“Pathian ropui a lantir a, mite nun thlak a, khawvel pumpui a sport hmanga Pathian thu puan” chu an tum ber ani. “Khawvela infiamna lar ber football hmanga mite nena in laichinna tha siama, in kawmngeih a, chanchintha hril,” chu an din chhan ani.

An din chhoh dan : Tim Conrad-a’n kum 1983 khan California a La Habra-ah Football hmanga chanchintha hril thu ngaihtuah chhuak in Missionary Athlete International hi alo din chhuak a. A kum leh 1984 ah Dave Irby chuan MAI hi zawm ve leh in a ni hi full time worker hmasa ber ani. Staff leh member te an lo pung zel a. Pathian malsawmna in an programme leh mihring lamah kiam lam aiin pun lam leh hmasawnna lam an la pan char char ani.

Chutia an lo pun tak zelah chuan Los Angeles mai piah lamah an office te pawh alo ?hang ve zel a. 1990 ah chuan Bolton ah office thar an hawng a, heihi LA pawn lama an office hawn hmasak ber ani. 1991 ah chuan Charlotte-ah an hawn belh leh a. Kum 1992 ah Colorado ah office thar an hawng leh a hei hi International Headquarter alo ni zui ta ani. 1994 alo nih chuan US atanga che chhuak in US pawna an office hmasa ber Czech Republic-ah an hawng ta hial ani. 1997 ah pawh chicago ah office thar dang an hawng leh a. England-a an office chu independent body niin “Ambassadors in sports” hnuaiah function hrang neiin an lo awm ta hial ani.

Evangelism : Football hmanga pathian thu thehdarh chu thil awl ai ani miahlo. MAI te hian football team te siamin, football camps te an siam a. Tin, tour te anneih pui thin bawk a. Hetiang hun an huaihawt hi remchangah la in member kal te hnena Pathian thu hril nan te an hmang thin ani. Heng programme an buatsaihnaah te hian an mahni mai bakah organisation hrang hrang atang te in phungbawm sawmin an mamawh chi hrang hrang te an hmu ve thin bawk a, an in daihloh na laiah te pawh pui tu an sawm thin bawk ani.

Enge an tih? : MAI hian football kaihhnawih thil heng camps, training, tour, adt. te bakah hian football team hi US bik ah chuan an nei a. Heng an programme ah te hian puitling mai bakah naupang tam tak lut ve thin a, college kal lai te tana a remchan tur ang zelin summer camp te pawh an buatsaih thin ani.

MAI hian USA ah football team pathum lai an nei a.  Charlotte eagles te hi professional team an ni a, United Soccer League (USA) ah second division anni mek a. Charlotte Lady Eagles leh Southern California Seahorses Premier Development League team te annei bawk a. Pathian thu nena kalpui anni bawk a, Charlotte Eagles te hian an khelhna league-ah chuan fair play award an dawng reng bawk ani.

A tir lamah chuan football khelha chuan tharum thawhna te a tam si a, thinrimna tur a tam thin bawk nen, organiser te pawh hian an huphurh ve khawp mai a. Mahse an thawhrah te chu Pathian in mal a sawm a, an player te nunphung leh cheziaah te nasa takin an christianna a lang a. Ringlo mi, an team a lut te pawh ringtu tamtak an awm phah tawh a. Football hi chanchintha hrilna hmanrua tha takah an hmang tak tak ani.

An awmna te : MAI hian Czech Republic leh Ukraine ah te office annei a. He mi hmun hnihah pawh hian an awmna hmuna kohhran te nasa takin an puih bakah, sport kaltlanga gospel hrilh thei turin ministry din thei turin midang an pui nasa em em a. Para-church thlengin training leh seminar-te huaihawt in chanchintha hrilnaah nasa takin hma an la ani.

Mizoramah : Mizoram hi kristian ram, za a za kristian in ti ram kan ni a. Chanchin tha hril dan chi hrang hrang kan ngah a, kan chanchin tha hril naah kan chep lo a, duh thalin kan hril thei a. Tin, Pahtian thu kan sawi hian mi zawng zawng tih theihin an ngai pawimawh a, Pathian thu hril tute chunga that kan chhuah em em na hmun ani. Tin, football lar em em na state ani bawk a, camps, training leh tournament pawh kan ngah.

Enge kan tihtheih? : Club te tana Pathian thu nena han tih mai chu a har deuh maithei e. Mahse gospel team tamtak kan nei a, a team ang pawh nilo, speaker leh midang pahnih khat te kan club te training leh camp lai te hian a khat mawi tawk hian ruai thin ila, kan player te rilru ah chanchintha leh kristian nundan mawi tuh ta ila, field pawn chauh pawh nilo field chhunga inkhelh lai thleng a an chhawm theih turin an rilru ah tuh thei ila. Chu bakah club a player leh staff hrang hrang te tan hian kum khatah gospel camping vawi khat tal huai hawt ni ta se hmasawnna tamtak chu a awm ngei ang.

Enge a thlen ang? : Kan player te hi Pathian thu nena hrual ni ta se kan game te hi a mawi phah thei angem? Player te hian nunchang mawi leh felfai takin khel ta se inkhelah buaina kan tawh fo leh phakar te hi a tlem deuh thei angem? Tin kan player te hi field chhung leh pawna an nungchang a mawi sawt anga, kan ngaisang zual sawt thei angem? Kan player tamtak, tha tak tak te, phai lama an awm a zu leh nungchang thalo avanga kan chan fo te hi a ti zia awm thei bawk ang.

A tawp berah chuan Pathian ?ih tute chu Pathianin a ensan ngai lo a, mal a sawm zual zawk thin. Chuvangin game mai piah lamah nun dan hrang hrang ah te pawh nasa takin hma an sawn in hmun sang zawk an thleng thei ngei ang.