The ‘SPECIAL ONE’ vs The ‘COOL ONE’

Zanin dar 7:45 hian Manchester United chuan Old Trafford-ah Tottenham an mikhual dawn a, hei hi tunkar tawpa Premier League match boruak lian ber niin Star Sports Select HD1 chuan an live dawn.

Team pahnihte hi table-ah a indawtin 5-na leh 6-naah awm mahse point 6 zetin an inthlau, Man. United tan an chunga awm Spurs lehpelh mai theih ni rihlo mahse hmasawn zel turin chak a pawimawh ngawih ngawih.

Tute nge inlan dawn a, inlan dawn lo? :
Manchester United defender Eric Bailly chu October hnu lama a vawikhat nan Premier League-ah a inlan thei dawn a, Chris Smalling leh Luke Shaw te hmel kan la hmu dawn lo va, Ukraine pan ve thei lo Michael Carrick leh Antonio Valencia te an khel dawn em tih ala chiang lo bawk.

Spurs lamah Toby Alderweireld kan hmu dawn a, a khup hliam dam hnua CSKA Moscow hmachhawntu hi a dam chiang tawh. Hetih rual hian an hmatawng 2 – Erik Lamela leh Vincent Janssen te erawh chhawr theih an ni dawn lo.

Manager thukhawchang :
Manchester United manager Jose Mourinho chuan Wayne Rooney chungchang sawiin: “Ka team-ah chuan a hmatawngah a khel zel ang, no. 9 position (striker) emaw no. 10 position (attacking midfielder) -ah a khel ang, a tul dana zirin a sir lam atanga ball la luttu(winger) ang pawhin a khel mai ang

“A hmatawnga awm tur a nih avangin a lak atang hian goal tam zawk pawh kan beisei a, player zawng zawng hnen atang hian goal kan beisei reng bawk.

“Zlatan Ibrahimovic hi chutianga kan beisei pakhat zing a mi a ni a, kan striker rinrawl a nih angin goal tam zawk a thun kan beisei zual pawh hi thil awm lo a ni hran lo.

“Hemi rual hian a hmatawnga awm zawng zawngte hnen atang hian goal kan beisei em em a ni,” tiin an hmatawngte atanga goal tam zawka beisei thu a sawi

Tottenham manager Mauricio Pochettino chuan Mourinho chungchang sawiin: “Ka tan chuan the Special One a ni reng a, a la ni zel bawk ang.

“Espanyol ka enkawl tirh atanga ka rawnte zinga mi a ni a, ka chungah a tha em em a, a inhawng reng a ni.

“Club thar enkawl hi thil awlai a ni lo, buai chang i nei fo ang. Ngaihdan leh pawm dan thlenga thlakthleng a ngaih chang a tam mai. Football chanchina manager tha berte zingah a tel a ni,” tiin a dahhniam lo hle.

Sulhnu :
*Manchester United hian Spurs an hmachhawn hnuhnung vawi 8-ah vawi 2 chiah hnehna an chang (D3, L3).

*Amaherawhchu, Tottenham hi Old Trafford-a Premier League an khelh tum 19-ah an tlawm tawh a, khualmuala an tlawm tam berna hmun a ni.

*United hian kum 2001-2012 chhung khan Tottenham hi 22 zet hmachhawnin vawi 17 an hneh a, vawi 5 erawh an in draw, tlawm an nei lo.

*Spurs hian Old Trafford-a an lenluh hnuhnung 26 atangin vawi 2 chiah hnehna an chang, chu chu September 2012 leh 2014 Kum Thar Ni kha a ni.

Manchester United
*United hian league match an khelh hnuhnung 8 atangin vawi 1 chiah hnehna an chang a, vawi 6 draw an nei.

*Game 14 atangin point 21 chiah an hlawhchhuak a Premier League-a bul an tan chhiat ber an tawng mek.
*Jose Mourinho naute hi tun season Premier League-a tlan tlem ber niin an ‘area covered’ a zim ber.

*Zlatan Ibrahimovic hian 2012-13 atang khan an muala league match vawi 70 a khelh atangin goal 71 a thun tawh!

*Wayne Rooney hian United tana goal thun tam ber Sir Bobby Charlton-a goal thun zat (249) thun turin goal 1 chiah a mamawh tawh.

Tottenham Hotspur:
*Spurs hi khual muala Premier League an khelh hnuhnung vawi 4 zet chu chak ni hmel hmu lovin an kal tawh a, hnehna an chan hnuhnun ber chu September 24 a Middlesbrough an hneh kha a ni.

*Mauricio Pochettino hian manager a nih hnuah khual muala Manchester United a hmachhawn hnuhnung 4-ah a hnehlo vek.

*Tottenham hi tun season Premier League a, an kum chawhruala starting XI nei naupang ber an ni a (25 years & 238 days).

*Harry Kane hian Premier League-a club hrang hrang 24 a hmachhawn zinga 21 lamah goal a thun tawh a, Manchester United vawi 5 hmachhawn tawhin goal a la thun lo!

(Dox reader atanga lakchhuah leh chhawn a nih avangin chhiar a nuam lo mai thei)