TAWI NAWI

# beIN SPORTS in an tarlan dânin Chelsea chuan an midfielder N’Golo Kante chu tun nipui transfer bazar inhawngah hian hralh an phal.

Blues manager Frank Lampard chuan France International kum 29 mi hi chhuahtir a hnial lo va, a aiawh zo tur midfielder an neisa ah a inngai niin report hian an tarlang a ni.

Hetiang thâwm a awm tâkah chuan Kante chu a pu hlui Antonio Conte chuan a ngaihven zui nghâl ni a sawi a awm a, French midfielder hian a pu hlui hi zawm a hnial lêm lova sawi pawh an awm leh dêr tawh mai !

# Bayern Munich winger Kingsley Coman chu Manchester United in an ngaihven niin The Athletic chuan an tarlang.

The Athletic chuan United hian lakluh an duh ber chu Jadon Sancho niin an tarlang a, chutihrual chuan Coman pawh an ngaihven hle niin an tarlang bawk.

Red Devils hian Coman hi loan in emaw a nghetin emaw lakluh pawi an ti lo va, Bayern Munich nen pawh a thuphunga inbiakna an nei tawhin French hmatawng pawh hian Old Trafford pan hi a hnial lo hle niin khawthlang lam chanchinbu hian an tarlang bawk a ni.

# FA Cup semi-final a Manchester City an hneh ṭuma inhliam Arsenal center-back Shkodran Mustafi chu tun season-a Gunners in match khelh tur an la neihah te a hliam a dam hman dawn loh avangin a inlan thei tawh dawn lo.

Arsenal hian tun seasona league game hnuhnungberah Pathianni hian Watford an mikhual dawn a, tin August 1 zanah FA Cup final Chelsea nen an khel dawn bawk a ni.

# Serie A club Napoli chuan Victor Osimhen chu Lille aṭangin an €60m bâkah bonus eng emaw zâtin an lalut dawn ta.

Hun eng emaw chen an indawr hnuah Nigerian forward chuan Napoli a kum 5 daih contract ziak turin inremna an nei fel thei ta a, Napoli hian official a an puan thuai rin a ni.

Osimhen-a man hi €81m thlengin a sâng thei dawn a, tin an inremnaah kum 5 daih contract bâkah hian kum khat dang pawhsei theih turin an inbe fel bawk a ni.

# Liverpool center-back Dejan Lovren chuan Zenit St. Petersburg chu €12m in a zawm hnai a, club pahnih inkarah leh mimal contract turah pawh inremna a awm tawh niin a lang.

Defender kum 31 mi hian 2014 khân Southampton aṭangin £20m in Liverpool hi a pan a. Reds tân game 185 inlanin hemi hunchhung hian Premier League, UEFA Champions League, UEFA Super Cup leh FIFA Club World Cup te a chawi a ni.