Summer Sports 2010 Football-ah Kolkata Mizo an Champion. Kolkata hi an vanneih vanga Champion ah kan ngai a ni maithei mahse Champion dik tak anni in ka hria.
Kawng awlsam a ni lo!
Chandigarh Mizo first match ah an hneh a. He Chandigarh Team hi team satliah anni lova, tun tournament a tel team tha pali thlang dawn ta ila, he team hi chu an lang ngei ang. Chu team chu an hneh tlat si.
Quarterfinal ah Champion lai Chennai Mizo an hneh a, Chennai Mizo kum 4 chhungin vawi li final an lut a, vawi khat chiah an Champion lo. Final a hnehtu chu Kolkata tho anni. Chu chuan Chennai laka Kolkata chungnungna a lantir a ni.
Semifinal ah a thlengtu Hyderabad Mizo an hneh a. Summer Sports hi khaw lian chin chauh in an host thin avangin a thlengtu tum hi thil huphurhawm tak a ni. A thlengtu an hneh thei hi an ropui hle.
Final ah team tha ber Delhi Mizo an hneh thei hi thilmak annih rualin an thatzia an pholang niin a ngaih theih. Chutihrualin team tha ber an Champion kher lo tih a lantir bawk.
Vannei tur chuan thiam a ngai!!!
An thiam zia han tarlanna tur tam tak a awm thei anga, chutiang zinga pakhat chu i han tarlang teh ang.
Kolkata in Chennai lakah 2-1 in hma an hruai a, Chennai in an Champion Nomawi humhim ngei tumin an nawrlet a. Mahse an Freekick mawi tak avang chuan Chennai beiseina chu a thamral ta a ni. Hetiang anga freekick an pet thei hian vannei ringawt chu anni lo tih a lantir in ka hria. Engnge in ngaihve dan le?
+ There are no comments
Add yours