Subroto Cup 2012: Under-17 Girls Final-ah Mizoram team an chaklo!

Sports and Youth Services tirh Mizoram Under-17 Girls team chuan Subroto Cup final-ah Manipur Under-17 girls team 1-0 a hneh lovin pahnihna an ni. Mizoram team hian cheng nuai khat bakah trophy, medal, certificate, adidas pheikhawk, blazer, samsung mobile phone te an dawng a. Mizoram Striker Offee Lalhmingchhuanpuii (Ramthar Veng) chu Most Promising Player-ah thlan niin Scooty a dawng a, ani bakah hian Mizoram keeper K. Lalhruaizeli (ITI) chu Best Keeper a thlan niin cheng sing hnih a dawng bawk. Mizoram team hian ni 23 September 2012 (Chawlhni) zanah Delhi an chhuahsan anga, tluang taka an kal anih chuan ni 26 September 2012 (Nilaini) hian Mizoram an rawn thleng ang.

Tute nge khel?

Mizoram Team
Playing Eleven : K. Lalhruaizeli (GK), Lalduhawmi, K. Lalruatfeli, Lalrinnungi, Lalruatsangi, Elizabeth, Lalduhthlani, Grace H. Lalrampari, Edenthari, Lalhriattiri, Offee Hmingchhuanpuii
Substitutes: VL Hmangaihthangi, Hlupuii, Rammuantluangi, Ruthi Vanlaleni, Teresa Malsawmzuali/
Manager : Lalbiaksangi
Coach : Lalnunsangi
Manipur Team
Playing Eleven : Sunibala Devi (GK), K. Tony Devi, K Pinky Devi, S Ranjitha Devi (C), Lalam Haokip, PH Anjali Devi, Ranjana Shanu, M K Kashima, S Zinnia Devi, Diana Zairemsiami, Lhingneikim
Subsitutes: P. Bibyarani Devi, TH Janda Devi, B Smita Dhanu, S Ajita Devi, M Arti Devi.

First Half-ah Mizoram an chungnung zawk!

Inkhelh tan atangin Mizoram team in ball an chang tam zawk a. Winger ball thiam Grace H. Lalrampari a khel tha a, chance pawh a siam tha thei hle. Goal 14 ngawt thun tawh Offee pawn striker tha a ni tih lantir mahse goal a thun thei tlat lo. Keeper ball pet sual avanga long range atanga a shot chuan goal-ah a lut teuh hle bawk. Manipur pawh hlauawmlo tawp an ni lova. Goal thei tur kawpa ball tha an striker control sual te chu a hlauawm zual a ni ngei ang le.

Second Half-ah Manipur!
Manipur team that zia second half lamah a rawn lang a. Mizoram team lamin ball an chang thei tawh meuh lova, Mizoram Keeper Lalhruaizeli’n ball a man ngun mai bakah goal ngei tura ngaih dan a nei nual bawk. Manipur lamin an phu ang ngeiin goal an thun ta a, MK Kashmina chuan corner atanga ball tha tak chu goal-ah a lo chantir a. Goal luh hnu pawh hian Manipur an chungnung chhunzawm zel a. Hun tawp dawn lam tlemin Mizoram game hma rawn sawn leh deuh mahse goal thei tur khawp erawh chuan an hlauawm lo thung.


ZoFooty in Coach Manuni a kawm
Mizoram Coach Manuni chuan ZoFooty hrilhin,”Chak thei kan ni a, kan chak ta lo a ni. Second Half-ah kan experience thatloh a lang a, Manipur experience a lang bawk” tiin Manipur chu an chungnung zawk thu a sawi a. Mahse Manipur kan tluk thei tihah bawk lut lehin,”Keini chu tournament hmain kan camp a ni mai, duh angin ball kan khawih tam tawk lo a ni. Ani angin kum tluanin ti ilang chuan kan tluk em em ang” tiin hmeichhe football a India Powerhouse Manipur chu tluk theih a in beisei thu a sawi. Players AIFF hotute hmelhriat an hlawh thu sawi langin,”Kan defender Lalduhawmi phei chu VISA nei se chuan India Under-19 camp zawm nghal turin an duh a, mahse a neih loh avangin a zawm thei ta lova. Ani bakah hian kan player 5 chu India Junior team a tel turin thlan an ni bawk a. An hming erawh an la tichiang lo thung. Subroto Scholarship dawng tur pawh an awm dawn a, an hming erawh ka la sawi thei lo” tiin pahnihna ni mahse player ten an hlawk pui zia sawi tel bawk.

Images from Sports delite

10 thoughts on “Subroto Cup 2012: Under-17 Girls Final-ah Mizoram team an chaklo!

  1. Pingback: cheap cialis online

  2. Pingback: How to get some cialis

  3. ZawnMataHmar

    Offee-i chu ava lompui awm ve le…. School kawta kn inkhelh pon alo tel ve zauh² thin a….. Mipa zingah poh a duailo khawp mai….

  4. amah hriathlua pa

    tang zel trh u, mizoram mipa leh hmeichhia ah poh Indian Football power House kan la ni ngei2 ang……..

  5. Ramenga

    Final thlen theih hi a lawmawm hrim hrim a, Mizo player te India Junior team-a an lak vel khi chhiar a nuam khawp mai.
    Offee chuan scooty chu a phu ve thlawt e hehe. Cleverley sawi ang hian rampum huap intihsiakna a ni bawk a lawmman chu a tha hle mai.

  6. valpuia

    ka en ve a an khel tha khawp mai..ball pet nat ah an in thlau deuh ni..an khel che lo e..an chhuan awm gwt mai…

  7. Cleverley VRT

    Lawmman a va tha rem rem ve mawle, han champion nghal law law ila ni mai tur nia, a pawimawh berah han chak loh chuh, engpawhnise titha tho tho.

  8. MIZO

    Mizoram team te ka chhuang khawp mai. National Level-a Finalist zinga tel hi a hlu a ni. Hmalam pan zel turin duhsakna ka hlan e.

Leave a Reply