Carlos Tevez chuan Manchester Senior Cup Semi-Final-a Manchester City reserves leh Bolton reserves inkhelh tumin thla 5 hnua mipui hmaa a inlan leh hmasakna ber tawngin kum 19 mi Harry Bunn nen City hmatawngah an khel dun.
He match hi Manchester khuaa a kir leh hnua a vawi hnih inkhelhna niin kar hmasa khan entu awm lovin Preston a hmachhawn tawh a. Nimina mipui hmaa a inlan leh hmasakna berah hian mipuiin an lawm hle a ni.
He inkhelah hian City hian 3-1 a hnehna changin Tevez hian goal khat a khung nghe nghe a. Free kick atangin goal dang a thun belh leh teuh hle bawk.
Tevez chuan inkhelh leh chu nuam a tihzia sawiin, “Thutlukna dik lo tak ka lo siam tawh avang khan ka inchhir a, mahse, City fan-te hnen atangin min tantu an tam tih ka hriat avangin first team-a khelh leh vat vat ka chak tawh hle a ni.” a ti. Hetih lai hian City boss Mancini chuan Tevez chu first team football khelh hmanhmawh lo turin a ti a, “Hun rei tak a inkhelh loh avangin match fitness a neih theih nan nasa lehzuala a training a ngai dawn a, top class football khel leh tur chuan a nghah deuh a la ngai ang.” a ti.
Nia, Tevez-a che hi hmuhnawm ve hrim hrim. piantharna chang mawlh teh se.
Carlos Tevez hi player tha takah ka ngai mai a ni lova, mi bikah ka ngai tlat. Champion thei bik playerah ka ngai bawk. Man City hi BPL ah an Champion anih chuan vai film takin Tevez hi a changtupa anih ka ring tlat.
Comment no 3 hi ka like mawlh mawlh e. Admin te chungah ka post phuailuai tak min siam that avangin ka lawm e.
Man city tan lo tan chuan Tavez hi khel hrih o se an ti ngawt ang,a chhan chu tavez hi a la hlauh awm a ni… Man city ai chuan Tavez (Lalthahnemngaia) ka tan ve tlat..
# 3 : Bmafanai : i comment hi ka support e !! Nie, ZoFooties ho chuan tawngkam i fimkhur ang u..
Ramenga comment no.4 ka like e.
Khai a, man city chu an hlauhawm leh sawt dawn ni maw..
Mihring hmelma chu Chapona hi a ni tih Tevez a nunah a lang e. Ka han sawi duh pakhat chu Zofootian ho hi mi pangngai tak in ni hlawm a, tawngkam uchuak Man uih, Chhesi, Archenal tih ang reng vel hi i hmang ve lovang u. gentleman takin a comment theih si a.
Tevez chu a tanawm ve hrim hrim a. A hmel hmuh vat beisei ang. Good post
Finalah Man Utd nen an intum dawn e,hmuhnawm ngot ang