TAWI NAWI

# Indian Super League club Odisha FC chuan season liam taa Aizawl FC player pawimawh pahnih Paul Ramfangzauva leh Isak Vanlalruatfela te an lakluh thu an puang. Kolasib Vengthar tlangval Paul-a hian kum 3 daih contract ziakin winger beiseiawm tak Isak-a hian kum 4 daih contract a ziak thung.
 
# Indian midfielder tawnhriat ngah Lenny Rodrigues chuan a khelh mekna ISL club FC Goa tan kum hnih daih contract thar ziakin kum 2022 thleng a cham ang. Kum 33 a upa Goan midfielder hian kum 2018 atang khan an khaw club tan hian khelin Indian Super Cup a chawi pui tawh a ni.
 
# Chelsea winger Pedro chuan tun season tawpa a contract zawh rualin Italian club Roma a zawm dawn. Kum 32 a upa hian Roma – ah hian kum hnih daih contract a ziak phawt ang a, inbiakremna a zirin kum khat dang atan pawhsei theih a ni ang. Barcelona star hlui hian kum 2015 khan Chelsea hi zawmin game 201 – ah goal 43 a thun a, Premier League, FA Cup leh Europa League te a chawipui hman.
# Premier League a inum mek Liverpool leh Manchester City te July ni 2 – a an inhmachhawn tur chu fans punkhawm hlauhthawn thuah neutral ground – a khelh turin ruahmanna awm mahse Manchester City Council safety advisory group chuan Etihad Stadium – a an khelh a phalsak. Liverpool hi champion tura rinkai ber ni mekin zanin inkhelah City hian Chelsea an hneh zo lo a nih chuan The Reds hi an champion thei dawn a ni.