June 1 – 3 chhung hian India ram khawpui hrang hrang a mizo awm te, nipui chawlh chhunga in tihhlim leh in hmelhriat tawn nana tih Summer Sport chu neih alo ni leh dawn ta reng mai. Kumin hian Hyderabad lamin an thleng dawn a, Inbuatsaihna pawh akal mek a. He sport ah hian Item hrang hrang a awm dawn a, Zofooty chuan Football bik chu a theih anga cover kan tum dawn a, Phai lama awm te pawhin in khua ami te inkhel chanchin lo ngaihven nan in lo hmang thin dawn nia.

Football hi June ni 1 & 2 ah lammual a khelh tur a ruahman ani a. Heta tan hian Lammual pawh biak fel vek tawh ani. Team 14 tel thei tur a in report an awm a, Hun a tlem deuh avangin leh beisei lawk aia khel tur team an tam tak avang hian bye pahnih siam ani a (hei hian match khat in a titlem thei chiah a), Chuan Final match thlengin match 13 a awm ang. Game tin hi minute 20:5:20 a khelh tur ani a. Hun a chep dawn avangin mahni khelh hun atanga minute 15 a thleng kimlo chu a awm zat zat lo khelh tir an ni anga, a awm ang hi mi 7 an tlin loh chuan walk over anni ang.

Summer sport football hi professional hlang inkhelh na tihloh ah Mizoram football ah chuan a pui ber pawl ani. India ram khawpui hrang hrang a awm te inkhel thiam tak tak te mai bakah hian football eizawn nana hmang (Professional) te pawh an rawn tel ziah na a ni a. Heng Professional footballer te hi India ram aiawha lo kal tawh te, Mizoram aiawha lo fehchhuak tawh te, I-league club a player pawimawh tak tak te an nih thin avang hian a tournament level hi a sang vet vet hle ani. Hemi avang hian MFA lam referee tura rawih hial a ni thin reng ani.

Khawpui tinin professional footballer kan lo neih theih vek tak siloh ah chuan player khairual turin summer sport committee chuan rules siamin, professional te hi team khat in 4 bak an chhawr thei lo a, chu pawh chu vawi khatah field ah mi 2 bak an awm theilo bawk. Tin professional player neilo academy a awmlai neite chu mi 6 phalsak anni a, field ah 4 in vawi khatah an khel thei ani. Kumin hi Lammual, grass a khelh chak vek kan nih avangin substitution pawh 5 phal sak ani dawn a, player pawh 18 awm tura tih ani. Hemi dan hi bawhchhiah an lo awm a, an hriatchhuah chuan in report nghal tur ani a, ahmunah khawtin represent ten ngaihtuah nghal in an thuthlukna chu thutawp ani ang.

Kan sawi tawh angin khawpui tinte hian professional footballer te an rawn thawhchhuah pui leh dawn a. Mahse professional footballer te hi an insawn ve reng avang hian khawi khawpui in nge tunge an rawn thawhchhuah pui tur hriat ala ni lo a. Bakah tunge chawlh rawn hmang thei anga, tunge haw tura beisei haw leh theilo tur tih hriat ala ni loa, team tin ten team dang te chu an chhui ru reng tawh ani. Delhi lamin Jeje-a an rawn thawhchhuak maithei tih thuthang a awm bawk a, team dang hian tutak rawn thawh chhuak ve ang maw?

A fixture hi ni 29,may khan siam fel ani a, a hnuai ami ang hian ani ang. Amaherawh chu a inkhel hmasa tur hi sawi theih ala nilo a, a chhan chu opening ceremony ah hian kan kal thatloh hlauh vang ani. A hmunah inkhel hmasa tur hi pawh chawp tur ani. (Kan inkhelh hun kan hriat lawk chuan first match khel tur team pahnih chauh an kal dawn a, midang chu an khelh hunah an kal dawn chauh si a)

Inkhelh hun nghak in team tinte an in puahchah tan tawh a, ei leh in te ti tha in excer pawh an la tan tawh hlawm a. A inkhelh hun hi a nghahhlehawm a, a hmuhnawm leh dawn a, boruak a tang leh dawn a. Aizawl a awm, football ngaisang tan chuan en ngei chi ani, entry fee a awm lo a, heng teltur khua a awmlo, in kungkaihna reng reng neilo inih pawhin i en thei a, thuthleng khat iva luah ve kha an lo ‘welkham’ zawk em em ang che.