hman a, tunhnaiah Liverpool-a lut thut tur ang te pawhin report a awm. Mahse tunah chuan Stoke City player a ni tawh a, kum khat chhung chu Barclays Premier League-ah Michael Owen kan hmu leh dawn e.

Owen hi inhliam ve deuh reng mai a nih avangin Stoke City pawh an fimkhur a. Tun season-ah an beisei zat match a khel thei a nih chauhin a contract hi season khat dang an pawhseisak dawn a ni. Owen hian tun season-ah a pet goal apiangin bonus a dawng bawk ang.

Transfer season a tawp tawh sia…

England ah transfer bazar inhawn lai a ni lo a, mahse free agent te hi chu neitu awm lo an nih avangin duh duh huna lakluh theih an ni. Transfer season zawh hmain an club hlui nen an inzawmna a tâwp hman a ngai thung. Owen leh a club hlui Manchester United te hian tun transfer season tawp hma khan contract an titawp tawh a, hei vang hian Owen hi a duh duh tan eng hunah pawh dawr theih a ni ta a ni.

Premier League team te hian player 25 awmna squad hi Thawhlehni-a an thehluh a ngai tawh a, Owen hi an lakluh tlai deuh avangin Stoke City squad-a telh tur hian Premier League Board in an pawm leh phawt a ngai dawn a ni. Hei hi chu thil harsa leh buaithlak a ni lo tura ngaih a ni thung.

Stoke City hi Michael Owen club pangana a ni a, Liverpool, Real Madrid, Newcastle United leh Manchester United ah te a khel tawh a ni. A inkhelh chhungin club competition match 473 ah goal 221 a thun tawh a, England tan match 89 ah goal 40 a thun tawh bawk. Stoke City ah hian player thar dang Jamie Ness, Geoff Cameron, Michael Kightly, Maurice Edu, Charlie Adam leh Steven N’Zonzi te a zawm ang.

source: telegraph.co.uk

 

You May Also Like

More From Author

+ There are no comments

Add yours