Sum lama hmasawn, chawimawina lama hnungtawlh Arsenal

Season kalta khan Arsenal a khel te hi an kum chawh rualin kum 22 vel bawr an ni. Boruak sang ah an zam nia Arsene Wenger in a hriat avangin tun season hian an kum chawh rualin kum 25 velah dah san a ni a (kum 29 mi Mikel Artetea, kum 27 mi Per Mertesacker leh kum 31 mi Yossi Benayoun ten an ti sang). Hmasawnna chu lang deuh mahse thawmthat ngai nia lang te a awm belh zel.

Highbury atanga Ashburton Grove (tuna Emirates Stadium) a insawn theihna hi Arsene Wenger vang a ni tih chu hai rual anilo. Club hausa zinga lang ngai lemlo Arsenal te hi tun kum sawm chhung hian nasa takin a thang a (sum lamah), lawmman dawn lamah a hnungtawlh thung. Hetah hian chak duh manager Arsene Wenger nge dem tur thuneitu sang lam Board of Directors te zawk tih hi sawithiam a har khawp mai. Arsenal in lawmman nge a um sum tih lai hi chu hriatthiam a har thin. Duhamna in chintawk a neihloh chuan Arsenal hi a ral mai ang tih a hlauhawm.

Arsenal ah hian dan khirh tak vawn tlat a ni a. Arsenal ah hian player te hlawh tur chin bituk a awm. Wenger in tihsual lian tak a neih chu hman kum a player kum 30 chunglam te contract a pawtsei tha duhlo kha niin ka hria a. Arsenal chetsual intanna hi midfield a ni a. Captain Patrick Vieira leh Gilberto Silva an chan kha Wenger pawhin a rinai chuan a tawrh nasat a rinawm. Tun kum sawm chhung a player tangkai chhuak ta te hi sum tam zawk beisei vang leh inremna tha zawk a awmloh vang a chhuak te an ni hlawm. Hei hi Arsenal sum duh luat vang niin a lang.

Arsene Wenger hian player lei nan hian ‘budget’ lian lemlo a nei a, a hmang tangkai thin hle. Heng a lei te tangkai hnua a chelh theihlohna hi chu a tlakchhiatna a ni leh hlauh thung. Heng te pawh hi Arsenal hotute sum lama an khirh vang bawk niin a lang. Alexander Hleb, Mathiu Flamini te hi chu an ral ta mai zawng chu anih hi. Arsenal siamthatna turin sum pek anih hian player inleina hun (transfer window) tawplam a ni tawh thin a, manto taka lei an tum ve te pawh hi an beidawng leh thin anih hi. Hemi kawngah hian Arsenal hotu te zinga club dang va dawrtu Ivan Gazidis te hi a che muang deuhin a thlak tak David Dein kha tluklohna a nei lian hle. Gazidis sawi ngun tak mai chu player tha lei ai chuan player tha neihsa te chelh tih a ni a. Tun hnaia Mikel Arteta, Per Mertesacker, Yossi Benayoun leh Park Ju Young te hi hmanhmawh thil a lei an ni tih a chiang hle a, hei hi player in lei hun a chet muan vang a ni. Arsenal ah hian siamthat tur a awm belh zel.

Tuna Arsenal player neih te en hian beisei pha theilo Andrey Arshavin, Maruoune Chamakh leh Theo Walcott te hi langsar zual te an ni a. Chamakh leh Arshavin hi chu nipui ah hian an chhuah ngei a rinawm tawh a. Contract tawp hnai, hlawh tam zawk phut Walcott hi chu hma a sawn loh avangin Arsenal hian a chelh zui vak a rinawmloh, a hlawh phut a tihniam te anih loh chuan. Player te hi an par vul lai a reilo hle a. Hlawh tam pek pawh an phu hliah hliah. Arsenal hi a fimkhur a, player te hian an phu anih chuan sum tam tak pek chu an hreh lovang, amaherawhchu, player dang te nena inthlau lutuk a pek chu an pek a rinawmloh. Arsenal a player te hi an tha chho zel anih chuan hlawh bituk pawh muangchangin a chho ve zel ang tih chu a lang thung.

