Subroto Cup U17 : Mizoram thlen chin semifinal

Subroto Cup international football tournament vawi 57-naa Mizoram Under 17 team thlen chin chu semifinal a ni.

Mizoram team coach hi R. Lalmuankima a ni a, Lunglei tlangval hi a inkhelh hun laiin India aiawh thlenga khel tawh a ni. Manager Vanlalthanga hi tualchhung football ngainatute zingah sawi nawn a ngai lo a, football hrechiang lote tan erawh Santosh Trophy-a Mizoram champion puitu leh MPL2-a Chanmari FC nomawi chawipuitu tiin a chiang ang.

October 11, 2016 khan Mizoramin an match hmasa ber an khel a, NCC (West Bengal) nen 1-1 in an inhnehtawk. Mizoram hian Sikkim an draw zui avangin tla thei dinhmunah an ding zui a, amaherawhchu Car Nicobar lakah goal 25 zet khungin coach MK-a hoten harhtharna an chang.

Inkhel pawimawh Mizoramin Railways 2-1 in an hneh a, Bangladesh 8-1 a sawp zuiin goal difference hmangin knockout stage an lut. Group stage-a goal 37 khung thei Mizoramin quarterfinal-ah goal an khung lo mah se penalty shootout hmangin SAI an hneh tho.

Semifinal-ah Mizoramin Brazil club Atletico Paranaense an hmachhawn a. India ram club tha Mohun Bagan, Shillong Lajong, DSK Shivajians leh team tha dang ngam loh hi Mizoramin an ngam bik lo. October 19-a Ambedkhar Stadium, Delhi-a inkhelah hian Brazil club-in goal ruk an khung a, Mizoram tan Zothansanga’n mualpho lutuk tur hliah khuhna goal a khung.

Final hi October 22, 2016 khan khelh a niin Atletico Paranaense hian Army Boys 1-0 a hnehin an champion. Kumin Subroto Cup final-ah hian Brazil legend Rivaldo chu khuallian a ni.

Mizoram zin kawng
Group Stage
Mizoram 1 – 1 NCC, West Bengal
MIZ : Silvana R. Lalruatkima

Mizoram 1 – 1 Sikkim
MIZ : C. Lalduhawma

Mizoram 25 – 0 Car Nicobar
MIZ : C. Lalduhawma (7); Zothansanga (5);VL Remruata (4); Silvana Lalruatkima (2); HK Lalhruaitluanga (2), Lalruatfela Tlau (2),Lalrintluanga (2); Lalmalsawmtluanga (1)

Mizoram 2 – 1 Railways
MIZ : Lalmalsawmtluanga; M. Lalrintluanga

Mizoram 8 – 0 Bangladesh
MIZ : Lalmalsawmtluanga; Lalrintluanga (2); C. Lalduhawma (2); V.L. Remruata; M. Lalrintluanga; H.K. Lalhruaitluanga.

Quarterfinal
Mizoram 0 – 0 Sports Authority of India (SAI)
Penalty shootout-ah Mizoram 5-4 in an chak.
Mizoram tan M. Lalrintluanga, Silvana R. Lalruatkima, P.C. Lalruatpuia, H.C. Remruata leh HK Lalhruaitluanga ten penalty-ah an pet goal.

Semifinal
Mizoram 1 – 6 Atletico Paranaense
Miz : Zothansanga

Mizoram Squad

#	Hming	Veng/Khua	NCC	SIK	CAR	RAI	Ban	SAI	ATL	TOT
1	C. Lalduhawma	Serkawn, Lunglei	1		7		2			10
2	Zothansanga	Khawlailung			5				1	6
3	VL Remruata	Kolasib			4		1			5
4	Lalrintluanga	Hnahthial			2		2			4
5	HK Lalhruaitluanga	Chanmari, Lunglei			2		1			3
6	Lalmalsawmtluanga	Republic veng, Aizawl			1	1	1			3
7	Silvana R. Lalruatkima	Luangmual, Lunglei	1		2					3
8	Lalruatfela Tlau	Ramthar, Aizawl			2					2
9	M. Lalrintluanga	Farm veng, Lunglei				1	1			2
10	Jones Lalthakima	Khatla, Aizawl								0
11	Lalrohlua	Venghlun, Lunglei								0
12	R. Lalnunmawia	Vairengte								0
13	Lalsangliana Guite	Chanmari, Lunglei								0
14	PC Lalruatpuia	Mualthuam North								0
15	HP Lalremruata	Serkawn, Lunglei								0
16	K. Lalramliana	ITI veng, Aizawl								0