Subroto Cup 2012-ah Mizoram Under-14 team chuan Semifinal-ah Nagaland hneh lova, ral khat atanga lo thlir tu tana Nagaland Team hnehloh a tlawm thlak ang bawkin a hmun ngeia tuar tu tan chuan a nat viau a rinawm. Chutihrualin Under-14 Boys hian SemiFinal an thleng tih kan theihngilh loh a tha awm e. Under-14 lamah Mizoram tla tawh mah se Under-17 Girls an la dam a, anni hian an tumpui sawp vekin group stage an paltlang a, tun chawlhni lo awm tur hian quarterfinal an khel ang.
Mizoram Under-17 Boys erawh naktuk ni 13 September 2012 hian Mizoram an chhuahsan dawn chauh a. Anni hi Rajiv Gandhi Stadium, Mualpuiah camp an nei a. Tukin zing practice zawhah players te hian camp hi an chhuahsan a ni.
Standing (L-R): Lalthakima, Israel Laldingngheta, Lalmuanzuala, Peter Lalthangpuia, Jacob Lalrinhlua, Laldanmawia, K. Lalhmangaihkima, Lalruatfela, Lalremmawia, Zonunsiama.
Sitting (L-R) : Malsawmtluanga, C. Lallianzuala, David Lalchhuanawma, Vanlalthanga, David Lalrinpuia, Paulianson
Subroto Team te hi Sports and Youth Services, Mizoram hnuaia team te an ni a. Under-14 Boys te hi SYS Academy, Kolasib ami te an ni a. Kolasib lama practice an nih avangin an practice na hmun ka tlawh lo lova, an team chhung hi engmah hriat ka neilo. Amaherawchu a hmun ngeia en Under-17 Girls Coach Miss Manuni sawi danin, Nagaland team hi an len (over age?) zawk avangin , Mizoram team hian an hneh lo deuh hrim hrim niin a sawi a. Under-17 Boys Coach Sir Mamawia pawn Nagaland Coach hi a thianpa anih thu a sawi a, Mizoram nena an inkhelh hma pawh hian an inbiak thu a sawi a. An player pahnih overage vangin chhawk mahse striker-ah Nagaland first division player an la hman theih tho thu a hrilh thu te a sawi a. Hei hi sawi chhunzawm zelin Nagaland chuan over age lam aiin Champion an ngaih pawimawh thu a sawi niin a sawi bawk. Hemi anih avang hian Mizoram Under 14 team in Nagaland an hnehlo hi thilmak lutuk niin a lang lo.
Khawnglung Run vangin an tap!
Subroto Under 17 Girls te hi Hawla Indoor Stadium, Pitarte Tlangah an Camp a. An camp na hmunah hian Khawnglung Run Film an chhuah a. Hei hi en ve in, a tam zawk chu an tap nghe nghe niin an coach chuan a sawi. Mahse he team hi field pawnah hmeichhe pangai ang bawkin awlsam takin an mittui tla thei mahse field chhungah chuan midang daih an ni thung. Hmeichhe inkhel hi ka en ngai meuh lova, mahse selection lai atang tawh a field a ka awm ve zeuh zeuh avangin ka en lo thei lova. An practice naa mipa naupang nena an inkhel ka hmuh tum phei chuan ka rin aiin an game a mawi daih a. Mipa game a hmuh tur tam lutuk bik lo penetration pass leh dummy te ka hmuh theih avangin an inkhel chu en manhla ka ti letling hle. He team hian Semi Final mai ni lo, Champion thei tur khawpin quality an nei a. An Champion ngei theih nan Under 17 Girls te duhsakna ka hlan e.
Mizoram Under-17 Boys Team an thiam mahse Champion turin an tha tawk angem le?
Under-17 team te hi chu an inkhel a entlak tawh a, an selection lai atanga an practice hun thlengin anmahni vang hian duh aia rei field-ah ka awm phah thin reng a ni. Mizoram team hian training an neih that avangin training chhung ringawt pawn hmasawnna a hmuh theih a. Hemi kawngah hian Manager Sir Thlanga leh Coach Sir Mamawia te an fakawm hle.
He team hi an thawkrimin players te inkarah pawh inelna thianghlim a awm tih a hriat a, an thiam dan pawh a in tluk tlang hle bawk. Mahse tuna team te hi an kum pawh a dik viau niin a lang a, a dik famkim chu rinawm bik lo mahse ka naupang hriat chian ho chu an kum a dik vek thung. Hei hi Mizoram tana hmasawnna a ni a, chutihrualin Champion loh phahna tham a ni thei bawk. A chhan chu team dang hi kum diklo tak taka tel ching ve tak tak an ni hlawm a. Age Group-ah chuan kum hian awmzia a la nei a, chutihrualin hei hi Champion lohna tura chhuanlam tling a ni lova. India ram Football hmunpui nih kan tum anih chuan kum dik hian kan Champion theih a pawimawh dawn a ni.
Mizoram Under 17 Team zingah hian ka tal tam avangin an Champion lo anih chuan Coaching Staff leh Players tih lovah chuan a tuar tur zingah kan in ngai ve deuh tawp a. Chumi anih avang chuan chak ngei turin duhsakna ka hlan tak meuh meuh a ni.
Video : Mizoram Subroto Under -17 Practice – Lalmuanzuala
Mizoram team te duhsakna ka hlan e. Nie, kum dik takin kal rawh se. Nakin zela kan that tlanna tur a ni tlat.. Lalmuanzuala ball han pet thiam dan em em hi a 🙂 a kawh mar phei pawt mai alawm. hehe
Foorball hmasawn kan tum chuan kum dik taka khelh ngam tur. Subroto a champion ringawt professional footballer tha a chher chhuak dawn lo. Kum dik taka khelh ngam kha nakin zelah footballer te tan a tha zawk.
THa takin zu khel teh se.
Subroto-ah hian player 16 chauh a hruai theih a. Keeper 2 a ngai chiang a, defender 5, Midfielder 5 leh Striker 3, bakah utility pakhat hruai tel a ngai bawk dawn a ni 🙂 hahaha thlan thiam chu a har ve khawp ang le.
Het… David-a’n Liverpool Jersey a ha. A poi thei angem aw. 🙂
An tha ang player jersey ha ah Man utd jersey ha an awmlo ringot pawh hian min ti phur !! 😀
Good post ti phawt ang. Keipawhin duhsakna ka hlan e.
Ṭha deuhin zuk khel sela, an len hunah (puitlin hunah) pawh ṭhiante zingah ‘kum 2012 a subroto a kal zing ami kha ka nia’ ti a sawi nuam tur ngeiin zuk khel teh se. (Thlalak pawh a nalh hlawm hle mai)