Swedish International Rasmus Elm, Dutch club AZ Almaar tan a khel mek chu Russian capital club CSKA Moscow chuan an la lut fel ta.

CSKA Moscow hian €6 million vel an seng ni a hriat a ni a, CSKA Moscow hian kum thum chhung atan he Swedish International hi an la a ni. Kum 24 a upa hian Eedivise side tan hian vawi 83 zet a khel tawh a, goal 18 zet a pet lut a ni.Elm hi Sweden tan vawi 26 a in lan tawh a,Euro 2012-ah pawh khan an ram kawr a ha bawk.

Elm hian dawr tu neuh neuh a nei nual a, Lazio leh Tottenham te pawh pawh amah beisei tu langsar an ni, chutih lai chuan CSKA hi apan ta zawk a ni.CSKA players thar chuan “Russia-a inkhelh hi ka chak a, sik leh sa boruak chu danglam viau mahse, he hunah hian football a nung a, chona thar hmachhawn hi ka chak tawh a, ka tan pawh hian hmasawnna a nih ngei ka ring a, ka beisei bawk a ni,” a ti.