TAWI NAWI

Estimated read time 2 min read
# Belgium head coach Roberto Martinez chuan kum 2022 World Cup zawh thleng atan a contract neih lai a pawtsei. Kum 46 a upa Martinez hian kum 2016 atang khan Belgium hi enkawl tanin 2018 World Cup – ah khan pathumna a nihpui a, tunah hian FIFA Rankings – ah pakhatna an ni mek a ni.
 
# Premier League club Watford leh Burnley te chuan nimina Premier League thuneitute’n Covid – 19 kai mi paruk an puan zingah khan an club mi leh sa an tel thu an puang. Burnley chuan an assistant manager Ian Woan chuan he hrileng hi a kai tih sawiin Watford pawhin positive zingah hian an player pakhat leh staff pahnih an tel thu an sawi a, midang pahnih te khelhna club hi la puan zar a ni lo thung.
 
# South Korean club FC Seoul chu an home match – ah entu te thutnaa ‘sex doll’ 30 ngawt an lo dah avangin K-League in an ram pawisa won maktaduai 100 (Rs. 6.157,700 vel) an chawitir. He thil thlengah hian FC Seoul hian pawi an tih thu thuchhuah siam nghal mahse puitling lam rawngkai hi South Korea – ah khap a nih avangin hremna an pumpelh ta chuang lo a ni.
 
# Tottenham defender Serge Aurier chu social media – a a thil post – ah ‘socia distancing’ a bawhchhia nia a lan avangin Spurs chuan he thil thleng hi an chhuichian tur thu leh a tur anga hma an lak thu thu an puang. Kum 27 mi hian a inah lumet (barber) koin an thlalak dunna chu a post darh a, England – ah hian July ni 4 hma chu mi tumah inleng neih phal a nih loh avangin ‘lockdown rules’ bawhchhiat vangin a vawi thum nan hremna tawk thei dinhmunah a ding mek.
C Tlanthianghlima

Football tui ve tak

You May Also Like

More From Author