# Chelsea hian Bayer Lverkusen attacking midfielder goal thun harsat lo tak Kai Havertz lak theih an inbeisei. German international kum 21 mi hian London club zawm a duh a, a man chungchangah club pahnihte an la inrem thei lo. Chelsea hian Bayer lamin a man atana an chhiar zat chu £10m velin an la phak lo.
# An tlar hnung pawp thawm phui tum Arsenal chuan Lille atangin Brazilian centre-back Gabriel Magalhães an la hnai niin a lang. Kum 23 mi hi Arsenal-in Napoli hmakhalha an hmin thawkhat tawh hnuah sum hmachhuan Manchester United leh PSG an lo lang a, indawrna a sukuk lek lek hman. North London club hian kum 5 daih contract zawrha hlawh pun an tiam hnuah a lungawi ta zan niin a lang.
# Manchester City chuan Napoli defender Kalidou Koulibaly lak an tumna kawngah harsatna an tawk rih. Naples club hian Senegal international kum 29 mi thlakna tura an beisei ren rawn Gabriel Magalhães chu Arsenal-in an lakkhalh dawna a lan avangin midang an zawn leh rih a ngai.
# Juventus chuan inthuah fai chhunzawm hna thawk zelin Inter Miami lama Blaise Matuidi an thehthang hnuah an player hlawh tam si, tangkai vak si lo Higuain leh Khedira te contract tihtawp dan an ngaihtuah. Kum khat ve ve contract an la neih chhunga an hlawh tur pek tlak a, thlah fel an tum. Andre Pirlo ruahmannaah an tel lo.