Sports and Youth Services tirh Mizoram Under-17 team chuan an pool match hnuhnung berah Odhisa 1-0 a hnehin quarterfinal an lut. Mizoram tana goal awm chhun hi Lalthakima thun niin Zonunsiama (Te-a) hlawh chhuah a ni. Ni 24 September 2012 (Thawhtanni) tlai dar 3:30-ah Mizoram hian quarterfinal an khel anga, an tumpui tur chu Group 1 (Chandigarh, Goa, Assam, West Bengal) pakhatna a ni ang.

Mizoram team hian match tinah goal khat zel thunin goal thum an thun tawh a, goal khat an chhuah tawh thung. Penalty leh freekick atangin goal an thun tawh a, open play atangin goal khat chiah an la thun bawk a ni.

Standing (L-R): Lalthakima, Israel Laldingngheta, Lalmuanzuala, Peter Lalthangpuia, Jacob Lalrinhlua, Laldanmawia, K. Lalhmangaihkima, Lalruatfela, Lalremmawia, Zonunsiama.
Sitting (L-R) : Malsawmtluanga, C. Lallianzuala, David Lalchhuanawma, Vanlalthanga, David Lalrinpuia, Paulianson

Manager thuchhuak
Match hmasa pahnih a, a nuate khelh dana lungngawi lo Mizoram Manager Pu Thlanga chuan ZoFooty hrilhin,”Vawiin chu kan khel tha khawp mai, player zawng zawng an khel tha vek maiin ka hria. Kan game in hma a sawn a, a lawmawm khawp mai” tiin a naute khelh danah a lungawi tawh thu a sawi.

Subroto Cup Under-17 (Boys)-ah hian minute 90 khel lovin minute 70 an khel a ni.