Heng ka sawi te atanga lang chu Arsenal hi club hausa nilovin club hausa nih tum niin a lang a. Arsenal hi a dawhthei hle niin a hriat bawk. Amaherawhchu, heng te hi a thlen mek laiin Arsenal tantu te dawhtheihna in a tlin seng ta lo nia hriatna a awm a. Arsenal, khirh tak mai hi mi pahnih Stan Kroenke (USA a basketball leh ice hockey team nei thei) leh Alisher Usmanov (Chelsea neitupa Roman Abramovich aia hausa) te pawhin lei an duh reng a. Club dang te ang a mi pakhat in a lei ve mai theihloh Arsenal hi club dang hausa tak tak te kara ding ve tur hian theihna a nei em tih hi engtia rei nge kan inzawh dawn tih hi chu a tantu te inzawhna lian tak a ni thung ang. Eng nge i ngaihdan ve le?

9 thoughts on “Sum lama hmasawn, chawimawina lama hnungtawlh Arsenal

  1. Pingback: US viagra

  2. Cleverley VRT

    Kei chuan Wenger a kal dan phung hi tha ka ti, board lam te hi an duham em a tin ni, champion thei hrih lo mahse a hun chu a lo la thleng em em ang, chumi a lo thlen hunah chuan arsenal ah hian wenger hi ala awm angem tih erawh zawhna chhan theih loh ani.

  3. hruaia kawlni

    Tha khp mai,keicu ka tuina br futbol hian Arnl leh Ajax te vag hian lunggaihna min thlen hnem ta khp mai,Asnl bikah cuan a transfer policy hi athlak anh loh cuan kn pu hi cu thlak th my ka duh,level puite kn phalo reita ltk e

  4. Lr hlonchhing

    Arsenal fans nih chu a hahthlak thin khawp mai. Tun season ah ngei pawh hian, cup an chawi theihna tur avang khawp mai.
    Champions League lamah beisei a rawih leh tawh bawk nen.

  5. Lalzarzova

    Good Post
    Arsenal fans dik tak in anmahni chhungkaw chungchang an rawn sawi hi a hlu bikin ka hria. Arsene Wenger hi pakhat a ni ve a, tun dinhmun an thlen theihna chhan pawh hi amah vang hi a ni. Chutihrualin tunlai mil zela a khawsak ve chu a ngaiin ka hria.

  6. ben vangchhia

    Bengvarthlak e.. FIFA08 atang khan 12 thlengin Arsene a tih dan Copy in Club te nau ka enkawl a, ka siam lian thin.. Hehe.. Hepa hi Finance Minister atan ka awt khawp mai..

Leave a Reply

Sum lama hmasawn, chawimawina lama hnungtawlh Arsenal

Season kalta khan Arsenal a khel te hi an kum chawh rualin kum 22 vel bawr an ni. Boruak sang ah an zam nia Arsene Wenger in a hriat avangin tun season hian an kum chawh rualin kum 25 velah dah san a ni a (kum 29 mi Mikel Artetea, kum 27 mi Per Mertesacker leh kum 31 mi Yossi Benayoun ten an ti sang). Hmasawnna chu lang deuh mahse thawmthat ngai nia lang te a awm belh zel.

Highbury atanga Ashburton Grove (tuna Emirates Stadium) a insawn theihna hi Arsene Wenger vang a ni tih chu hai rual anilo. Club hausa zinga lang ngai lemlo Arsenal te hi tun kum sawm chhung hian nasa takin a thang a (sum lamah), lawmman dawn lamah a hnungtawlh thung. Hetah hian chak duh manager Arsene Wenger nge dem tur thuneitu sang lam Board of Directors te zawk tih hi sawithiam a har khawp mai. Arsenal in lawmman nge a um sum tih lai hi chu hriatthiam a har thin. Duhamna in chintawk a neihloh chuan Arsenal hi a ral mai ang tih a hlauhawm.

