Premier League season a in tan a, club in player zawngin an la bazar chho mek zel a. Financial Fair Play Rules karah club hausa leh hausa lo te thil tihtheihna a in anglo chho viau. Player bazar chungchangah Premier League champion tum manager pahnih tawngkam feikibar in an inbei nghal piap piap mai!
Jorgen Klopp chuan player transfer chungchangah an club Liverpool leh Man City, Chelsea leh PSG te chu an in an loh thu a sawi chhuak a, “Keini chu kan hmuhchhuah chauh hman min phaksak a, an ni chuan hman tur chin bithilah an neilo a niang” tiin Jack Grealish £100 Million an lei hnuah Harry Kane la beisei Man City ang an nih ve loh thu a sawi a.
Chu thu chuan Pep Guadiola thin a khei ve zak mai! Financial Fair Play Rules hnuaiah vek thil an tih thu leh club neitu ten player a duh lakna sum an ui ve loh thu a sawi. ” Club neitu thenkhat chu hlawkna um nan a hmang an awm a, thenkhat chu chutiang an nilo, chuvangin team hi sumdawnna an hmanglo a, team kan siam lian theih phah a ni. Tun hma chuan team hnih khat vel chauh an awm, tunah chuan Chelsea neitu Roman leh kan club neitu Sheikh Monsour te football hmasawnna atana sum hmang phal an awm ta. Chu chu eng pawina, Financial Fair Play Rules kan zawm tho si te chuan!. Min ringhlel a nih chuan an duh leh courtah te zualko mai rawh se” a ti piap piap ta mai.
“Grealish kan leh theih chhan chu £60m in player kan hralh a, £40m in kan lei tihna a ni. Club neitute hian sum hloh ringawt chu an duh biklo, mahse hmasawnnan sum hman an ui lo. Tun hma deuh khan Man Utd khan titles tam tak an lo la tawh thin a, club dang zawng zawng aiin sum pawh an hmang hnem ber. In theihnghilh tawh em ni? Khatih lai chuan Man City in kan ti ve thei hleinem, tuna kan club neitute hi kan la nei ve tlat lo”
“Liverpool pawh player tha lutuk Van Dijk leh Alisson te an lei thei a, Champions League leh Premier League an la lak phah a, sum sen ngam chuan hlawhtlinna pawh a lei theih a lawm, tunah sum sen hnem an duh lo a nih chuan an mamawhlo a niang chu, a nihloh pawn an club neitute vang a niang chu, ka hre velo le, ka va tel ve tawh silo a” tiin Liverpool neitu in Man City ang a sum an hman ve loh leh 2019-20 a Man Utd neitu ten £23m lai an hlawkna an lak let chu na takin a kap let bawk
