Subroto Cup 2012 : Mizoram U-17 Girls in Final an lut. Final-ah Manipur nen an in tum ang.


Sports and Youth Services tirh Mizoram U-17 Girls chuan Tamilnadu 4-1 a hnehin final an lut a, final-ah Haryana hnehtu Manipur nen ni 22 September 2012 (Zirtawpni) hian an in tum ang. Mizoram tan hian Offee Lalhmingchhuanpuii’n (Ramthar) hattrick a siam a , Elizabeth Vanlalmawii’n (Farkawn) goal khat a thun ve bawk. Mizoram hian tun tournament-ah hian goal 29 tehmeuh an thun tawh a, chung zinga goal 14 te chu Offee Lalhminghchuanpuii thun a ni. Mizoram final thlenpuitute chu R.Lalnunsangi (Coach) leh Lalbiaksangi (Manager) te an ni.

Mizoram team hi Hawla Indoor Stadium, Pitarte tlang-ah camp in Rajiv Gandhi Stadium-ah an practice thin a; RG Stadium hi Subroto U-17 team te practice-na tho a ni a, chubakah he team Manager hi Senior Coach Pu Thlanga a ni a, Coach hi Mamawia a ni thung. Hemi anih avang hian Pu Thlanga hian an game structure engemaw chen hi chu a duan pui a, vawiin inkhel pawh hi a hmunah a en nghe nghe. Pu Thlanga chuan ZoFooty hrilhin,”An game a tha khawp mai, kan zir ang te a takin an ti thei a, a lawmawm khawp mai” a ti.


Mizoram team a taka enkawltu erawh Manuni a ni thung a, ani hian ZoFooty hrilin,”Kan kheltha khawp mai. Offee bawkin goal a thun leh a, Elizabeth-i pawh a a khel tha khawp mai, goal khat a thun nghe nghe” a ti. An game chungchang sawi chhunzawmin,”Vawiin chu tum dang zawng aiin kan kheltha a, nidanga kan defence phui tawklo pawh a phui tha khawp mai. Tournament tir atangin Lalduhawmi a la kheltha ber zel a, ani hi kan kulhpui a ni. Ani bakah hian kan winger Grace pawh a kheltha leh khawp mai” a ti. An tumpui chungchang sawiin,”Tamilnadu chu an tha alawm, keini ai pawn ball an pet na zawk a, mahse kan kheltha em a ni. Chak kan phu a ni” a ti. Final a an tumpui tur Manipur chunchang sawiin,”Hei vawiinah chuan an that leh that loh pawh hriatloh an khelh lai hian ruah a sur a, an tawlh thlu nasa lutuk a, an game hriatthiam a har khawp mai. Final an thleng thei a, team tha tak an ni ngei ang” a ti.

7 thoughts on “Subroto Cup 2012 : Mizoram U-17 Girls in Final an lut. Final-ah Manipur nen an in tum ang.

  1. Pingback: Subroto Cup 2012 : DD Sports in Subroto Cup 2012 Under-17 Girls Final Live in an pe chhuak dawn! | ZoFooty

  2. Lalala

    Offee chu kan veng (ramthar veng) ah poh local tournament ah mipa naupang hlang bulah a telve thin alom, ka lawmpui khawp mai a rawn che tha bawk a, amah hi a lawmawm ve hrim2.

Leave a Reply

Subroto Cup 2012 : Mizoram U-17 Girls in Final an lut. Final-ah Manipur nen an in tum ang.

Sports and Youth Services tirh Mizoram U-17 Girls chuan Tamilnadu 4-1 a hnehin final an lut a, final-ah Haryana hnehtu Manipur nen ni 22 September 2012 (Zirtawpni) hian an in tum ang. Mizoram tan hian Offee Lalhmingchhuanpuii’n (Ramthar) hattrick a siam a , Elizabeth Vanlalmawii’n (Farkawn) goal khat a thun ve bawk. Mizoram hian tun tournament-ah hian goal 29 tehmeuh an thun tawh a, chung zinga goal 14 te chu Offee Lalhminghchuanpuii thun a ni. Mizoram final thlenpuitute chu R.Lalnunsangi (Coach) leh Lalbiaksangi (Manager) te an ni.

Mizoram team hi Hawla Indoor Stadium, Pitarte tlang-ah camp in Rajiv Gandhi Stadium-ah an practice thin a; RG Stadium hi Subroto U-17 team te practice-na tho a ni a, chubakah he team Manager hi Senior Coach Pu Thlanga a ni a, Coach hi Mamawia a ni thung. Hemi anih avang hian Pu Thlanga hian an game structure engemaw chen hi chu a duan pui a, vawiin inkhel pawh hi a hmunah a en nghe nghe. Pu Thlanga chuan ZoFooty hrilhin,”An game a tha khawp mai, kan zir ang te a takin an ti thei a, a lawmawm khawp mai” a ti.

Mizoram team a taka enkawltu erawh Manuni a ni thung a, ani hian ZoFooty hrilin,”Kan kheltha khawp mai. Offee bawkin goal a thun leh a, Elizabeth-i pawh a a khel tha khawp mai, goal khat a thun nghe nghe” a ti. An game chungchang sawi chhunzawmin,”Vawiin chu tum dang zawng aiin kan kheltha a, nidanga kan defence phui tawklo pawh a phui tha khawp mai. Tournament tir atangin Lalduhawmi a la kheltha ber zel a, ani hi kan kulhpui a ni. Ani bakah hian kan winger Grace pawh a kheltha leh khawp mai” a ti. An tumpui chungchang sawiin,”Tamilnadu chu an tha alawm, keini ai pawn ball an pet na zawk a, mahse kan kheltha em a ni. Chak kan phu a ni” a ti. Final a an tumpui tur Manipur chunchang sawiin,”Hei vawiinah chuan an that leh that loh pawh hriatloh an khelh lai hian ruah a sur a, an tawlh thlu nasa lutuk a, an game hriatthiam a har khawp mai. Final an thleng thei a, team tha tak an ni ngei ang” a ti.

Leave a Reply