Arsenal ah hian dan khirh tak vawn tlat a ni a. Arsenal ah hian player te hlawh tur chin bituk a awm. Wenger in tihsual lian tak a neih chu hman kum a player kum 30 chunglam te contract a pawtsei tha duhlo kha niin ka hria a. Arsenal chetsual intanna hi midfield a ni a. Captain Patrick Vieira leh Gilberto Silva an chan kha Wenger pawhin a rinai chuan a tawrh nasat a rinawm. Tun kum sawm chhung a player tangkai chhuak ta te hi sum tam zawk beisei vang leh inremna tha zawk a awmloh vang a chhuak te an ni hlawm. Hei hi Arsenal sum duh luat vang niin a lang.

Arsene Wenger hian player lei nan hian ‘budget’ lian lemlo a nei a, a hmang tangkai thin hle. Heng a lei te tangkai hnua a chelh theihlohna hi chu a tlakchhiatna a ni leh hlauh thung. Heng te pawh hi Arsenal hotute sum lama an khirh vang bawk niin a lang. Alexander Hleb, Mathiu Flamini te hi chu an ral ta mai zawng chu anih hi. Arsenal siamthatna turin sum pek anih hian player inleina hun (transfer window) tawplam a ni tawh thin a, manto taka lei an tum ve te pawh hi an beidawng leh thin anih hi. Hemi kawngah hian Arsenal hotu te zinga club dang va dawrtu Ivan Gazidis te hi a che muang deuhin a thlak tak David Dein kha tluklohna a nei lian hle. Gazidis sawi ngun tak mai chu player tha lei ai chuan player tha neihsa te chelh tih a ni a. Tun hnaia Mikel Arteta, Per Mertesacker, Yossi Benayoun leh Park Ju Young te hi hmanhmawh thil a lei an ni tih a chiang hle a, hei hi player in lei hun a chet muan vang a ni. Arsenal ah hian siamthat tur a awm belh zel.

Tuna Arsenal player neih te en hian beisei pha theilo Andrey Arshavin, Maruoune Chamakh leh Theo Walcott te hi langsar zual te an ni a. Chamakh leh Arshavin hi chu nipui ah hian an chhuah ngei a rinawm tawh a. Contract tawp hnai, hlawh tam zawk phut Walcott hi chu hma a sawn loh avangin Arsenal hian a chelh zui vak a rinawmloh, a hlawh phut a tihniam te anih loh chuan. Player te hi an par vul lai a reilo hle a. Hlawh tam pek pawh an phu hliah hliah. Arsenal hi a fimkhur a, player te hian an phu anih chuan sum tam tak pek chu an hreh lovang, amaherawhchu, player dang te nena inthlau lutuk a pek chu an pek a rinawmloh. Arsenal a player te hi an tha chho zel anih chuan hlawh bituk pawh muangchangin a chho ve zel ang tih chu a lang thung.

Heng ka sawi te atanga lang chu Arsenal hi club hausa nilovin club hausa nih tum niin a lang a. Arsenal hi a dawhthei hle niin a hriat bawk. Amaherawhchu, heng te hi a thlen mek laiin Arsenal tantu te dawhtheihna in a tlin seng ta lo nia hriatna a awm a. Arsenal, khirh tak mai hi mi pahnih Stan Kroenke (USA a basketball leh ice hockey team nei thei) leh Alisher Usmanov (Chelsea neitupa Roman Abramovich aia hausa) te pawhin lei an duh reng a. Club dang te ang a mi pakhat in a lei ve mai theihloh Arsenal hi club dang hausa tak tak te kara ding ve tur hian theihna a nei em tih hi engtia rei nge kan inzawh dawn tih hi chu a tantu te inzawhna lian tak a ni thung ang. Eng nge i ngaihdan ve le?

Leave a Reply