Tun nipui football bazar-a sawihlawh leh ngaihven hlawh ber pawl chu Real Madrid in Tottenham Hotspurs aṭanga Luka Modric lei an tum thu hi a ni awm e. He Croatian midfielder chungchangah hian club pahnihte an indawr rei tawh a, chanchin chiang tak awm thei mang si lo thuthar a awm ve reng a. A tawp a tawpah chuan Real Madrid in an player duh tak hi an lalut thei dawn ta niin a lang.
The Telegraph in a ziah danin club pahnihte hi Modric man zatah an inrem tawh a, Real Madrid hian pound maktaduai 33 (euro maktaduai 42) in an lei ngam a, hei hi Tottenham pawhin an pawm tawh a ni. Spurs hian Modric hi pound maktaduai 40 aia tlawma hralh an tum loh thu lo sawi tawh ṭhin mahse player berin chhuah a duh a, Real Madrid in an phalna zatin an ngam bawk si lo a, chuvangin Spurs chairman Daniel Levy chuan chhuahtir mai hi a remti ta a ni. Tunah chuan player leh club inkara tihfel tur bakah bakah medical a la awm a, mahe Modric hian Real Madrid-a kal a duh sa avangin hei hi chu awlsam te a tihfel a nih a rinawm. Real Madrid ah hian kum nga chhung contract a ziak dawn niin tarlan a ni bawk.
Spurs manager Andre Villas-Boas chuan Modric chhuah leh chhuah loh azirin midfielder thar an neiin an nei lo ang tih a sawi tawh a. Hetia chhuak tur nia a lan takah chuan pound maktaduai 20 man, Shakhtar Donetsk midfielder Willian lalut turin thui tak inbiakna a kal tawh nia report a awm nghal a. Willian bakah hian Porto midfielder Joao Moutinho te, Rennes midfielder Yann M’Villa leh Fulham ami Moussa Dembele te hming a lang bawk.
Modric chungchang hi Real Madrid leh Tottenham Hotspurs official website-ah tarlan a la nih loh avangin awih bur chi a la ni lo a, jersey pawtparh chunga thla an lak hma hi chuan engpawh la thleng thei a ni tih kan hriat a ṭha awm e.
source: telegraph.co.uk
Buy cialis in canada
Generic cialis next day shipping
amah hi chu a tha ka ti, mahse club morale ti chhe zawng in a khosa nasa toh lutuk a, pet chhuak vat se an thatpui zawk ang….
Amah pawh khawngaihthlak letling tawh e.. chhuak vat se tha ni mai..hehe. Mahse a khel hmuh tur a khat tawh dawn hle mai, ka player duh a ni sin le
Willian hi ka player duh em em a ni miahlo na in tunlai transfer market ngaihtuah hian, player man “inflated” lutuk dan ngaihtuah hian 20 million man chu a ni ve tho ka ti… Ucl an game bakah hian Shakhtar ho match hi ka subscribe ve te zinga mi an nia, an player pawimawh anih bakah kum thuah pawh a naupang lam a la nia, a man hi a tam lo theilo ve bawk a ni…hehe…engpawh nise deep-lying playmaker tho la ve leh rawh se…like-for-like a thlak an duh anih chuan…
SPurs ah hian cham mai mai se tha sin le. Real ah chuan chance a nei chhe awm e mai. (mimal ngaihdan)
Chhuak vat2 teh se, a chungchang hi ka ning 🙂
Headline ber kalsan daih te’ng,Shaktar player 1 ve mai Willian kha khiti man zat tur khi niin ka hreloe,Ucl ah pwh kn hmu ve fo naa,brazilian nih vaga han to vak zel mai chuh
Lei ngei rawh se, chuan AVB hian a thar a la dawn anih chuan Dembele kha la teh se, a thiam fu ani khapa kha.